ಕನ್ನಡದ ಕೋಟ್ಯಾಧಿಪತಿ ಮಾರ್ಚ್ 12ಕ್ಕೆ ಪ್ರಾರಂಭ

ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ನಡೆಸಿಕೊಡಲಿರುವ ಸುವರ್ಣ' ವಾಹಿನಿಯ 'ಕನ್ನಡದ ಕೋಟ್ಯಾಧಿಪತಿ' ಕಾರ್ಯಕ್ರಮ ಮುಂದಿನ ತಿಂಗಳು, ಮಾರ್ಚ್ 12, 2012ರಿಂದ ಪ್ರಾರಂಭವಾಗಲಿದೆ. ಸೋಮವಾರದಿಂದ ಗುರುವಾರದವರೆಗೆ ಸಾಯಂಕಾಲ 8 ಗಂಟೆಗೆ ಈ ಕಾರ್ಯಕ್ರಮ ಪ್ರಸಾರವಾಗಲಿದೆ.

ಕನ್ನಡದ ಕೋಟ್ಯಾಧಿಪತಿಯಲ್ಲಿ ಒಟ್ಟೂ 40 ಸಂಚಿಕೆಗಳಿವೆ. ಕನ್ನಡ, ತಮಿಳು ಹಾಗೂ ಮಲೆಯಾಳಂ, ಹೀಗೆ 3 ಭಾಷೆಗಳಲ್ಲಿ ಇದು ಸಿದ್ಧವಾಗುತ್ತಿದ್ದು ಮೂರೂ ಭಾಷೆಗಳ ಚಿತ್ರೀಕರಣ ಚೆನ್ನೈನಲ್ಲಿ ನಡೆಯುತ್ತಿದೆ. ಈಗಾಗಲೇ ಸಾಕಷ್ಟು ಸಂಚಿಕೆಗಳ ಚಿತ್ರೀಕರಣ ಮುಗಿದ್ದಿದ್ದು ಇದೀಗ ಪ್ರಸಾರಕ್ಕೆ ದಿನಗಣನೆ ಪ್ರಾರಂಭವಾಗಿದೆ.

ಮೂರೂ ಭಾಷೆಗಳ ಸಂಚಿಕೆಗಳು ಒಂದಾದ ನಂತರ ಮತ್ತೊಂದರಂತೆ ಚಿತ್ರೀಕರಣಗೊಳ್ಳುತ್ತಿವೆ. ಕನ್ನಡದಲ್ಲಿ ಈ ಕಾರ್ಯಕ್ರಮ ಹೊಸ ಪ್ರಯತ್ನವಾಗಿದ್ದು ಸಾಕಷ್ಟು ನಿರೀಕ್ಷೆ ಮೂಡಿಸಿದೆ. ಈಗಾಗಲೇ ಸಾಕಷ್ಟು ಪ್ರಚಾರ ಪಡೆದಿರುವ ಈ ಶೋ, ಪ್ರಸಾರ ಪ್ರಾರಂಭದ ನಂತರ ದಾಖಲೆ ಮೆರೆದರೆ ಆಶ್ಚರ್ಯವಿಲ್ಲ. (ಒನ್ ಇಂಡಿಯಾ ಕನ್ನಡ)