ದಕ್ಷಿಣ ನಟಿಯರ ಬಗ್ಗೆ ಹೀನಾಯವಾಗಿ ಮಾತಾಡಿದ ಹೀನಾ ಖಾನ್ ಯಾರು.?

'ಶ್ರೀನಗರ'ದ ಹುಡುಗಿ

ಹೀನಾ ಖಾನ್ ಹುಟ್ಟಿದ್ದು ಶ್ರೀನಗರ (ಜಮ್ಮು ಮತ್ತು ಕಾಶ್ಮೀರ)ದಲ್ಲಿ. ಎಂ.ಬಿ.ಎ ಪದವಿ ಪಡೆದಿರುವ ಹೀನಾ ಖಾನ್ ಹಿಂದಿ ಕಿರುತೆರೆಗೆ ಪದಾರ್ಪಣೆ ಮಾಡಿದ್ದು 2009 ರಲ್ಲಿ. ಅದು 'ಯೇ ರಿಶ್ತಾ ಕ್ಯಾ ಕೆಹಲಾತಾ ಹೇ' ಧಾರಾವಾಹಿ ಮೂಲಕ.

ಎಂಟು ವರ್ಷ ಒಂದೇ ಧಾರಾವಾಹಿ

ಎಂಟು ವರ್ಷಗಳ ಕಾಲ ಒಂದೇ ಧಾರಾವಾಹಿಯಲ್ಲಿ (ಯೇ ರಿಶ್ತಾ ಕ್ಯಾ ಕೆಹಲಾತಾ ಹೇ) ಅಭಿನಯಿಸಿದ ಹೀನಾ ಖಾನ್ 2016 ರಲ್ಲಿ ಹೊರಬಂದರು. ಇದೇ ಧಾರಾವಾಹಿಯ ಸೂಪರ್ ವೈಸರ್ ಪ್ರೊಡ್ಯೂಸರ್ ರಾಕಿ ಜೈಸ್ವಾಲ್ ಈಕೆಯ ಬಾಯ್ ಫ್ರೆಂಡ್.

ಖತರೋಂಕೆ ಖಿಲಾಡಿ

'ಯೇ ರಿಶ್ತಾ ಕ್ಯಾ ಕೆಹಲಾತಾ ಹೇ' ಧಾರಾವಾಹಿಯಿಂದ ಹೊರಬಂದ ಬಳಿಕ ಕಲರ್ಸ್ ಟಿವಿಯ 'ಫಿಯರ್ ಫ್ಯಾಕ್ಟರ್: ಖತರೋಂಕೆ ಖಿಲಾಡಿ' ರಿಯಾಲಿಟಿ ಶೋನಲ್ಲಿ ಭಾಗವಹಿಸಿದ ಹೀನಾ ಖಾನ್, ಮೊದಲ ರನ್ನರ್ ಅಪ್ ಸ್ಥಾನ ಪಡೆದರು.

ಈಗ 'ಬಿಗ್ ಬಾಸ್'

'ಖತರೋಂಕೆ ಖಿಲಾಡಿ' ಬಳಿಕ 'ಬಿಗ್ ಬಾಸ್' ಮನೆ ಸೇರಿರುವ ಹೀನಾ ಖಾನ್ ಸದ್ಯ ಟಾಪ್ 4 ಹಂತಕ್ಕೆ ಬಂದಿದ್ದಾರೆ. ಸಹ ಮಹಿಳಾ ಸ್ಪರ್ಧಿಗಳ ಬಗ್ಗೆ ಕೇವಲವಾಗಿ ಮಾತನಾಡಿರುವ ಹೀನಾ ಅನೇಕ ಬಾರಿ ಟ್ರೋಲ್ ಆಗಿದ್ದಾರೆ.

ಹೀನಾಗೆ ಧಿಕ್ಕಾರ

ದಕ್ಷಿಣ ಭಾರತದ ನಟಿಯರ ಬಗ್ಗೆ ಹೀನಾಯವಾಗಿ ಮಾತನಾಡಿದ್ಮೇಲೆ, ದಕ್ಷಿಣದ ಹಲವು ತಾರೆಯರು ಕೂಡ ಹೀನಾಗೆ ಧಿಕ್ಕಾರ ಕೂಗಿದ್ದರು.

ಇನ್ನೊಂದೇ ಹೆಜ್ಜೆ

ಒಳ್ಳೆಯದ್ದಕ್ಕೋ, ಕೆಟ್ಟದ್ದಕ್ಕೋ... ಒಟ್ನಲ್ಲಿ ಸದಾ ಸುದ್ದಿಯಲ್ಲಿ ಇರುವ ಹೀನಾ ಖಾನ್ ಗ್ರ್ಯಾಂಡ್ ಫಿನಾಲೆ ವರೆಗೂ ಬಂದಾಗಿದೆ. ಆಕೆಯ ಗೆಲುವಿಗೆ ಇನ್ನೊಂದೇ ಹೆಜ್ಜೆ ಬಾಕಿ.

ಗ್ರ್ಯಾಂಡ್ ಫಿನಾಲೆ ಯಾವಾಗ.?

'ಬಿಗ್ ಬಾಸ್ 11' ಇದೇ ಭಾನುವಾರ (ಜನವರಿ 14) ರಂದು ರಾತ್ರಿ ಕಲರ್ಸ್ ವಾಹಿನಿಯಲ್ಲಿ ಪ್ರಸಾರ ಆಗಲಿದೆ. ಗೆಲುವಿನ ಕಿರೀಟ ಯಾರ ಮುಡಿಗೆ ಸೇರುತ್ತದೆಯೋ, ಕಾದು ನೋಡಬೇಕು.