'ಪುಟ್ಟಗೌರಿ' ನಂತರ 'ನಂದಿನಿ' ಮೇಲೆ ಹುಲಿದಾಳಿ: ಈ ನಂದಿನಿ ತುಂಬ ಪವರ್ ಫುಲ್.!

'ನಾ ನಿನ್ನ ಬಿಡಲಾರೆ'ಯಲ್ಲಿ ಹುಲಿ ಪ್ರತ್ಯಕ್ಷ

ಕಲರ್ಸ್ ಸೂಪರ್ ವಾಹಿನಿಯಲ್ಲಿ ಪ್ರಸಾರವಾಗುವ 'ನಾ ನಿನ್ನ ಬಿಡಲಾರೆ' ಧಾರಾವಾಹಿಯಲ್ಲಿ ಹುಲಿ ಪ್ರತ್ಯಕ್ಷವಾಗಿದೆ. ಈ ಧಾರಾವಾಹಿಯ ನಾಯಕಿ ನಂದಿನಿ ಮೇಲೆ ದಾಳಿ ಮಾಡಿದೆ.

'ಪುಟ್ಟಗೌರಿ' ಹಾದಿಯಲ್ಲಿ ನಂದಿನಿ

ತನ್ನನ್ನ ತಿನ್ನಲು ಬಂದಿದ್ದ ಹುಲಿಯನ್ನ ಓಡಿಸಿ ಗಮನ ಸೆಳೆದಳು ಆ 'ಪುಟ್ಟಗೌರಿ'. ಇಲ್ಲಿ ತಮ್ಮ ಮೇಲೆ ದಾಳಿ ಮಾಡಲು ಬಂದಿದ್ದ ಹುಲಿಯ ಜೊತೆ ಹೋರಾಟ ಮಾಡಿದ ಗೆದ್ದಳು ಈ 'ನಂದಿನಿ'.

ಹುಲಿ ಪಳಗಿಸಿದ ನಂದಿನಿ

ದಾಳಿ ಮಾಡಲು ಬಂದಿದ್ದ ಹುಲಿಯನ್ನ ಪಳಗಿಸಿ, ಅದರ ಮೇಲೆ ಕುಳಿತುಕೊಂಡು, ಪ್ರೇಕ್ಷಕರಿಗೆ ಅಚ್ಚರಿ ಉಂಟು ಮಾಡಿದಳು ಈ ನಂದಿನಿ.

ನಂದಿನಿ ಸಾಮಾನ್ಯದವಳಲ್ಲ.!

ಅಂದ್ಹಾಗೆ, ಘೋರ ವ್ಯಾಘ್ರವನ್ನೇ ಹೊಡೆದುರುಳಿಸಿ, ಅದನ್ನ ತನ್ನ ಆಸನವನ್ನಾಗಿಸಿಕೊಂಡ ನಂದಿನಿ ಸಾಮಾನ್ಯದವಳಲ್ಲ. ಈಕೆ ನಂದಿನಿ ರೂದಪಲ್ಲಿದ್ದ ದೇವರು. ನಂದಿನಿಯನ್ನ ರಕ್ಷಿಸಲು ಬಂದಿದ್ದ ದೇವತೆ.

ಹುಲಿಯಲ್ಲೊಂದು ದೆವ್ವ.!

ಇನ್ನು ಆರಂಭದಲ್ಲಿ ಹುಲಿ ದಾಳಿ ಮಾಡಲು ಬರುತ್ತೆ. ಆದ್ರೆ, ಆ ವೇಳೆ ನಂದಿನಿಯನ್ನ ಕೊಲ್ಲಬೇಕು ಎಂದು ಹೊಂಚು ಹಾಕುತ್ತಿದ್ದ 'ಕಾಂಚನ'ಳ ಆತ್ಮ, ಆ ಹುಲಿಯೊಳಗೆ ಸೇರಿಕೊಳ್ಳುತ್ತೆ. ಆದ್ರೆ, ದೇವತೆಯ ಮುಂದೆ ಕಾಂಚನಳ ಆತ್ಮದ ಆಟ ಏನೂ ನಡೆಯಲಿಲ್ಲ.

ಧಾರಾವಾಹಿಯಲ್ಲಿ ಹುಲಿಗೆ ಡಿಮ್ಯಾಂಡ್ ಹೆಚ್ಚಾಗಿದೆ

ಬ್ಯಾಕ್ ಟು ಬ್ಯಾಕ್ ಧಾರಾವಾಹಿಗಳಲ್ಲಿ ಹುಲಿಯ ಪಾತ್ರ ನೋಡುತ್ತಿರುವ ಪ್ರೇಕ್ಷಕರು ಥ್ರಿಲ್ ಆಗುತ್ತಿದ್ದಾರೆ. ಮತ್ತೊಂದೆಡೆ ಸೋಶಿಯಲ್ ಮಿಡಿಯಾದಲ್ಲಿ ಮಾತ್ರ ಧಾರಾವಾಹಿಯಗಳಲ್ಲಿ ಹುಲಿಯನ್ನ ಬಳಸಿಕೊಳ್ಳುತ್ತಿರುವುದನ್ನ ರೀತಿ ನೋಡಿ ಕಾಲೆಳೆಯುತ್ತಿದ್ದಾರೆ.