ಡ್ರಗ್ಸ್ ಖರೀದಿಸುವಾಗಲೇ ಎನ್‌ಸಿಬಿ ಬಲೆಗೆ ಬಿದ್ದ ನಟಿ ಪ್ರೀತಿಕಾ

ಹಲವು ಧಾರಾವಾಹಿಗಳಲ್ಲಿ ನಟಿಸಿರುವ ಪ್ರೀತಿಕಾ

ನಟಿ ಪ್ರೀತಿಕಾ ಚೌಹಾಣ್ ಹಲವು ಟಿವಿ ಧಾರಾವಾಹಿಗಳಲ್ಲಿ ನಟಿಸಿದ್ದಾರೆ. ಖ್ಯಾತಿ ಪಡೆದಿರುವ ಸಾವಧಾನ್ ಇಂಡಿಯಾ, ದೇವೋಂಕಾ ದೇವ್ ಮಹಾದೇವ್ ಧಾರಾವಾಹಿಗಳಲ್ಲಿ ಸಹ ನಟಿ ಪ್ರೀತಿಕಾ ನಟಿಸಿದ್ದಾರೆ.

ಶನಿವಾರ-ಭಾನುವಾರ 24 ಕಡೆ ರೇಡ್

ಶನಿವಾರ ಮತ್ತು ಭಾನುವಾರ ಒಟ್ಟು 24 ರೇಡ್‌ ಗಳನ್ನು ಎನ್‌ಸಿಬಿ ಮಾಡಿದ್ದು, ಟಿವಿ ನಟಿ ಪ್ರೀತಿಕಾ ಸೇರಿದಂತೆ ಇನ್ನೂ ಆರು ಜನರನ್ನು ಡ್ರಗ್ಸ್ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬಂಧಿಸಲಾಗಿದೆ ಎಂದು ಎನ್‌ಸಿಬಿ ಅಧಿಕಾರಿಗಳು ಹೇಳಿದ್ದಾರೆ.

ಬಾಲಿವುಡ್‌ ಡ್ರಗ್ಸ್ ಪ್ರಕರಣಕ್ಕೆ ಅಂತರರಾಷ್ಟ್ರೀಯ ನಂಟು?

ಬಾಲಿವುಡ್‌ನ ಡ್ರಗ್ಸ್ ಪ್ರಕರಣಕ್ಕೆ ಅಂತರರಾಷ್ಟ್ರೀಯ ಸಂಬಂಧವಿದೆ ಎಂದು ಎನ್‌ಸಿಬಿ ಅಧಿಕಾರಿಗಳು ಹೇಳಿದ್ದಾರೆ. ವಿದೇಶಗಳಿಂದ ಮಾದಕ ವಸ್ತುವು ಮುಂಬೈ ಮಹಾನಗರಕ್ಕೆ ವಿವಿಧ ಮೂಲಗಳಿಂದ ಬರುತ್ತಿದೆ. ಬಾಲಿವುಡ್ ಸೆಲೆಬ್ರಿಟಿಗಳಿಗೆಂದೇ ವಿಶೇಷವಾಗಿ ಕೆಲವೆಡೆಗಳಿಂದ ಡ್ರಗ್ಸ್ ಬರುತ್ತಿದೆ ಎಂದು ಎನ್‌ಸಿಬಿ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

Recommended Video

ಜಗಮೆಚ್ಚಿದ ನಿರ್ದೇಶಕ Rajamouli ಮೇಲೆ ಕಂಪ್ಲೇಂಟ್ | Filmibeat Kannada

ಹಲವು ಖ್ಯಾತನಾಮರ ವಿಚಾರಣೆ

ಡ್ರಗ್ಸ್ ಪ್ರಕರಣದ ತನಿಖೆ ಚುರುಕಾಗಿ ಸಾಗುತ್ತಿದ್ದು, ಹಲವು ಬಾಲಿವುಡ್ ದಿಗ್ಗಜರನ್ನು ಎನ್‌ಸಿಬಿ ವಿಚಾರಣೆ ನಡೆಸಿದೆ. ದೀಪಿಕಾ ಪಡುಕೋಣೆ, ಶ್ರದ್ಧಾ ಕಪೂರ್, ಸಾರಾ ಅಲಿ ಖಾನ್, ರಾಕುಲ್ ಪ್ರೀತ್ ಸಿಂಗ್ ಇನ್ನೂ ಹಲವು ಖ್ಯಾತನಾಮರನ್ನು ಡ್ರಗ್ಸ್ ಪ್ರಕರಣಕ್ಕೆ ಸಂಬಂಧಿಸಿದಂತೆ ವಿಚಾರಣೆ ನಡೆಸಲಾಗಿದೆ.