ಕನ್ನಡದ ಕೋಟ್ಯಾಧಿಪತಿಯಲ್ಲಿ ಎಳಸು ಪ್ರಶ್ನೆಗಳೇಕೆ?

ಶೋನ ಮೊದಲ ಐದು ಪ್ರಶ್ನೆಗಳು ಪ್ರಾಥಮಿಕ ಶಾಲೆಯ ಮಕ್ಕಳು ಉತ್ತರಿಸುವಂತಿವೆ. ಗಾದೆ ಮಾತುಗಳಂತೂ ತುಂಬಾ ಸರಳವಾಗಿವೆ. ಸ್ಪರ್ಧಾರ್ಥಿಗಳ ಸಾಮಾನ್ಯ ಜ್ಞಾನವನ್ನು ಒರೆಗೆ ಹಚ್ಚುವಂತಿಲ್ಲ. ಈ ಕಾರ್ಯಕ್ರಮವನ್ನು ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ತಯಾರಾಗುತ್ತಿರುವವರು ವೀಕ್ಷಿಸುತ್ತಿರುತ್ತಾರೆ ಎಂಬ ಅರಿವು ನಿರೂಪಕರಿಗೆ ಇದ್ದರೆ ಒಳಿತು.

ಉಳಿದಂತೆ ಕಾರ್ಯಕ್ರಮ ಚೆನ್ನಾಗಿ ಮೂಡಿಬರುತ್ತಿದೆ. ಪುನೀತ್ ಅವರು ಸ್ಪರ್ಧಿಗಳನ್ನು ಹುರಿದುಂಭಿಸುವ ರೀತಿ ಮೆಚ್ಚುವಂತಿದೆ. ಬಿಗ್ ಬಿ ಅಮಿತಾಬ್ ಬಚ್ಚನ್ ಅವರ 'ಕರೋಡ್‌ಪತಿ' ಕಾರ್ಯಕ್ರಮವನ್ನು ನೆನಪಿಸುವಂತಿದ್ದರೂ ಕೋಟ್ಯಾಧಿಪತಿ ತನ್ನ ತನವನ್ನು ಉಳಿಸಿಕೊಂಡಿರುವುದು ಹೆಮ್ಮೆಯ ಸಂಗತಿ