ಜನಶ್ರೀ ನ್ಯೂಸ್‌ ಚಾನಲ್‌ನಲ್ಲಿ ಗುಡ್ಡದ ಭೂತ ಪ್ರಸಾರ

ತಾಂತ್ರಿಕತೆ, ಅಭಿನಯ, ನಿರೂಪಣೆಯಿಂದ ಈ ಧಾರಾವಾಹಿ ಅಸಾಧಾರಣವಾಗಿತ್ತು. 'ಗುಡ್ಡದ ಭೂತ' ಧಾರಾವಾಹಿಯನ್ನು ಜನಶ್ರೀ ವಾಹಿನಿ ಮರುಪ್ರಸಾರ ಮಾಡುತ್ತಿರುವುದು ನಿಜಕ್ಕೂ ಸ್ವಾಗತಾರ್ಹ ಬೆಳವಣಿಗೆ. ವಾರಕ್ಕೊಮ್ಮೆ ಮಾತ್ರ ಪ್ರಸಾರವಾಗುತ್ತಿರುವ ಈ ಧಾರಾವಾಹಿಯನ್ನು ಪ್ರತಿ ಶನಿವಾರ ರಾತ್ರಿ 9.30 ರಿಂದ 10 ಗಂಟೆ ತನಕ ಜನಶ್ರೀ ನ್ಯೂಸ್‌ನಲ್ಲಿ ನೋಡಬಹುದು.

ಸುದ್ದಿ ವಾಹಿನಿಯೊಂದು ಧಾರಾವಾಹಿಯೊಂದನ್ನು ಪ್ರಸಾರ ಮಾಡುತ್ತಿರುವುದು ದೇಶದಲ್ಲೇ ಪ್ರಥಮ ಎನ್ನಲಾಗಿದೆ. 'ಗುಡ್ಡದ ಭೂತ' ಧಾರಾವಾಹಿ 1991ರಲ್ಲಿದ್ದ ಏಕೈಕ ವಾಹಿನಿ ದೂರದರ್ಶನದಲ್ಲಿ ಪ್ರಸಾರವಾಗುತ್ತಿತ್ತು. ಈಗ ಇಷ್ಟೆಲ್ಲಾ ಟಿವಿ ವಾಹಿನಿಗಳಿದ್ದರೂ ಯಾರೂ ಮಾಡದ ಸಾಹಸಕ್ಕೆ ಜನಶ್ರೀ ಕೈಹಾಕಿರುವುದು ವಿಚಿತ್ರ, ವಿಸ್ಮಯ, ಅಚ್ಚರಿ, ಹೀಗೂ ಉಂಟೇ!