ಹೆಣ್ಣು ಮಗುವಿನ ತಾಯಿ 'ಅಗ್ನಿಸಾಕ್ಷಿ' ಖ್ಯಾತಿಯ ನಟಿ ಚಂದ್ರಿಕಾ

ಹೆಣ್ಣು ಮಗುವಿಗೆ ಜನ್ಮ ನೀಡಿರುವ ರಾಜೇಶ್ವರಿ

ರಾಜೇಶ್ವರಿ ಈಗ ಮುದ್ದಾದ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ. ಇತ್ತೀಚಿಗಷ್ಟೆ ಮಗಳ ನಾಮಕರಣ ಕೂಡ ಮಾಡಿದ್ದಾರೆ. ಅಂದ್ಹಾಗೆ ರಾಜೇಶ್ವರಿ ದಂಪತಿ ಮುದ್ದು ಮಗಳಿಗೆ "ಹವ್ಯಾ ಕೃಷ್ಣ" ಎಂದು ಹೆಸರಿಟ್ಟಿದ್ದಾರೆ. ಮಗಳ ಮುದ್ದಾದ ಫೊಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುವ ಮೂಲಕ ಅಭಿಮಾನಿಗಳಿಗೆ ಜ್ಯೂನಿಯರ್ ರಾಜೇಶ್ವರಿಯನ್ನು ಪರಿಚಯಿಸಿದ್ದಾರೆ.

'ಅಗ್ನಿಸಾಕ್ಷಿ'ಯಿಂದ ಸಿದ್ಧಾರ್ಥ್ ಹೋದ ಬೆನ್ನಲ್ಲೆ ಸನ್ನಿಧಿ ಕೊಡ್ತಾರಾ ಶಾಕ್?

ಅಸ್ಟ್ರೇಲಿಯಾದಲ್ಲಿ ನೆಲೆಸಿರುವ ಹಳೆ ಚಂದ್ರಿಕಾ

ಚಂದ್ರಿಕಾ ಪಾತ್ರದಿಂದ ಹೊರಬಂದ ನಟಿ ರಾಜೇಶ್ವರಿ ನಂತರ ಕಲ್ಯಾಣ್ ಕ್ರಿಶ್ ಜೊತೆ ಸಪ್ತಪದಿ ತುಳಿದಿದ್ದರು. ಆ ನಂತರ ಪತಿ ಜೊತೆ ರಾಜೇಶ್ವರಿ ಆಸ್ಟ್ರೇಲಿಯಾದಲ್ಲಿ ನೆಲೆಸಿದ್ದಾರೆ. ಬಣ್ಣದ ಲೋಕದಿಂದ ಸಂಪೂರ್ಣವಾಗಿ ದೂರ ಉಳಿದಿರುವ ರಾಜೇಶ್ವರಿ ಈಗ ಆಸ್ಟ್ರೇಲಿಯಾದಲ್ಲಿ ಖಾಸಗಿ ಕಂಪನಿಯೊಂದರಲ್ಲಿ ಕೆಲಸ ಮಾಡುತ್ತಿದ್ದಾರೆ.

ಉದ್ದ ಕೂದಲಿಗೆ ಕತ್ತರಿ

ರಾಜೇಶ್ವರಿ ಉದ್ದ ಕೂದಲಿನ ಚೆಲುವೆ. ಉದ್ದನೆಯ ಗುಂಗುರು ಕೂದಲಿನ ಮೂಲಕ ಎಲ್ಲರನ್ನು ಸೆಳೆಯುತ್ತಿದ್ದ ರಾಜೇಶ್ವರಿ ಈಗ ತನ್ನ ಉದ್ದವಾದ ಕೂದಲಿಗೆ ಕತ್ತರಿಹಾಕಿದ್ದಾರೆ. ವಿಭಿನ್ನವಾಗಿ ಕಾಣಿಸುವ ರಾಜೇಶ್ವರಿಯವರ ಸ್ಟೈಲ್ ಸಂಪೂರ್ಣವಾಗಿ ಬದಲಾಗಿದೆ.

ಆಸ್ಟ್ರೇಲಿಯಾಗೆ ಹೋದ ಸಿದ್ದಾರ್ಥ್ : ಪತಿ ಇಲ್ಲದೆ ಒಂಟಿಯಾದ ಸನ್ನಿಧಿ

ಗರ್ಭಿಣಿ ಫೊಟೋಶೂಟ್ ಮಾಡಿಸಿದ್ದ ನಟಿ

ಇತ್ತೀಚಿನ ದಿನಗಳಲ್ಲಿ ಗರ್ಭಿಣಿ ಫೊಟೋಶೂಟ್ ಟ್ರೆಂಡ್ ಆಗಿದೆ. ರಾಜೇಶ್ವರಿ ಕೂಡ ಆಕರ್ಷಕವಾದ ಫೊಟೋಶೂಟ್ ಮಾಡಿಸಿದ್ದರು. ರಾಜೇಶ್ವರಿ ಪ್ರೆಗ್ನೆನ್ಸಿ ಫೊಟೋಶೂಟ್ ಕೂಡ ಸಿಕ್ಕಾಪಟ್ಟೆ ವೈರಲ್ ಆಗಿತ್ತು. ಸದ್ಯ ಧಾರಾವಾಹಿ ಲೋಕದಿಂದ ಬಹು ದೂರ ಸರಿದು ಪತಿ, ಮಗಳು, ಕೆಲಸ ಅಂತ ಸಂತೋಷವಾಗಿರುವ ರಾಜೇಶ್ವರಿ ಹೀಗೆ ನಗುತ ಇರಲಿ ಎನ್ನುವುದೆ ಅಭಿಮಾನಿಗಳ ಆಶಯ.