ಮೆಗಾ ಧಾರಾವಾಹಿಗೆ ಗ್ರ್ಯಾಂಡ್ ಓಪನಿಂಗ್: ಪ್ರೀತಿ ಮತ್ತು ತಿರುವುಗಳ ಅಧ್ಯಾಯ 'ಆದಿಲಕ್ಷ್ಮೀ ಪುರಾಣ'…

ಜೀ ಕನ್ನಡ ವಾಹಿನಿಯಲ್ಲಿ ಬಹುನಿರೀಕ್ಷಿತ ಹೊಸ ಮೆಗಾ ಧಾರಾವಾಹಿಯೊಂದು ಪ್ರಸಾರಕ್ಕೆ ಸಿದ್ಧವಾಗಿದೆ. ಅದುವೇ 'ಆದಿಲಕ್ಷ್ಮೀ ಪುರಾಣ'. ಈ ಹೊಸ ಧಾರಾವಾಹಿ ಪ್ರೋಮೋಗಳು ಈಗಾಗಲೇ ಕಿರುತೆರೆ ವೀಕ್ಷಕರ ಗಮನವನ್ನು ಸೆಳೆದಿವೆ. ಸಂಪೂರ್ಣ ಹೊಸಬರ ತಾರಾಗಣದೊಂದಿಗೆ ಈ ಧಾರಾವಾಹಿ ಪ್ರೇಕ್ಷಕರ ಮುಂದೆ ಬರುತ್ತಿದೆ. ಇದು ಕುಟುಂಬದ ಸಂಬಂಧಗಳು ಮತ್ತು ಪ್ರೀತಿಯ ಬಂಧವನ್ನು ಎತ್ತಿ ತೋರಿಸುವ ಕಥೆಯನ್ನು ಹೊಂದಿದೆ. ಇದು ಕಿರುತೆರೆಗೆ ಮತ್ತೊಂದು ಸೂಪರ್ ಹಿಟ್ ಧಾರಾವಾಹಿ ಆಗುವ ಎಲ್ಲಾ ಲಕ್ಷಣಗಳು ಕಾಣಿಸುತ್ತಿವೆ.

ಈ ಹೊಸ ಧಾರಾವಾಹಿ ಕೇವಲ ಒಂದು ಸಿಂಪಲ್ ಲವ್ ಸ್ಟೋರಿ ಅಲ್ಲ. ಇದರ ಕಥಾಹಂದರವು ಸ್ವಲ್ಪ ಕಾಂಪ್ಲಿಕೇಟೆಡ್ ಆಗಿ ಇದೆ. 'ಆದಿಲಕ್ಷ್ಮೀ ಪುರಾಣ'ದಲ್ಲಿ ಪತಿ ಮತ್ತು ಪತ್ನಿಯ ನಡುವಿನ ಪ್ರೀತಿ, ವಿಶ್ವಾಸ ಮತ್ತು ತಿರಸ್ಕಾರದ ಸೂಕ್ಷ್ಮ ಅಂಶಗಳನ್ನು ಪರಿಚಯಿಸಲಾಗಿದೆ. ನಾಯಕಿಯ ಹೋರಾಟ ಮತ್ತು ಆಕೆಯ ತ್ಯಾಗವು ಸೀರಿಯಲ್ನ ಮುಖ್ಯ ಹೈಲೈಟ್ ಆಗಿವೆ. ಕಥೆಯಲ್ಲಿ ಬರುವ ಈ ಅನಿರೀಕ್ಷಿತ ತಿರುವುಗಳು ಪ್ರೇಕ್ಷಕರನ್ನು ಪ್ರತಿ ಸಂಚಿಕೆಯಲ್ಲೂ ಹಿಡಿದಿಡಲಿವೆ. ವಿಶೇಷವಾಗಿ ಇದು ಇಂದಿನ ಯುವ ಪೀಳಿಗೆಗೆ ಕೌಟುಂಬಿಕ ಮೌಲ್ಯಗಳನ್ನು ಸಾರುವ ಪ್ರಯತ್ನ ಮಾಡಿದೆ.

ಈ ಧಾರಾವಾಹಿಯ ಮೂಲಕ ಹೊಸ ನಾಯಕ-ನಾಯಕಿ ಜೋಡಿ ಕನ್ನಡ ಕಿರುತೆರೆಗೆ ಪರಿಚಯವಾಗುತ್ತಿದೆ. ನಾಯಕ ಆದಿ ಒಬ್ಬ ಶ್ರೀಮಂತ ಉದ್ಯಮಿಯ ಪಾತ್ರವನ್ನು ನಿರ್ವಹಿಸುತ್ತಾನೆ. ನಾಯಕಿ ಲಕ್ಷ್ಮೀಯು ಸರಳ ಮತ್ತು ಕೌಟುಂಬಿಕ ಮೌಲ್ಯಗಳನ್ನು ಗೌರವಿಸುವ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಕಲರ್ಸ್ ಕನ್ನಡ ವಾಹಿನಿಯ ಭಾಗ್ಯಲಕ್ಷ್ಮಿ ಧಾರಾವಾಹಿಯಲ್ಲಿ ಪೂಜಾ ಪಾತ್ರದಲ್ಲಿ ನಟಿಸಿದ್ದ ಆಶಾ ಅಯ್ಯನಾರ್ ನಾಯಕಿಯಾಗಿ ಮಿಂಚಿದ್ದಾರೆ. ಇವರ ಅಭಿನಯ ಮತ್ತು ಪರಸ್ಪರ ಕೆಮಿಸ್ಟ್ರಿ ಈಗಾಗಲೇ ಪ್ರೋಮೋಗಳಲ್ಲಿ ಗಮನ ಸೆಳೆದಿದೆ. ಅನುಭವಿ ಹಿರಿಯ ಕಲಾವಿದರು ಮತ್ತು ಇನ್ನಿತರರು ಸಹಕಾರಿಯಾಗಿ ಇರುವುದು ಕಥೆಗೆ ಮತ್ತಷ್ಟು ಬಲ ತುಂಬಿದೆ. ಈ ಧಾರಾವಾಹಿಯ ವಿಭಿನ್ನ ನಿರೂಪಣೆಯು ಪ್ರೇಕ್ಷಕರಿಗೆ ಹೊಸ ಅನುಭವ ನೀಡಲಿದೆ.

ಸಂತೋಷ್ ಕೋಟಿ ನಿರ್ದೇಶನ

ಈ ಹೊಸ ಧಾರಾವಾಹಿಯ ನಿರ್ದೇಶನ ಮತ್ತು ನಿರ್ಮಾಣದ ಜವಾಬ್ದಾರಿಯನ್ನು ಸಂತೋಷ್ ಕೋಟಿ ವಹಿಸಿಕೊಂಡಿದ್ದಾರೆ. ಅವರು ಈ ಮೊದಲು ಸಾಕಷ್ಟು ಸೂಪರ್ ಹಿಟ್ ಧಾರಾವಾಹಿಗಳನ್ನು ಕನ್ನಡ ಕಿರುತೆರೆಗೆ ನೀಡಿದ್ದಾರೆ. ಅವರ ಅನುಭವ ಮತ್ತು ನಿರ್ದೇಶನವು ಈ ಧಾರಾವಾಹಿಗೆ ದೊಡ್ಡ ಶಕ್ತಿಯಾಗಲಿದೆ.

ಪ್ರೈಂ ಟೈಮ್‌ನಲ್ಲಿ ಪ್ರಸಾರ

'ಆದಿಲಕ್ಷ್ಮೀ ಪುರಾಣ' ಧಾರಾವಾಹಿಯು ಇದೇ ಸೋಮವಾರದಿಂದ ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗಲು ಸಿದ್ಧವಾಗಿದೆ. ಪ್ರತಿದಿನ ರಾತ್ರಿ 9 ಗಂಟೆಗೆ ಈ ಹೊಸ ಕಥೆಯನ್ನು ವೀಕ್ಷಿಸಬಹುದು. ಈ ಟೈಮ್ ಸ್ಲಾಟ್ನಲ್ಲಿ ಇದು ದೊಡ್ಡ ಮಟ್ಟದ ಯಶಸ್ಸು ಕಾಣುವ ನಿರೀಕ್ಷೆ ಇದೆ. ಈಗಾಗಲೇ ಪ್ರೋಮೋಗಳಿಗೆ ದೊರೆತ ಉತ್ತಮ ಪ್ರತಿಕ್ರಿಯೆ ಈ ಯಶಸ್ಸಿನ ಸೂಚನೆಯಾಗಿದೆ. ಸೋಮವಾರದಂದು ಪ್ರಥಮ ಸಂಚಿಕೆ ಪ್ರಸಾರವಾಗಲಿದ್ದು, ಟಿಆರ್ಪಿ ರೇಟಿಂಗ್ನಲ್ಲಿ ದಾಖಲೆ ಸೃಷ್ಟಿಸುವ ಎಲ್ಲಾ ಸಾಧ್ಯತೆಗಳಿವೆ.