'ಬಿಗ್ ಬಾಸ್' ಗ್ರ್ಯಾಂಡ್ ಫಿನಾಲೆಗೆ ಲಗ್ಗೆ ಇಟ್ಟಿರುವ ಕಾಮನ್ ಮ್ಯಾನ್ ಪುನೀಶ್ ಹಿನ್ನಲೆ ಏನು.?

ಪುನೀಶ್ ಶರ್ಮಾ ಎಲ್ಲಿಯವರು.?

ಗುರುಗ್ರಾಮ್, ದೆಹಲಿಯಲ್ಲಿ ಹುಟ್ಟಿ ಬೆಳೆದ ಪುನೀಶ್ ಶರ್ಮಾ ಅವರಿಗಿನ್ನೂ 28 ವರ್ಷ ವಯಸ್ಸು. ಕನ್ಸ್ಟ್ರಕ್ಷನ್ ಬಿಸಿನೆಸ್ ಮಾಡುವ ಪುನೀಶ್ ಶರ್ಮಾ ಸದ್ಯ 'ಬಿಗ್ ಬಾಸ್ 11' ಗ್ರ್ಯಾಂಡ್ ಫಿನಾಲೆ ಹಂತ ತಲುಪಿರುವ ಏಕೈಕ ಕಾಮನ್ ಮ್ಯಾನ್.

ಲವ್ ಸ್ಟೋರಿ

'ಬಿಗ್ ಬಾಸ್ 11' ಕಾರ್ಯಕ್ರಮದಲ್ಲಿ ಮೊದಲ ಆರೇಳು ವಾರ ಪುನೀಶ್ ಶರ್ಮಾ ಸದ್ದು ಮಾಡಿದ್ದೇ ಲವ್ ಸ್ಟೋರಿ ಮೂಲಕ. ಸಹ ಸ್ಪರ್ಧಿ ಬಂದಗಿ ಕಾಲ್ರಾ ಜೊತೆಗಿನ ವಿಪರೀತ ಆತ್ಮೀಯತೆಯಿಂದಾಗಿ ಪುನೀಶ್ ಹೆಡ್ ಲೈನ್ಸ್ ಮಾಡಿದ್ದರು.

ಕಿರುತೆರೆಗೆ ಹೊಸಬರೇನೂ ಅಲ್ಲ.!

2009 ರಲ್ಲಿ ಪ್ರಸಾರವಾದ 'ಸರ್ಕಾರ್ ಕಿ ದುನಿಯಾ' ಎಂಬ ರಿಯಾಲಿಟಿ ಶೋನಲ್ಲಿ ಪುನೀಶ್ ಶರ್ಮಾ ವಿಜೇತರಾಗಿದ್ದರು. ಹೀಗಾಗಿ, 'ಬಿಗ್ ಬಾಸ್' ಶೋ ಕೂಡ ಗೆದ್ದೇ ಗೆಲ್ಲುತ್ತೇನೆ ಎಂಬ ವಿಶ್ವಾಸ ಪುನೀಶ್ ಗಿದೆ. ಸೆಲೆಬ್ರಿಟಿಗಳ ಬದಲು ಕಾಮನ್ ಮ್ಯಾನ್ ಗೆಲ್ಲಬೇಕು ಎಂಬ ಆಸೆ ವೀಕ್ಷಕರಿಗೆ ಇದ್ದರೆ, ಪುನೀಶ್ ಖಂಡಿತ 'ಬಿಗ್ ಬಾಸ್ 11' ವಿನ್ನರ್ ಆಗಬಹುದು.

ಗ್ರ್ಯಾಂಡ್ ಫಿನಾಲೆ ಯಾವಾಗ.?

'ಬಿಗ್ ಬಾಸ್ 11' ಇದೇ ಭಾನುವಾರ (ಜನವರಿ 14) ರಂದು ರಾತ್ರಿ ಕಲರ್ಸ್ ವಾಹಿನಿಯಲ್ಲಿ ಪ್ರಸಾರ ಆಗಲಿದೆ. ಗೆಲುವಿನ ಕಿರೀಟ ಯಾರ ಮುಡಿಗೆ ಸೇರುತ್ತದೆಯೋ, ಕಾದು ನೋಡಬೇಕು.