ಪುನೀತ್ 'ಕಂಪ್ಯೂಟರ್ ಜೀ' ಹೆಸರು ಬಹಿರಂಗ

ಅಮಿತಾಬ್ ಬಚ್ಚನ್ ಅವರು ಸರಿಯುತ್ತರ ಪಡೆಯಲು 'ಕಂಪ್ಯೂಟರ್ ಜೀ' ಎಂದು ಸಂಬೋಧಿಸುವಂತೆ, ಪುನೀತ್ ರಾಜ್ ಕುಮಾರ್ ಅವರು ಯಾವ ಹೆಸರಿನಿಂದ ಕಂಪ್ಯೂಟರ್ ಅನ್ನು ಕರೆಯಬೇಕು ಎಂದು ಚರ್ಚೆಗೆ ಸಾವಿರಾರು ಕಾಮೆಂಟುಗಳು, ಉತ್ತರಗಳು, ಸಲಹೆಗಳು ಬಂದಿತ್ತು.

ಸೂರ್ಯ ತನ್ನ ಕಂಪ್ಯೂಟರ್ ಅನ್ನು ಕರೆಯುವಂತೆ ಪುನೀತ್ ಕೂಡಾ 'ಮಿಸ್ಟರ್ ಜೀನಿಯಸ್' ಅಥವಾ 'ಜಿನಿಯಸ್' ಎಂದು ಕರೆಯುತ್ತಾರೆ. ಹಾಗೂ ಉತ್ತರಗಳನ್ನು 'ಲಾಕ್' ಮಾಡುವ ಬದಲು 'ಫಿಕ್ಸ್' ಮಾಡುತ್ತಾರೆ ಎಂಬ ವಿಷಯ ಬಹಿರಂಗವಾಗಿದೆ.

ಆದರೆ, ಸೂರ್ಯ ಅಪ್ಪಟ ತಮಿಳಿನಲ್ಲಿ ಮಾತನಾಡುವಂತೆ, ಪುನೀತ್ ಕೂಡಾ ಅಪ್ಪಟ ಕನ್ನಡ ಬಳಸುತ್ತಾರಾ? ಎಂಬ ಪ್ರಶ್ನೆಗೆ ಉತ್ತರ ಪರಮಾತ್ಮನಿಗೆ ಮಾತ್ರ ಗೊತ್ತು. ತಮಿಳಿನಲ್ಲಿ ಈಗಾಗಲೇ ಆರಂಭವಾಗಿರುವ ಕೋಟ್ಯಾಧಿಪತಿ ಕಾರ್ಯಕ್ರಮ ಜನ ಮೆಚ್ಚುಗೆ ಗಳಿಸುತ್ತಿದೆ.

ಮಾರ್ಚ್ 12, 2012ರಿಂದ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ನಡೆಸಿಕೊಡಲಿರುವ ಕನ್ನಡ ಕೋಟ್ಯಾಧಿಪತಿ ಪ್ರಾರಂಭವಾಗಲಿದೆ. ಸೋಮವಾರದಿಂದ ಗುರುವಾರದವರೆಗೆ ಸಾಯಂಕಾಲ 8 ಗಂಟೆಗೆ ಈ ಕಾರ್ಯಕ್ರಮ ಪ್ರಸಾರವಾಗಲಿದೆ. ಪುನೀತ್ ತಮ್ಮ ಪವರ್ ಫುಲ್ ಡೈಲಾಗ್ ಮೂಲಕ ಯಾವ ರೀತಿ ಕಾರ್ಯಕ್ರಮ ಮುನ್ನೆಡೆಸುತ್ತಾರೆ ಕಾದು ನೋಡಬೇಕಿದೆ.