ಅನುಶ್ರೀಯ ಫೇವರೇಟ್ ಅಂಕರ್ ಯಾರು ಗೊತ್ತೆ?

ನಿರೂಪಕ ಅಕುಲ್ ಬಾಲಾಜಿ

ಅಂಕರ್ ಅನುಶ್ರೀಗೆ ಬಹಳ ಇಷ್ಟ ಆಗುವ ಕಿರುತೆರೆಯ ನಿರೂಪಕ ಅಂದರೆ ಅದು ಬೇರೆ ಯಾರು ಅಲ್ಲ ಅಕುಲ್ ಬಾಲಾಜಿ. ಅಕುಲ್ ಅಂಕರಿಂಗ್ ನೋಡುವುದು ಅನುಶ್ರೀಗೆ ಬಹಳ ಇಷ್ಟವಂತೆ. ಅಕುಲ್ ಯಾಕೆ ಅನುಶ್ರೀಗೆ ಮೆಚ್ಚುಗೆ ಆಗಿದ್ದಾರೆ ಎನ್ನುವುನ್ನೂ ಅವರು ತಿಳಿಸಿದ್ದಾರೆ.

ಅಕುಲ್ ಏನರ್ಜಿ ಚೆನ್ನಾಗಿರುತ್ತದೆ

ಒಂದು ಶೋ ಏನರ್ಜಿ ನಿಂತಿರುವುದು ಅಂಕರ್ ಮೇಲೆ. ನಿರೂಪಕರು ಮೊದಲು ಏನರ್ಜಿಯಾಗಿದ್ದರೆ ಇಡೀ ಕಾರ್ಯಕ್ರಮ ಏನರ್ಜಿಯಾಗಿ ಇರುತ್ತದೆ ಎನ್ನುವ ಅನುಶ್ರೀ ಅಕುಲ್ ಏನರ್ಜಿ ತುಂಬ ಚೆನ್ನಾಗಿದೆ ಎಂದಿದ್ದಾರೆ. ಅವರು ನಿರೂಪಣೆ ಮಾಡುವಾಗ ತುಂಬ ಏನರ್ಜಿ ಹೊಂದಿರುತ್ತಾರೆ ಎಂದು ತಿಳಿಸಿದ್ದಾರೆ.

ಅನುಶ್ರೀಯ ಹೊಸ ಯೂ ಟ್ಯೂಬ್ ಚಾನಲ್

ನಿರೂಪಕಿ ಅನುಶ್ರೀ ಇತ್ತೀಚಿಗಷ್ಟೆ ತಮ್ಮದೆ ಆದ ಹೊಸ ಯೂ ಟ್ಯೂಬ್ ಚಾನಲ್ ಶುರು ಮಾಡಿದ್ದಾರೆ. ಅದರಲ್ಲಿ ಒಂದು ವಿಡಿಯೋ ಮಾಡಿ ತಮ್ಮ ಅಭಿಮಾನಿಗಳ ಪ್ರಶ್ನೆಗೆ ಉತ್ತರ ನೀಡಿದ್ದಾರೆ. ಈ ರೀತಿ ಫ್ಯಾನ್ಸ್ ಒಬ್ಬರು ಕೇಳಿದ ಪ್ರಶ್ನೆಗೆ ಅನುಶ್ರೀ ಅಕುಲ್ ಹೆಸರು ಹೇಳಿದರು.

ಅನುಶ್ರೀಯ ಕಾರ್ಯಕ್ರಮಗಳು

ಸದ್ಯ, ಅನುಶ್ರೀ ಜೀ ಕನ್ನಡ ವಾಹಿನಿಯ ಕಾರ್ಯಕ್ರಮಗಳಲ್ಲಿ ಬ್ಯುಸಿ ಇದ್ದಾರೆ. 'ಸರಿಗಮಪ ಸೀಸನ್ 16' ಹಾಗೂ 'ಸೂಪರ್ ಸ್ಟಾರ್' ಕಾರ್ಯಕ್ರಮಗಳ ನಿರೂಪಣೆ ಮಾಡುತ್ತಿದ್ದಾರೆ. 'ಸರಿಗಮಪ ಸೀಸನ್ 16' ಮೊದಲ ಸಂಚಿಕೆ ಮುಗಿದಿದೆ. ಒಂದರ ನಂತರ ಒಂದರಂತೆ ಜೀ ವಾಹಿನಿಯ ಕಾರ್ಯಕ್ರಮಗಳಲ್ಲಿ ಅನುಶ್ರೀ ತೊಡಗಿದ್ದಾರೆ.