Don't Miss!
- Sports DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ
- News ದ್ವೇಷ ಉತ್ತೇಜಿಸುವ ಪೋಸ್ಟ್: ಕರ್ನಾಟಕ ಬಿಜೆಪಿ ವಿರುದ್ಧ ದೂರು ದಾಖಲಿಸಿದ ಚುನಾವಣಾ ಆಯೋಗ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Lifestyle 613 ದಿನ ಕೊರೊನಾ ವಿರುದ್ಧ ಹೋರಾಡಿ ವೃತಪಟ್ಟ ವ್ಯಕ್ತಿ..!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಯಾರೀ 'ಬಿಗ್ ಬಾಸ್' ಮಾಸ್ಟರ್ ಮೈಂಡ್ ವಿಕಾಸ್ ಗುಪ್ತ.?
'ಬಿಗ್ ಬಾಸ್' ಯಾವುದೇ ಚಟುವಟಿಕೆ ಕೊಡಲಿ... ಅದನ್ನ ''ಹೀಗೆ ಮಾಡಬೇಕು, ಹೀಗೆ ಮಾಡಿದರೆ... ಹೀಗೆ ಆಗುತ್ತೆ'' ಎಂದು ಲೆಕ್ಕಾಚಾರ ಹಾಕಿ, ಹಲವು ಸ್ಪರ್ಧಿಗಳಿಗೆ ಮನೆ ಕಡೆ ದಾರಿ ತೋರಿಸಿರುವ, ''ಬಿಗ್ ಬಾಸ್ 11' ರ ಮಾಸ್ಟರ್ ಮೈಂಡ್'' ಎಂದೇ ಖ್ಯಾತಿ ಗಳಿಸಿರುವ ಸ್ಪರ್ಧಿ ವಿಕಾಸ್ ಗುಪ್ತ.
ಕಿರುತೆರೆ ಲೋಕದಲ್ಲಿ ದೊಡ್ಡ ಹೆಸರು ಮಾಡಿರುವ ವಿಕಾಸ್ ಗುಪ್ತ ಸದ್ಯ 'ಬಿಗ್ ಬಾಸ್ 11' ರ ಗ್ರ್ಯಾಂಡ್ ಫೈನಲಿಸ್ಟ್. ಬಾಲಿವುಡ್ ನ ಸ್ಮಾಲ್ ಸ್ಕ್ರೀನ್ ಲೋಕವೇ ವಿಕಾಸ್ ಗುಪ್ತ ಗೆಲುವಿಗೆ ಸಪೋರ್ಟ್ ಮಾಡುತ್ತಿದೆ.
'ಎ ಲಾಸ್ಟ್ ಬಾಯ್ ಪ್ರೊಡಕ್ಷನ್ಸ್' ಎಂಬ ಪ್ರೊಡಕ್ಷನ್ ಹೌಸ್ ಹೊಂದಿರುವ ವಿಕಾಸ್ ಗುಪ್ತ 'ಬಿಗ್ ಬಾಸ್ 11' ಗೆಲ್ಲಲು ಯಶಸ್ವಿ ಆಗ್ತಾರಾ.? ಈ ಪ್ರಶ್ನೆಗೆ ಇದೇ ಭಾನುವಾರ ಉತ್ತರ ಸಿಗಲಿದೆ. ಅದಕ್ಕೂ ಮುನ್ನ 'ಮಾಸ್ಟರ್ ಮೈಂಡ್' ವಿಕಾಸ್ ಗುಪ್ತ ಯಾರು ಅಂತ ನೋಡ್ಕೊಂಡ್ ಬರೋಣ ಬನ್ನಿ...
ಯಾರೀ ವಿಕಾಸ್ ಗುಪ್ತ.?
ದೆಹ್ರಾದೂನ್ ನಲ್ಲಿ ಹುಟ್ಟಿದ ವಿಕಾಸ್, ಬೆಳೆದಿದ್ದೆಲ್ಲ ಮುಂಬೈನಲ್ಲಿ. ಟೆಲಿವಿಷನ್ ಶೋ ಪ್ರೊಡ್ಯೂಸರ್, ಕ್ರಿಯೇಟಿವ್ ಡೈರೆಕ್ಟರ್ ಆಗಿ ಕಾರ್ಯ ನಿರ್ವಹಿಸಿರುವ ವಿಕಾಸ್ ಗುಪ್ತ ಸದ್ಯ 'ಎ ಲಾಸ್ಟ್ ಬಾಯ್ ಪ್ರೊಡಕ್ಷನ್ಸ್' ಎಂಬ ಸ್ವಂತ ಪ್ರೊಡಕ್ಷನ್ ಹೌಸ್ ತೆರೆದಿದ್ದಾರೆ.
ಸೋಷಿಯಲ್ ಮೀಡಿಯಾದಲ್ಲಿ ಧೂಳೆಬ್ಬಿಸುತ್ತಿರುವ 'ಬಿಗ್ ಬಾಸ್' ಫೈನಲಿಸ್ಟ್ ಶಿಲ್ಪಾ: ಯಾರೀಕೆ.?
ಫೇಮಸ್ ಧಾರಾವಾಹಿಗಳಿಗೆ ಕ್ರಿಯೇಟಿವ್ ಹೆಡ್
ಏಕ್ತಾ ಕಪೂರ್ ಒಡೆತನದ 'ಬಾಲಾಜಿ ಟೆಲಿಫಿಲ್ಮ್ಸ್' ನಲ್ಲಿ 'ಮಹಾಭಾರತ', 'ಕ್ಯೂಂಕಿ ಸಾಸ್ ಭಿ ಕಭೀ ಬಹು ಥಿ' ಸೇರಿದಂತೆ ಹಲವು ಧಾರಾವಾಹಿಗಳಿಗೆ ಕ್ರಿಯೇಟಿವ್ ಹೆಡ್ ಆಗಿ ಕೆಲಸ ಮಾಡಿದ ಖ್ಯಾತಿ ವಿಕಾಸ್ ಗುಪ್ತ ಅವರದ್ದು.
ಸೀರಿಯಲ್ ನಿರ್ಮಾಪಕ
ತಮ್ಮ 'ಲಾಸ್ಟ್ ಬಾಯ್ ಪ್ರೊಡಕ್ಷನ್ಸ್' ಮೂಲಕ 'ಗುಮ್ರಾಹ್: ಎಂಡ್ ಆಫ್ ಇನ್ನೊಸೆನ್ಸ್', 'ಯೇ ಹೇ ಆಶಿಕಿ' ಹಾಗೂ 'ಎಂ.ಟಿ.ವಿ ವೆಬ್ಡ್' ಧಾರಾವಾಹಿಗಳನ್ನ ನಿರ್ಮಾಣ ಮಾಡಿದ್ದಾರೆ ವಿಕಾಸ್ ಗುಪ್ತ. ನಿರ್ಮಾಣದ ಜೊತೆಗೆ ಸ್ಕ್ರಿಪ್ಟ್ ರೈಟಿಂಗ್ ನಲ್ಲೂ ವಿಕಾಸ್ ಗುಪ್ತ ಎತ್ತಿದ ಕೈ.
ಶಿಲ್ಪಾ ವರ್ಸಸ್ ವಿಕಾಸ್
ಕಿರುತೆರೆ ಲೋಕದಲ್ಲಿ ದೊಡ್ಡ ಹೆಸರು ಮಾಡಿರುವ ವಿಕಾಸ್ ಗುಪ್ತ ಸದ್ಯ 'ಬಿಗ್ ಬಾಸ್' ಮನೆ ಸೇರಿದ್ದಾರೆ. ಕಿರುತೆರೆ ನಟಿ ಶಿಲ್ಪಾ ಶಿಂಧೆ ಜೊತೆ ಭಿನ್ನಾಭಿಪ್ರಾಯ ಹೊಂದಿದ್ದ ವಿಕಾಸ್, ಅದೇ ಶಿಲ್ಪಾ ಶಿಂಧೆ ಜೊತೆ 'ಬಿಗ್ ಬಾಸ್' ಮನೆಯಲ್ಲಿ ಬಂಧಿಯಾಗಿದ್ದಾರೆ.
ಮಾಸ್ಟರ್ ಮೈಂಡ್ ವಿಕಾಸ್
'ಬಿಗ್ ಬಾಸ್' ಮನೆಯೊಳಗೆ ಮೊದಲ ಐದು-ಆರು ವಾರಗಳ ಕಾಲ ಶಿಲ್ಪಾ ಶಿಂಧೆ ಜೊತೆಗೆ ವೈಮನಸ್ಯ ಮುಂದುವರೆಸಿದ ವಿಕಾಸ್, ಬಳಿಕ ಶಿಲ್ಪಾ ಶಿಂಧೆ ಮನಗೆದ್ದು ಗೆಳೆತನ ಆರಂಭಿಸಿದರು. ಶಿಲ್ಪಾ ಶಿಂಧೆ ಜೊತೆಗೆ ಒಂದು ಶೋ ಮಾಡುವ ಬಗ್ಗೆ ಕೂಡ ಇದೇ 'ಬಿಗ್ ಬಾಸ್' ಕಾರ್ಯಕ್ರಮದಲ್ಲಿ ಪ್ರಸ್ತಾಪ ಮಾಡಿದರು.
'ಬಿಗ್ ಬಾಸ್' ವಿನ್ನರ್ ಆಗ್ತಾರಾ ವಿಕಾಸ್.?
ಎಲ್ಲ ಚಟುವಟಿಕೆಗಳನ್ನೂ ಅಳೆದು-ತೂಗಿ ಪರ್ಫಾಮ್ ಮಾಡುತ್ತಿರುವ ವಿಕಾಸ್ ಸದ್ಯ ಗ್ರ್ಯಾಂಡ್ ಫಿನಾಲೆ ಹಂತಕ್ಕೆ ಬಂದಿದ್ದಾರೆ. ಸದ್ಯ 'ಬಿಗ್ ಬಾಸ್' ಮನೆಯೊಳಗೆ ಡಿಕ್ಟೇಟರ್ ಆಗಿರುವ ವಿಕಾಸ್, 'ಬಿಗ್ ಬಾಸ್ 11' ವಿಜೇತರಾಗುತ್ತಾರಾ.?
ಗ್ರ್ಯಾಂಡ್ ಫಿನಾಲೆ ಯಾವಾಗ.?
'ಬಿಗ್ ಬಾಸ್ 11' ಇದೇ ಭಾನುವಾರ (ಜನವರಿ 14) ರಂದು ರಾತ್ರಿ ಕಲರ್ಸ್ ವಾಹಿನಿಯಲ್ಲಿ ಪ್ರಸಾರ ಆಗಲಿದೆ. ಗೆಲುವಿನ ಕಿರೀಟ ಯಾರ ಮುಡಿಗೆ ಸೇರುತ್ತದೆಯೋ, ಕಾದು ನೋಡಬೇಕು.