ಸಮಯ ನ್ಯೂಸ್ ಚಾನಲ್ ಯಾರಿಗೆ ಸೇಲ್ ಆಗಲಿದೆ?

ಸಮಯ ನ್ಯೂಸ್ ಚಾನಲನ್ನು ಯಾರು ಖರೀದಿಸುತ್ತಾರೆ ಎಂಬ ಪ್ರಶ್ನೆಗೆ ಸದ್ಯಕ್ಕೆ ಮಾಧ್ಯಮ ವಲಯದಲ್ಲಿ ಒಂದು ನಮೂನೆಯ ಸುದ್ದಿ ಹರಿದಾಡುತ್ತಿದೆ. ಹಾಸನದ ಸಚಿನ್ ಎಂಬುವವರು ಸಮಯ ಟಿವಿಯನ್ನು ಕೊಳ್ಳುತ್ತಿರುರುವುದಾಗಿ ಸುದ್ದಿ. ಈ ಸುದ್ದಿ ಪಕ್ಕಾ ಎಂದೂ ಹೇಳಲಾಗಿದೆ. ಸಚಿನ್ ಅವರಿಗೆ ಯಡಿಯೂರಪ್ಪನವರ ಬೆಂಬಲವೂ ಇದೆಯಂತೆ.

ಸಚಿನ್‌ ಜೊತೆ ಕೈಗಾರಿಕಾ ಸಚಿವ ಮುರುಗೇಶ್ ನಿರಾಣಿ ಹಾಗೂ ಸ್ವತಃ ಮುಖ್ಯಮಂತ್ರಿ ಬಿ ಎಸ್ ಯಡಿಯೂರಪ್ಪ ಅವರು ಕೈ ಜೋಡಿಸಿದ್ದಾರೆ ಎಂಬ ಸುದ್ದಿಯೂ ತೇಲಾಡುತ್ತಾ ಓಲಾಡುತ್ತಾ ಸಾಗುತ್ತಿದೆ. ಸದ್ಯಕ್ಕೆ ಹಾಸನದ ಸಚಿನ್ ಅವರೊಂದಿಗೆ ಸತೀಶ್ ಜಾರಕಿ ಹೊಳಿ ಮಾತುಕತೆ ಒಂದು ಘಟ್ಟಕ್ಕೆ ಬಂದು ನಿಂತಿದ್ದು ಶೀಘ್ರದಲ್ಲೇ ಸೇಲ್ ಆಗುವ ಎಲ್ಲ ಲಕ್ಷಣಗಳು ಇವೆ.