ತೆಲುಗು ಬಿಗ್‌ಬಾಸ್ ವೇದಿಕೆ ಮೇಲೆ ನಟ ಸುದೀಪ್ ಮಿಂಚು!

ತೆಲುಗು ಬಿಗ್‌ಬಾಸ್ ಶೋ ನಿರೂಪಿಸುತ್ತಿರುವ ಸುದೀಪ್

ಬಿಗ್‌ಬಾಸ್ ನಿರೂಪಣೆಯಲ್ಲಿ ತಮ್ಮದೇ ಆದ ಛಾಪು ಮೂಡಿಸಿರುವ ಸುದೀಪ್, ತೆಲುಗು ಬಿಗ್‌ಬಾಸ್ ಶೋ ಅನ್ನು ಸಹ ನಿರೂಪಿಸಿದ್ದಾರೆ. ಅಲ್ಲಿಯೂ ಅವರು ಗಮನ ಸೆಳೆದಿರುವುದರಲ್ಲಿ ಅನುಮಾನವೇ ಇಲ್ಲ.

ಅಕ್ಕಿನೇನಿ ನಾಗಾರ್ಜು ಜೊತೆಗೆ ಸುದೀಪ್ ಚಿತ್ರ

ಈ ಬಗ್ಗೆ ಪೋಸ್ಟ್ ಹಾಕಿರುವ ಸುದೀಪ್, ತೆಲುಗು ಬಿಗ್‌ಬಾಸ್ ಶೋ ಗೆ ಅತಿಥಿಯಾಗಿ ಹೋಗಿದ್ದೆ. ಅಕ್ಕಿನೇನಿ ನಾಗಾರ್ಜುನ ಅವರೊಟ್ಟಿಗೆ ಶೋ ನಿರೂಪಿಸಿದ್ದು ಒಳ್ಳೆಯ ಅನುಭವ. ಮನೆ ಒಳಗಿದ್ದ ಸ್ಪರ್ಧಿಗಳೊಂದಿಗೆ ಮಾತನಾಡಿದೆ. ಎಂದು ಅಕ್ಕಿನೇನಿ ನಾಗಾರ್ಜುನ ಹಾಗೂ ಸುದೀಪ್ ಒಟ್ಟಿಗಿರುವ ಚಿತ್ರವನ್ನು ಹಂಚಿಕೊಂಡಿದ್ದಾರೆ.

ಬಿಗ್‌ಬಾಸ್ ಕಾರ್ಯಕ್ರಮಕ್ಕೆ ಸಿದ್ಧತೆ ಆರಂಭ

ಕನ್ನಡದ ಬಿಗ್‌ಬಾಸ್ ಕೆಲವೇ ದಿನಗಳಲ್ಲಿ ಆರಂಭವಾಗಲಿದೆ. ಬಿಗ್‌ಬಾಸ್ ಹಿಂದಿನ ಶಕ್ತಿ ಪರಮೇಶ್ವರ ಗುಂಡ್ಕಲ್ ಈಗಾಗಲೇ ಸುದೀಪ್ ಅವರನ್ನು ಭೇಟಿಯಾಗಿ ಶೋ ಬಗ್ಗೆ ಮಾತನಾಡಿದ್ದು, ಬಿಗ್‌ಬಾಸ್ ಕಾರ್ಯಗಳು ಪ್ರಾರಂಭವಾಗಿವೆ.

ಸಂಕ್ರಾಂತಿ ವೇಳೆಗೆ ಆರಂಭ?

ಮುಂದಿನ ಸಂಕ್ರಾಂತಿ ವೇಳೆಗೆ ಕನ್ನಡ ಬಿಗ್‌ಬಾಸ್ ಆರಂಭವಾಗುವ ನಿರೀಕ್ಷೆ ಇದೆ. ಈಗಾಗಲೇ ಹಿಂದಿ, ತೆಲುಗು, ತಮಿಳುಗಳಲ್ಲಿ ಬಿಗ್‌ಬಾಸ್ ನಡೆಯುತ್ತಿದೆ. ಮಲಯಾಳಂ ನಲ್ಲಿ ನಡೆಯುತ್ತಿದ್ದ ಬಿಗ್‌ಬಾಸ್ ಶೋ ಅನ್ನು ಕೊರೊನಾ ಕಾರಣಕ್ಕೆ ಸ್ಥಗಿತಗೊಳಿಸಲಾಗಿತ್ತು.