ಸ್ಟಾರ್ ಪ್ಲಸ್ ಮಾಸ್ಟರ್ ಚೆಫ್ ಇಂಡಿಯಾದಿಂದ ಅಕ್ಷಯ್ ಔಟ್

ಬಾಲಿವುಡ್ ನಟ ಅಕ್ಷಯ್ ಕುಮಾರ್ ನಡೆಸಿಕೊಡುತ್ತ್ತಿದ್ದ ವಿಭಿನ್ನ ರುಚಿಯ ಟಿವಿ ಕಾರ್ಯಕ್ರಮ ಮಾಸ್ಟರ್ ಚೆಫ್ ಇಂಡಿಯಾ. ಸ್ಟಾರ್ ಪ್ಲಸ್ ವಾಹಿನಿಯ ಜನಪ್ರಿಯ ಕಾರ್ಯಕ್ರಮಗಳಲ್ಲಿ ಇದೂ ಒಂದಾಗಿತ್ತು. ಅಕ್ಷಯ್ ನಡೆಸಿಕೊಡುತ್ತಿದ್ದ ಅಡುಗೆ ಕಾರ್ಯಕ್ರಮ ಹೆಂಗೆಳೆಯರನ್ನಷ್ಟೇ ಅಲ್ಲ ಗಂಡಸರನ್ನೂ ಟಿವಿ ಮುಂದೆ ಕೂರುವಂತೆ ಮಾಡಿತ್ತು.

ಈಗ ಮಾಸ್ಟರ್ ಚೆಫ್ ಇಂಡಿಯಾ ಸೀಸನ್ 2 ಆರಂಭವಾಗುತ್ತಿದೆ. ಮೂಲಗಳ ಪ್ರಕಾರ ಎರಡನೇ ಭಾಗದಲ್ಲಿ ಅಕ್ಷಯ್ ಕುಮಾರ್‌ಗೆ ಅವಕಾಶ ನೀಡಿಲ್ಲ. ಬದಲಾಗಿ ನಿಜವಾದ ಬಾಣಸಿಗರೇ ಈ ಕಾರ್ಯಕ್ರಮವನ್ನು ನಡೆಸಿಕೊಡಲಿದ್ದಾರೆ. ಸೀಸನ್ ಎರಡು 20 ರಿಂದ 26 ಕಂತುಗಳಲ್ಲಿ ಪ್ರಸಾರವಾಗಲಿದೆ.

ವಿಶ್ವಖ್ಯಾತಿಯ ಬಾಣಸಿಗರಾದ ಅತುಲ್ ಕೊಚ್ಚಾರ್, ವಿನೀತ್ ಭಾಟಿಯಾ ಹಾಗೂ ವಿಕಾಸ್ ಖನ್ನಾ ಜೊತೆಗೆ ಸೀಸನ್ ಒಂದರ ಬಾಣಸಿಗರಾದ ಕುನಾಲ್ ಕಪೂರ್, ಅಜಯ್ ಚೋಪ್ರ ಕೂಡ ಭಾಗವಹಿಸಲಿದ್ದಾರೆ ಎಂದು ಕೋಲೋಸಿಯಂ ಮೀಡಿಯಾ ಪ್ರೈ.ಲಿ. ಮುಖ್ಯ ಕಾರ್ಯನಿರ್ವಹಣಾಧಿ ಅಜಿತ್ ಅಂಧರೆ ತಿಳಿಸಿದ್ದಾರೆ. (ಏಜೆನ್ಸೀಸ್)