ರಾಘವೇಂದ್ರ ಆತ್ಮಹತ್ಯೆ ಯತ್ನಕ್ಕೆ ರಿಯಲ್ ಕಾರಣ ಏನು?

ಈ ಘಟನೆಯ ಬಗ್ಗೆ ಪ್ರತಿಕ್ರಿಯಿಸಿರುವ ರಾಘವೇಂದ್ರ ಅವರ ಪತ್ನಿ ಸುಧಾ ರಾಘವೇಂದ್ರ ಅವರು, ಕಾರ್ತೀಕ ದೀಪ ಧಾರಾವಾಹಿಯಿಂದ ತುಂಬಾ ನಷ್ಟ ಅನುಭವಿಸಿದ್ದೇವೆ. ಈ ನಷ್ಟವನ್ನು ಅವರು ಭರಿಸಲಾಗದೆ ಆತ್ಮಹತ್ಯೆಗೆ ಯತ್ನಿಸಿದರು ಎಂದಿದ್ದಾರೆ.

ಕಾರ್ತೀಕ ದೀಪ ಧಾರಾವಾಹಿಯಿಂದ ತಾವು ಸುಮಾರು ರು.80 ರಿಂದ 90 ಲಕ್ಷ ನಷ್ಟ ಅನುಭವಿಸಿದ್ದೇವೆ. ಈ ನಷ್ಟವನ್ನು ಭರಿಸಲು ಸಾಧ್ಯವಾಗದೆ ಅವರು ಆತ್ಮಹತ್ಯೆಗೆ ಯತ್ನಿಸಿದರು. ಕಲಾವಿದರಾಗಲಿ, ತಂತ್ರಜ್ಞಾರಾಗಲಿ ಯಾರಿಂದಲೂ ತಮಗೆ ಕಿರುಕುಳವಿಲ್ಲ. ಎಲ್ಲರೂ ನಮ್ಮೊಂದಿಗೆ ಸಹಕರಿಸಿದ್ದಾರೆ ಎಂದಿದ್ದಾರೆ ಸುಧಾ.

ಕಾರ್ತೀಕ ದೀಪ ಧಾರಾವಾಹಿಯ ಕಲಾವಿದರಿಗೆ ನಾಲ್ಕು ತಿಂಗಳಿಂದಲೂ ಪೇಮೆಂಟ್ ಕೊಟ್ಟಿಲ್ಲ ಎನ್ನಲಾಗಿದ್ದು. ಈ ಬಗ್ಗೆ ಪ್ರತಿಕ್ರಿಯಿಸಿರುವ ಸುಧಾ ಅವರು, ಕಲಾವಿದರಾರು ಆತಂಕಪಡಬೇಕಾಗಿಲ್ಲ. ಅವರ ಮನೆ ಬಾಗಿಲಿಗೇ ಹಣ ತಲುಪಿಸುತ್ತೇನೆ. ಧಾರಾವಾಹಿಯನ್ನು ಯಾವುದೇ ಕಾರಣಕ್ಕೂ ನಿಲ್ಲಿಸುವುದಿಲ್ಲ ಎಂದು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. (ದಟ್ಸ್‌ಕನ್ನಡ ಸಿನಿವಾರ್ತೆ)