Don't Miss!
- Lifestyle ಪುರುಷರಲ್ಲಿ ಹೆಚ್ಚಾಗುತ್ತಿದೆ ಬಂಜೆತನ: ಪುರುಷರು ಈ ಆಹಾರ ಸೇವಿಸಿದರೆ ಸಂತಾನೋತ್ಪತ್ತಿ ಸಾಮರ್ಥ್ಯ ಹೆಚ್ಚುವುದು
- Sports CSK vs LSG IPL 2024: ರುತುರಾಜ್ ಭರ್ಜರಿ ಶತಕ, ದುಬೆ ಸ್ಫೋಟಕ ಬ್ಯಾಟಿಂಗ್; ಲಕ್ನೋಗೆ ಬೃಹತ್ ಗುರಿ ನೀಡಿದ ಚೆನ್ನೈ
- News Narendra Modi: ಕರ್ನಾಟಕಕ್ಕೆ ಏಪ್ರಿಲ್ 28, 29ಕ್ಕೆ ಪ್ರಧಾನಿ ಮೋದಿ ಆಗಮನ
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಜೀ ಕನ್ನಡಲ್ಲಿ ಹೌಸ್ ಫುಲ್; ನಕ್ಕು ಹಗುರಾಗಿ!
ಕನ್ನಡ ಚಿತ್ರರಂಗದಲ್ಲಿ ತನ್ನದೇ ಸ್ಥಾನ ಪಡೆದಿರುವ ನಿರ್ದೇಶಕ, ನಟ ಹೇಮಂತ್ ಹೆಗಡೆ ನಟಿಸಿ ನಿರ್ದೇಶಿಸಿರುವ 'ಹೌಸ್ಫುಲ್' ಚಿತ್ರ ಜನವರಿ 30ರ ಶನಿವಾರ ಸಂಜೆ 5.30 ಗಂಟೆಯಿಂದ ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗಲಿದೆ.
ಕಳೆದ ಸಾಲಿನಲ್ಲಿ ಯಶಸ್ವೀ ಎನ್ನಿಸಿದ ಬೆರಳೆಣಿಕೆಯ ಚಿತ್ರಗಳಲ್ಲಿ ಹೌಸ್ಫುಲ್ ಕೂಡ ಒಂದು. 100% ಕಾಮಿಡಿ 0% ಬೋರು ಎಂಬುದು ಇದರ ಘೋಷವಾಕ್ಯ. ಇದಕ್ಕೆ ತಕ್ಕಂತೆ ಹೇಮಂತ್ ಹೆಗಡೆ, ದಿಗಂತ್ ಜೋಡಿ ಆರಂಭದಿಂದ ಕೊನೆಯತನಕವೂ ನೋಡುಗರನ್ನು ನಗೆಗಡಲಲ್ಲಿ ಮುಳುಗಿಸುತ್ತದೆ.
ದಿಗಂತ್ ಶ್ರೀಮಂತ. ಸಿನಿಮಾ ನಟನಾಗುವ ಹುಚ್ಚಿದೆ. ಹೇಮಂತ್ಗೆ ನಿರ್ದೇಶಕನಾಗುವ ಹುಚ್ಚು. ಸರಿಯಾದ ಸಮಯ ನೋಡಿ ದಿಗಂತ್ನನ್ನು ಬಲೆಗೆ ಬೀಳಿಸಿಕೊಳ್ಳುತ್ತಾನೆ. ಈ ನಡುವೆ ದಿಗಂತ್ ಹುಚ್ಚಾಟಗಳಿಗೆ ಕಡಿವಾಣ ಹಾಕಲು ಆಫ್ರಿಕ ಮಾವ ಬಲವಂತರಾವ್ ಬೇರೆಯದೇ ತಂತ್ರ ಹೆಣೆಯುತ್ತಾರೆ. ಈ ಸಿಕ್ಕಿನಲ್ಲಿ ಸಿಕ್ಕಿ ಸುತ್ತುವ ಕಾಮಿಡಿ ಆಫ್ ಎರರ್ಸ್ ಚಿತ್ರದ ಕಥೆಯ ಜೀವಾಳ.
ನಾಯಕಿಯರಾಗಿ ವಿಶಾಖಾ ಸಿಂಗ್ ಮತ್ತು ಗೌರಿ ಚಮಕ್ ಚಮಕಾಗಿ ಕಾಣಿಸಿಕೊಂಡಿದ್ದಾರೆ. ಹೇಮಂತ್ ನಟನೆ, ನಿರ್ದೇಶನ ಎರಡರಲ್ಲೂ ಗೆದ್ದಿದ್ದಾರೆ. ಗುಳಿಕೆನ್ನೆಯ ದಿಗಂತ್ ನಗೆಯಲ್ಲೇ ಹುಚ್ಚೆಬ್ಬಿಸುತ್ತಾರೆ. ಮಾವ ಬಲವಂತರಾವ್ ಪಾತ್ರಕ್ಕೆ ಲೋಕನಾಥ್ ಜೀವತುಂಬಿದ್ದಾರೆ. ಕಿರಣ್ ಸಂಗೀತದಲ್ಲಿ ಹಾಡುಗಳು ಸೊಗಸಾಗಿವೆ.
ಮುಂಬಯಿಯ ಮಾವೆರಿಕ್ ಪ್ರೊಡಕ್ಷನ್ಸ್ ನಿರ್ಮಿಸಿರುವ ಹೌಸ್ಫುಲ್ ಚಿತ್ರೀಕರಣ ಸಂದರ್ಭದಲ್ಲಿ ಚಾರ್ಲಿಚಾಪ್ಲಿನ್ ಪ್ರತಿಮೆಯ ವಿವಾದ ಸಾಕಷ್ಟು ಗಾಳಿ ಎಬ್ಬಿಸಿತ್ತು. ಕೊನೆಗೂ ಕಡಲಿನ ತಡಿಯಲ್ಲಿ ಚಾಪ್ಲಿನ್ ಪ್ರತಿಮೆ ನಿರ್ಮಿಸಲು ಹೇಮಂತ್ಗೆ ಸಾಧ್ಯವಾಗಿರಲಿಲ್ಲ. ಅದೇನೇ ಇರಲಿ, ಜೀ ಕನ್ನಡದಲ್ಲಿ ಹೌಸ್ಫುಲ್ ನೋಡಿ; ವಾರಾಂತ್ಯದಲ್ಲಿ ನಕ್ಕು ಹಗುರಾಗಿ!