ಭಾನುವಾರ ಉದಯ ಟಿವಿಯಲ್ಲಿ 6 ಸೂಪರ್ ಸಿನಿಮಾಗಳು

8.30ಕ್ಕೆ ಸ.ಹಿ.ಪ್ರಾ ಶಾಲೆ ಕಾಸರಗೋಡು

ಬೆಳಗ್ಗೆ 8.30ಕ್ಕೆ 2018ರ ಸೂಪರ್ ಹಿಟ್ ಸಿನಿಮಾ 'ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಕಾಸರಗೋಡು' ಪ್ರಸಾರವಾಗಲಿದೆ. ರಿಷಬ್ ಶೆಟ್ಟಿ ನಿರ್ದೇಶಿಸಿದ್ದ ಈ ಚಿತ್ರದಲ್ಲಿ ಅನಂತ್ ನಾಗ್ ಸೇರಿದಂತೆ ಹಲವು ಮಕ್ಕಳು ಅಭಿನಯಿಸಿದ್ದರು. ಅತ್ಯುತ್ತಮ ಮಕ್ಕಳ ಸಿನಿಮಾ ರಾಷ್ಟ್ರ ಪ್ರಶಸ್ತಿ ಸಹ ಲಭಿಸಿದೆ. ಕನ್ನಡ ಶಾಲೆಗಳನ್ನು ಉಳಿಸಬೇಕು ಎಂಬ ಹೋರಾಟ ಕಥೆ ಬಹಳ ಚೆನ್ನಾಗಿ ಮೂಡಿಬಂದಿದೆ.

11.30ಕ್ಕೆ ಹಿಟ್ ಸಿನಿಮಾ ಚೌಕ

ತರುಣ್ ಸುಧೀರ್ ಚೊಚ್ಚಲ ಬಾರಿಗೆ ನಿರ್ದೇಶನ ಮಾಡಿದ್ದ ಚೌಕ ಸಿನಿಮಾ ಭಾನುವಾರ ಬೆಳಗ್ಗೆ 11.30ಕ್ಕೆ ಉದಯಟಿವಿಯಲ್ಲಿ ಪ್ರದರ್ಶನವಾಗಲಿದೆ. ದ್ವಾರಕೀಶ್ ನಿರ್ಮಾಣದ ಈ ಚಿತ್ರದಲ್ಲಿ ನೆನಪಿರಲಿ ಪ್ರೇಮ್, ಪ್ರಜ್ವಲ್ ದೇವರಾಜ್, ವಿಜಯ್ ರಾಘವೇಂದ್ರ, ದಿಗಂತ್, ಭಾವನಾ, ಐಂದ್ರಿತಾ ರೇ, ದೀಪಾ ಸನ್ನಿದಿ, ಪ್ರಿಯಾಮಣಿ ಹಾಗೂ ಚಿಕ್ಕಣ್ಣ ನಟಿಸಿದ್ದರು. ವಿಶೇಷ ಪಾತ್ರದಲ್ಲಿ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಮತ್ತು ಕಾಶಿನಾಥ್ ಅಭಿನಯಿಸಿದ್ದರು.

ಮಧ್ಯಾಹ್ನ 3 ಗಂಟೆಗೆ 'ಖಾಕಿ'?

ಮಧ್ಯಾಹ್ನ 3 ಗಂಟೆಗೆ ಯಾವ ಸಿನಿಮಾ ಎಂದು ಸುಳಿವು ಕೊಡಲಾಗಿದೆ. ಆರಕ್ಷಕರ ಸಮವಸ್ತ್ರ ಎಂದು ಸುಳಿವು ಸಿಕ್ಕಿದೆ. ಇದು ಚಿರಂಜೀವಿ ಸರ್ಜಾ ನಟನೆಯ 'ಖಾಕಿ' ಸಿನಿಮಾ ಎಂದು ಹೇಳಲಾಗಿದೆ. 2020ರಲ್ಲಿ ಬಿಡುಗಡೆಯಾಗಿದ್ದ ಈ ಚಿತ್ರದಲ್ಲಿ ಚಿರು ಸರ್ಜಾ, ತಾನ್ಯ ಹೋಪ್, ಛಾಯಾ ಸಿಂಗ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು.

ಸಂಜೆ 6.30ಕ್ಕೆ ಒಡೆಯ

ಇನ್ನು ಭಾನುವಾರ ಸಂಜೆ 6.30ಕ್ಕೆ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ನಟನೆಯ ಒಡೆಯ ಸಿನಿಮಾ ಪ್ರಸಾರವಾಗಲಿದೆ. 2019ರಲ್ಲಿ ಬಿಡುಗಡೆಯಾಗಿದ್ದ ಈ ಚಿತ್ರ ತಮಿಳಿನ ವೀರಂ ರಿಮೇಕ್. ಎಂಡಿ ಶ್ರೀಧರ್ ನಿರ್ದೇಶಿಸಿದ್ದ ಈ ಚಿತ್ರದಲ್ಲಿ ದರ್ಶನ್ ಸನಾ ತಿಮ್ಮಯ್ಯ, ದೇವರಾಜ್, ಪಿ ರವಿಶಂಖರ್, ಚಿಕ್ಕಣ್ಣ, ಶರತ್ ಲೋಹಿತಾಶ್ವ, ಸಾಧು ಕೋಕಿಲಾ ಸೇರಿದಂತೆ ಹಲವು ಕಲಾವಿದರು ನಟಿಸಿದ್ದರು. ಸಂದೇಶ್ ನಾಗರಾಜ್ ನಿರ್ಮಾಣ ಮಾಡಿದ್ದರು.

ರಾತ್ರಿ 10ಕ್ಕೆ ಶೈಲೂ

ಭಾನುವಾರ ರಾತ್ರಿ ನೈಟ್ ಶೋನಲ್ಲಿ ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯದ ಶೈಲೂ ಸಿನಿಮಾ ಪ್ರಸಾರವಾಗಲಿದೆ. 2011ರಲ್ಲಿ ರಿಲೀಸ್ ಆಗಿದ್ದ ಈ ಚಿತ್ರ ಯಶಸ್ವಿ ಪ್ರದರ್ಶನ ಕಂಡಿತ್ತು. ಗಣೇಶ್‌ಗೆ ಜೋಡಿಯಾಗಿ ಮಲಯಾಳಂ ಚೆಲುವೆ ಭಾಮಾ ಕಾಣಿಸಿಕೊಂಡಿದ್ದರು. ಎಸ್ ನಾರಾಯಣ್ ಈ ಚಿತ್ರ ನಿರ್ದೇಶಿಸಿದ್ದರು.

ಈ ಆರು ಚಿತ್ರಗಳ ಪೈಕಿ ನೀವು ನೋಡಲು ಬಯಸುವ ಸಿನಿಮಾ ಯಾವುದು. ಯಾವ ಚಿತ್ರ ನಿಮಗೆ ಇಷ್ಟ. ಹಾಗೂ ಏಕೆ ಇಷ್ಟ ಎಂದು ಕಾಮೆಂಟ್ ಮೂಲಕ ಕಾರಣ ತಿಳಿಸಬಹುದು.