ಗರ್ಭಿಣಿ ಐಶ್ವರ್ಯರಿಂದಾಗಿ ಕೆಬಿಸಿ 5 ಅಕಾಲಿಕ ಅಂತ್ಯ

ಕೌಟುಂಬಿಕ ವಿಷಯವಾಗಿ ನವೆಂಬರ್ ನಂತರವೂ 'ಕೌನ್ ಬನೇಗಾ ಕರೋಡ್ ಪತಿ' ನಡೆಸಿಕೊಡುವುದು ಕಷ್ಟವಾಗಲಿದೆ ಎಂದು ಬಾಲಿವುಡ್ ಬಾದ್ ಷಾ ಅಮಿತಾಭ್ ಬಚ್ಚನ್ ಅವರು ಕಾರ್ಯಕ್ರಮ ಪ್ರಾಯೋಜಕರಾದ ಸೋನಿ ಟಿವಿಗೆ ಈಗಾಗಲೇ ಸ್ಪಷ್ಟಪಡಿಸಿದ್ದಾರೆ. ಆದ್ದರಿಂದ ಈ ಬಾರಿ ಕೆಬಿಸಿ ಬೇಗನೇ ಮುಕ್ತಾಯ ಕಾಣಲಿದೆ. ಸಾಮಾನ್ಯವಾಗಿ ಕೆಬಿಸಿ ಡಿಸೆಂಬರ್ ಕೊನೆಯವರೆಗೂ ನಡೆಯುತ್ತಿತ್ತು.

ತಮ್ಮ ಸೊಸೆ, ಕನ್ನಡತಿ ಐಶ್ವರ್ಯ ರೈ ನವೆಂಬರ್ ಮಧ್ಯ ಭಾಗದಲ್ಲಿ ಮಗುವಿಗೆ ಜನ್ಮ ನೀಡಲಿದ್ದಾರೆ. ಆ ಸಂತಸವನ್ನು ಹಂಚಿಕೊಳ್ಳುವ ಸಲುವಾಗಿ ತಾವು ಪರಿವಾರದೊಂದಿಗೆ ಇರಬಯಸುವುದಾಗಿ ಅಮಿತಾಬ್ ಹೇಳಿಕೊಂಡಿದ್ದಾರೆ. ಕೆಬಿಸಿ ಪೂರ್ವ ನಿಗದಿಗಿಂತ ಮುನ್ನವೇ ಮುಕ್ತಾಯವಾಗುತ್ತಿರುವುದಕ್ಕೆ ಇದು ಸಕಾರಣವಾಗಿದೆ ಎನ್ನಲಾಗಿದೆ.

ಅಂದಹಾಗೆ, ಸುಶೀಲ್ ಕುಮಾರ್ ವಿಜೇತ ಜಾಕ್ ಪಾಟ್ ಎಪಿಸೋಡ್ ಇದೇ ನವೆಂಬರ್ 2 ಬುಧವಾರದಂದು ಪ್ರಸಾರವಾಗಲಿದೆ. ಆದರೆ ಸೋನಿ ಟಿವಿ ಪ್ರಕಾರ ನವೆಂಬರ್ 1ರಂದೇ ಇದು ಪ್ರಸಾರವಾಗಲಿದೆ. ಯಾವುದಕ್ಕೇ ಆಗಲಿ ನವೆಂಬರ್ 1, 2 ರಂದು ಸೋನಿ ಟಿವಿ ಮುಂದೆ ಪಟ್ಟಂಗ ಹಾಕಿ ಕುಳಿತುಕೊಳ್ಳುವುದು ಒಳಿತು.