ಸಮಯ ಟಿವಿಯಲ್ಲಿ ಮಹತ್ತರ ಬದಲಾವಣೆ

ಫೋಟೋ ಕೃಪೆ

ಶಶಿಧರ್ ಭಟ್ಟರು ತಮ್ಮ ಬ್ಲಾಗ್ ಹಾಗೂ ಫೇಸ್ ಬುಕ್ ಅಕೌಂಟ್‌ಗಳಲ್ಲಿ ಈ ಬಗ್ಗೆ ಪರೋಕ್ಷವಾಗಿ ಸುಳಿವೂ ನೀಡಿದ್ದಾರೆ. ಕರ್ನಾಟಕದ ಬೇರೆ ಬೇರೆ ಭಾಗಗಳಿಂದ ಭಟ್ಟರಿಗೆ ಸಾವಿರಾರು ಕರೆಗಳು ಬಂದಿವೆಯಂತೆ. ನಿಮ್ಮ ಪ್ರೀತಿಗೆ ವಿಶ್ವಾಸಕ್ಕೆ ನಾನು ಹೇಗೆ ಕೃತಜ್ಞತೆ ಸಲ್ಲಿಸಲಿ ಎಂದಿದ್ದಾರೆ ಭಟ್ಟರು.

ಫೇಸ್ ಬುಕ್‌ನಲ್ಲಿನ ಅವರ ವೈರಾಗ್ಯದ ಮಾತುಗಳು ವಿದಾಯಕ್ಕೆ ಮುನ್ಸೂಚನೆ ನೀಡಿವೆ. ಶಶಿಧರ್ ಭಟ್ ನಿರ್ಗಮನದ ನಂತರ ಸಮಯ ಟಿವಿ ವಾಹಿನಿಯ ಸ್ಥಾವನ್ನು ಯಾರು ಅಲಂಕರಿಸಲಿದ್ದಾರೆ ಎಂಬುದು ಮುಂದಿನ ಪ್ರಶ್ನೆ. ಈ ಪ್ರಶ್ನೆಗೆ ಈಗಾಗಲೆ ಮಾಧ್ಯಮ ವಲಯದಲ್ಲೂ ಉತ್ತರ ಸಿಕ್ಕಿದೆ.

ಸಮಯ ಚಾನಲ್ ಹೆಡ್ ಆಗಿ ಹಿರಿಯ ಪತ್ರಕರ್ತ ಜಿ ಎನ್ ಮೋಹನ್ ಸಾರಥ್ಯ ವಹಿಸಲಿದ್ದಾರೆ. ಪ್ರಜಾವಾಣಿ, ಈಟಿವಿ ನ್ಯೂಸ್ ಮುಖ್ಯಸ್ಥರಾಗಿ ಕಾರ್ಯನಿರ್ವಹಿಸಿದ ಅನುಭವ ಜಿ ಎಸ್ ಮೋಹನ್ ಅವರಿಗಿದೆ. ಅವಧಿ ವೆಬ್ ಸೈಟ್‌ನ ಮೋಹನ್ ಎಷ್ಟರ ಮಟ್ಟಿಗೆ ಮನಮೋಹನ್ ಆಗುತ್ತಾರೆ ಎಂಬುದು ಕಾದು ನೋಡಬೇಕು. ಶಶಿಧರ್ ಭಟ್ ಮುಂದಿನ ಪಯಣ ಎತ್ತ ಎಂಬುದು ನಿಗೂಢವಾಗಿದೆ. (ವಿವಿಧ ಮೂಲಗಳಿಂದ)