ರಮೇಶ್ ವೀಕೆಂಡ್ ಕಾರ್ಯಕ್ರಮಕ್ಕೆ ಅಂಬಿ ಬರಲ್ಲ ಅಂದಿದ್ರು, ಯಾಕೆ?

ನಟನಾಗಿ ಜೊತೆ ಜೊತೆಗೆ ಪಾಲಿಟಿಕ್ಸ್ ನಲ್ಲಿ ತಮ್ಮ ಜರ್ನಿ ಶುರು ಮಾಡಿರುವ ಹಿರಿಯ ನಟ ಅಂಬರೀಶ್ ಅವರು ಈ ವಾರ 'ವೀಕೆಂಡ್ ವಿತ್ ರಮೇಶ್' ಕಾರ್ಯಕ್ರಮದಲ್ಲಿ ತಮ್ಮ ನೆನಪಿನ ಬುತ್ತಿಯನ್ನು ಬಿಚ್ಚಿಟ್ಟಿದ್ದಾರೆ.

ಅಂದಹಾಗೆ ಅಂಬರೀಶ್ ಅವರನ್ನು ವೀಕೆಂಡ್ ಕಾರ್ಯಕ್ರಮದ ಮೊದಲ ಕಂತಿಗೆ ಆಹ್ವಾನಿಸಲು ಜೀ ಕನ್ನಡ ವಾಹಿನಿ ನಿರ್ಧರಿಸಿತ್ತು. ಆದರೆ ಅಂಬಿ ಅವರಿಗೆ ಹಲವಾರು ಕಾರ್ಯಕ್ರಮಗಳು ಇದ್ದಿದ್ದರಿಂದ ಪೋಸ್ಟ್ ಪೋನ್ ಆಗಿತ್ತು.[ರಾಕಿಂಗ್ ಸ್ಟಾರ್ ಮತ್ತು ರೆಬೆಲ್ ಸ್ಟಾರ್ ಮತ್ತೆ ಒಂದಾದ್ರೆ?]

ಇದೀಗ ಅಂಬರೀಶ್ ಅವರ ನಿಜ ಜೀವನದ ಕಥೆಗಳು ಈ ವಾರ ಎಲ್ಲಾ ವೀಕ್ಷಕರ ಮತ್ತು ಅಭಿಮಾನಿಗಳ ಎದುರು ಬಹಿರಂಗಗೊಳ್ಳಲಿದೆ. ಈ ಕಾರ್ಯಕ್ರಮಕ್ಕೆ ಅಂಬರೀಶಣ್ಣ ಅವರ ಪತ್ನಿ ಸುಮಲತಾ ಅಂಬರೀಶ್, ಮಗ ಅಭಿಷೇಕ್, ನಟ ಅವಿನಾಶ್, ನಟಿ ತಾರಾ, ನಟ ಜೈಜಗದೀಶ್ ಮುಂತಾದವರು ಆಗಮಿಸಿ ಅಂಬಿ ಅವರ ಸಿಹಿ ನೆನಪುಗಳನ್ನು ವೀಕೆಂಡ್ ವೇದಿಕೆಯಲ್ಲಿ ಹಂಚಿಕೊಂಡಿದ್ದಾರೆ.[ರೆಬಲ್ ಸ್ಟಾರ್ ಅಂಬರೀಶ್ ಗೆ ಶತ್ರುಘ್ನ ಸಿನ್ಹಾ ಗುರುಗಳು!]

ವೇದಿಕೆಗೆ ಬಂದ ತಕ್ಷಣ ಅಂಬರೀಶಣ್ಣ ಅವರು ಏನಂದ್ರು ಗೊತ್ತಾ? 'ಮೊದಲು ನನ್ನನ್ನು ಸಂಪರ್ಕಿಸಿ ಕಾರ್ಯಕ್ರಮಕ್ಕೆ ಬರಬೇಕು ಅಂದ್ರು, ನಾನು ಆಗಲ್ಲ ಅಂದೆ, ಯಾಕಂದ್ರೆ, ಈ 'ವೀಕೆಂಡ್ ವಿತ್ ರಮೇಶ್' ತುಂಬಾ ಫೇಮಸ್‌ ಆಗಿ ಜನ ಎಲ್ಲಾ ಇದನ್ನು ನೋಡಿದವರು ಸಿನಿಮಾ ಮರೆತು ಬಿಡ್ತಾರೆ ಅಂತ ನಾನು ಮಾಡಲ್ಲ ಅಂದೆ'. ಅಂತ ಅಂಬರೀಶಣ್ಣ ನುಡಿದಿದ್ದಾರೆ.[ಅಂಬರೀಶ್ ಮನೆಯ 'ಕನ್ವರ್ ಲಾಲ್' ಮತ್ತು 'ಬುಲ್ ಬುಲ್' ನೋಡಿದ್ದೀರಾ?]

ಈಗಾಗಲೇ ಅಂಬರೀಶಣ್ಣ ಅವರ ಕಾರ್ಯಕ್ರಮದ ಎಪಿಸೋಡ್ ನ ಶೂಟಿಂಗ್ ಮುಗಿದಿದ್ದು ಈ ವಾರ ನಿಮ್ಮ ನೆಚ್ಚಿನ ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗಲಿದೆ.

ಇದೇ ಶನಿವಾರ ಮತ್ತು ಭಾನುವಾರ ಜೀ ಕನ್ನಡದ ವೀಕೆಂಡ್ ವಿತ್ ರಮೇಶ್ ಕಾರ್ಯಕ್ರಮದಲ್ಲಿ ನಟ ಅಂಬರೀಶಣ್ಣನ ನೆನಪಿನ ಮೂಟೆಗಳು ಒಂದೊಂದಾಗಿ ಬಿಚ್ಚಲಿದೆ ಅಲ್ಲಿಯವರೆಗೆ ಈ ಪ್ರೋಮೋ ನೋಡಿ...