ರಾಗ ಕದ್ದ ಆರೋಪದಲ್ಲಿ ಅಮೀರ್ ಸತ್ಯಮೇವ ಜಯತೆ

ಯುಪೋರಿಯಾ ಬ್ಯಾಂಡ್‌ನ ಗಾಯಕಿ ಪಾಲಶ್ ಸೇನ್ ಎಂಬುವವರು ತಮ್ಮ ಬ್ಯಾಂಡ್‌ನ ದಶದ ಹಳೆಯ ಗೀತೆಯ ರಾಗವನ್ನು ಕಾಪಿ ಮಾಡಲಾಗಿದೆ ಎಂದು ಆರೋಪಿಸಿದ್ದಾರೆ. ಈ ಸಂಬಂಧ ಅವರು ಸ್ಟಾರ್ ಪ್ಲಸ್ ವಾಹಿನಿಗೆ ಲೀಗಲ್ ನೋಟೀಸ್ ಕಳುಹಿಸಿದ್ದಾರೆ.

"ಟಿವಿ ವಾಹಿನಿಗಳಲ್ಲಿ ಶೋನ ಟ್ರೇಲರ್ ಬಹಳ ದಿನಗಳಿಂದಲೇ ಪ್ರಸಾರವಾಗುತ್ತಿದೆ. ಆದರೆ ನಾನು ನೋಡಿರಲಿಲ್ಲ. ಇತ್ತೀಚೆಗೆ 'ಸತ್ಯಮೇವ ಜಯತೆ' ಹಾಡನ್ನು ಕೇಳಿದಾಗ ಶಾಖ್ ಆಯಿತು. 2000ನೇ ಇಸವಿಯಲ್ಲೇ ನಮ್ಮ ಯುಫೇರಿಯಾದ ಎರಡನೇ ಆಲ್ಬಂ 'ಫಿರ್ ಧೂಮ್' ಬಿಡುಗಡೆಯಾಗಿತ್ತು. ಆಲ್ಬಂನ ಒಂದು ಗೀತೆ 'ಸತ್ಯಮೇವ ಜಯತೆ'ಯ ರಾಗವನ್ನು ಬಹುತೇಕ ಹೋಲುತ್ತದೆ" ಎಂದಿದ್ದಾರೆ.

ಈಗ 'ಸತ್ಯಮೇವ ಜಯತೆ' ಶೋಗಾಗಿ ರಾಮ್ ಸಂಪತ್ ಸಂಯೋಜಿಸಿರುವ ಗೀತೆ ತಮ್ಮ ಮೂಲಗೀತೆಯ ಸಂಗೀತವನ್ನು ಹೋಲುತ್ತದೆ. ಹಾಗಾಗಿ ಟಿವಿ ವಾಹಿನಿಗೆ ಲೀಗಲ್ ನೋಟೀಸ್ ಜಾರಿ ಮಾಡಿದ್ದೇನೆ ಎಂದಿದ್ದಾರೆ ಪಾಲಾಶ್ ಸೇನ್. "ನನಗೇನು ದುಡ್ಡು ಬೇಕಾಗಿಲ್ಲ. ಆದರೆ ಅವರು ಕನಿಷ್ಠಪಕ್ಷ ಅವರು ತಮಗೆ ಕೃತಜ್ಞತೆಗಳನ್ನು ತಿಳಿಸಬೇಕಾಗಿತ್ತು" ಎಂದು ಪಾಲಾಶ್ ಬೇಸರದಿಂದ ಹೇಳಿದ್ದಾರೆ. (ಏಜೆನ್ಸೀಸ್)