ಪವರ್ ಸ್ಟಾರ್ ಪುನೀತ್ 'ಕನ್ನಡದ ಕೋಟ್ಯಾಧಿಪತಿ'

ಈ ಕುರಿತು ಪವರ್ ಸ್ಟಾರ್ ಪುನೀತ್ "ಅಭಿಮಾನಿಗಳ ಪ್ರೀತಿಯನ್ನು ಹಂಚಿಕೊಳ್ಳಲಿಕ್ಕೆ ಇದೊಂದು 'ಸುವರ್ಣ' ವಾಹಿನಿಯಲ್ಲಿ ನನಗೆ ಸುವರ್ಣಾವಕಾಶ. ಇಲ್ಲಿ ಸ್ಪರ್ಧಿಗಳಿಗೆ ಹಣ ಮಾತ್ರ ಸಿಗೋದಿಲ್ಲ, ಬದುಕಿಗೊಂದು ಭರವಸೆಯೂ ಸಿಗುತ್ತದೆ. ನಿಜವಾದ ಶಿಕ್ಷಣವೇ ನಿಜವಾದ ಯೋಗ್ಯತೆ. ಅಂತಹ ಯಾವುದೇ ಒಬ್ಬ ಸಾಮಾನ್ಯನೂ ನನ್ನೊಂದಿಗೆ ಆಡಿ ಕೋಟ್ಯಾಧಿಪತಿ ಆಗಬಹುದು. ತಡವೇಕೆ, ರಿಜಿಸ್ಟ್ರೇಷನ್ ಮಾಡಿಸಿಕೊಂಡು ಕಾಯುತ್ತಿರಿ, ನಾನು ಬಂದು ನಿಮ್ಮನ್ನು ಭೇಟಿಯಾಗುತ್ತೇನೆ" ಎಂದು ಸಮಸ್ತ ಕನ್ನಡಿಗರಿಗೆ ಕರೆ ಕೊಟ್ಟಿದ್ದಾರೆ.

'ಕೌನ್ ಬನೇಗಾಕರೋಡ್ ಪತಿ' ಯನ್ನು ಪ್ರಾಯೋಜಿಸಿದ್ದ ಸಿನರ್ಜಿ ಗ್ರೂಫ್ ಕನ್ನಡದ 'ಕೋಟ್ಯಾಧಿಪತಿಯನ್ನೂ ನಡೆಸಿಕೊಡಲಿರುವುದು ವಿಶೇಷ. ಹಾಗಾಗಿ ಈ ಕಾರ್ಯಕ್ರಮ ಯಶಸ್ವಿಯಾಗುವುದೆಂಬ ನಿರೀಕ್ಷೆ ಎಲ್ಲರಲ್ಲಿದೆ. ಕೋಟಿ ರು. ಗೆಲ್ಲುವುದರ ಜೊತೆ ಪುನೀತ್ ಜೊತೆ ಮಾತುಕತೆ ಇಲ್ಲಿ ಉಚಿತ.

ಕರ್ನಾಟಕದಲ್ಲಿ ಮನೆಮನೆ ಮಾತಾಗುವ ಸದಾವಕಾಶ ಸುವರ್ಣವಾಹಿನಿ ಮೂಲಕ ನಿಮಗಿದೆ. ಒಂದು ಕೋಟಿಯನ್ನು ಗೆಲ್ಲಲು ನೀವು ಉತ್ತರಿಸಬೇಕಾದ ಪ್ರಶ್ನೆ ಯಾವುದೆಂಬುದನ್ನು ಇದೇ ತಿಂಗಳು, ಡಿಸೆಂಬರ್ 27 ರ ರಾತ್ರಿ 8.00 ಗಂಟೆಗೆ ಪುನೀತ್ ಕೇಳಲಿದ್ದಾರೆ, ಕಾಯುತ್ತಿರಿ...(ಒನ್ ಇಂಡಿಯಾ ಕನ್ನಡ)