'ಬಿಗ್ ಬಾಸ್' ಮನೆಗೆ ಟಿಕೆಟ್ ಪಡೆದುಕೊಂಡ ಆನಂದ ಮಾಲಗತ್ತಿ ಯಾರು.?

ಯಾದಗಿರಿಯ ಯುವಕ ಆನಂದ

ಆನಂದ ಮಾಲಗತ್ತಿ ಮೂಲತಃ ಯಾದಗಿರಿ ಜಿಲ್ಲೆಯ ಕಲ್ಲದೇವನಹಳ್ಳಿ ಗ್ರಾಮದವರು. ಮೂರು ವರ್ಷ ಇರುವಾಗಲೇ, ತಾಯಿಯನ್ನ ಕಳೆದುಕೊಂಡ ಆನಂದ ಮಾಲಗತ್ತಿ ಕಷ್ಟಪಟ್ಟು ಜೀವನ ಸಾಗಿಸಿದ್ದಾರೆ.

ಬಸ್ ಕಂಡಕ್ಟರ್

25 ವರ್ಷದ ಆನಂದ ಮಾಲಗತ್ತಿ ಆರು ವರ್ಷಗಳಿಂದ ಬಿ.ಎಂ.ಟಿ.ಸಿ ಬಸ್ ಕಂಡಕ್ಟರ್ ಆಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಸಹೋದ್ಯೋಗಿಯನ್ನೇ ಪ್ರೀತಿಸಿ ಮದುವೆ ಆಗಿರುವ ಆನಂದ ಮಾಲಗತ್ತಿ ಅವರಿಗೆ ಮುದ್ದಾದ ಮಗು ಇದೆ.

'ಬಿಗ್ ಬಾಸ್' ವೀಕ್ಷಕ

'ಬಿಗ್ ಬಾಸ್ ಕನ್ನಡ-3', 'ಬಿಗ್ ಬಾಸ್ ಕನ್ನಡ-4', 'ಬಿಗ್ ಬಾಸ್ ಕನ್ನಡ-5' ಕಾರ್ಯಕ್ರಮಗಳನ್ನ ಮಿಸ್ ಮಾಡದೆ ನೋಡಿದ್ದಾರಂತೆ ಆನಂದ ಮಾಲಗತ್ತಿ. ಪ್ರಥಮ್, ದಿವಾಕರ್ ಹಾಗೂ ಚಂದನ್ ಶೆಟ್ಟಿ ಅಂದ್ರೆ ಇವರಿಗೆ ಅಚ್ಚುಮೆಚ್ಚು.

'ಬಿಗ್ ಬಾಸ್' ಗೆಲ್ತಾರಾ ಆನಂದ ಮಾಲಗತ್ತಿ.?

ಮನೆಯ ಆರ್ಥಿಕ ಪರಿಸ್ಥಿತಿ ಸುಧಾರಿಸಲು 'ಬಿಗ್ ಬಾಸ್' ಗೆಲ್ಲಬೇಕು ಅನ್ನೋದು ಆನಂದ ಮಾಲಗತ್ತಿ ಬಯಕೆ. ಜೀವನದಲ್ಲಿ ಏನಾದರೂ ಸಾಧನೆ ಮಾಡಬೇಕು ಅಂತ ಇವರು 'ಬಿಗ್ ಬಾಸ್' ಮನೆಗೆ ಬಂದಿದ್ದಾರೆ. ಆನಂದ್ ಮಾಲಗತ್ತಿ ಅವರನ್ನ ಗೆಲ್ಲಿಸುವುದು, ಬಿಡುವುದು ನಿಮ್ಮ ಕೈಯಲ್ಲೇ ಇದೆ.