ನಷ್ಟ ಭರಿಸಲಾಗದೆ ಬಾಗಿಲು ಮುಚ್ಚಿದ ಟಿವಿ ಚಾನಲ್

ಯುಎಸ್ ಮೂಲದ ಟರ್ನರ್ ಬ್ರಾಡ್ ಕಾಸ್ಟಿಂಗ್ ಸಿಸ್ಟಂಸ್ ಇಂಕ್ 2009ರಲ್ಲಿ NDTVಯ ಇಮ್ಯಾಜಿನ್ ಟಿವಿಯನ್ನು 117 ದಶಲಕ್ಷ ಡಾಲರ್‌ಗೆ ಖರೀದಿಸಿತ್ತು. ರೇಟಿಂಗ್ ಪಟ್ಟಿಯಲ್ಲಿ ಚಾನಲ್ ನಿರೀಕ್ಷಿಸಿದ ಬೆಳವಣಿಗೆ ಕಾಣದ ಕಾರಣ ವಾಹಿನಿ ತನ್ನ ಕಾರ್ಯಕಲಾಪಗಳನ್ನು ಸ್ಥಗಿತಗೊಳಿಸುತ್ತಿರುವುದಾಗಿ ಟರ್ನರ್ ಇಂಟರ್‌ನ್ಯಾಷನಲ್ ಇಂಡಿಯಾದ ದಕ್ಷಿಣ ಏಷ್ಯಾ ಕಾರ್ಯನಿರ್ವಾಹಕ ನಿರ್ದೇಶಕ ಸಿದ್ಧಾರ್ಥ್ ಜೈನ್ ತಿಳಿಸಿದ್ದಾರೆ.

ಭಾರತದಲ್ಲಿ ಟರ್ನರ್ ಬ್ರಾಡ್ ಕಾಸ್ಟಿಂಗ್ ಕಂಪನಿ ಹಲವಾರು ಟಿವಿ ಚಾನಲ್‌ಗಳನ್ನು ನಿರ್ವಹಿಸುತ್ತಿದೆ. ಅವುಗಳಲ್ಲಿ ಮುಖ್ಯವಾಗಿ ಹೆಚ್‌ಬಿಓ, ಸಿಎನ್‍ಎನ್, ಕಾರ್ಟೂನ್ ನೆಟ್‌ವರ್ಕ್, ಪೋಗೋ ಹಾಗೂ ಡಬ್ಲ್ಯುಬಿ ವಾಹಿಗಳು ಜನಪ್ರಿಯವಾಗಿವೆ. ಇಮ್ಯಾಜಿನ್ ಟಿವಿಯನ್ನು ಮುಚ್ಚಿರುವ ಟರ್ನರ್ ಕಂಪನಿ ಭಾರತದ ಮಾರುಕಟ್ಟೆ ಆಶಾದಾಯಕವಾಗಿದ್ದು ಮುಂದೆಯೂ ಬಂಡವಾಳ ಹೂಡುವುದಾಗಿ ತಿಳಿಸಿದೆ. ಸ್ವಯಂವರ ಸರಣಿ ಸೇರಿದಂತೆ ಹಲವು ರಿಯಾಲಿಟಿ ಶೋಗಳಿಗೆ ಇಮ್ಯಾಜಿನ್ ಟಿವಿ ಹೆಸರಾಗಿತ್ತು. (ಏಜೆನ್ಸೀಸ್)