ಚಿಕ್ಕ ವಯಸ್ಸಿನಲ್ಲಿ ಮದುವೆ, ಸಾಲು, ಸಾಲು ಕಷ್ಟಗಳು : ಜಯಶ್ರೀ ಮನದಾಳ

8 ಕ್ಲಾಸ್ ನಲ್ಲಿ ನಟನೆ ಶುರು ಮಾಡಿದರು

ಕೇವಲ 8 ಕ್ಲಾಸ್ ಓದುವಾಗಲೇ ಜಯಶ್ರೀ ನಟನೆ ಮಾಡಲು ಶುರು ಮಾಡಿದರು. ಮೊದಲು ನಿರ್ದೇಶಕ ಸೀತಾರಾಮ್ ಅವರ ಗರಡಿಯಲ್ಲಿ ಪಳಗಿದರು. 'ಮಾಯಾಮೃಗ' ಧಾರಾವಾಹಿಯ ಮೂಲಕ ತಮ್ಮ ಪಯಣ ಪ್ರಾರಂಭ ಮಾಡಿದರು. ಆ ಕಾಲಕ್ಕೆ ಈ ಧಾರಾವಾಹಿ ದೊಡ್ಡ ಮಟ್ಟದ ಜನ ಮನ್ನಣೆಗಳಿಸಿತ್ತು.

21 ವರ್ಷಗಳ ಅನುಭವ

ಕಳೆದ 21 ವರ್ಷಗಳಿಂದ ಜಯಶ್ರೀ ಸಾಕಷ್ಟು ಧಾರಾವಾಹಿಗಳಲ್ಲಿ ನಟಿಸಿದ್ದಾರೆ. ಚಿಕ್ಕ ವಯಸ್ಸಿನಲ್ಲಿಯೇ ದೊಡ್ಡ ದೊಡ್ಡ ಪಾತ್ರಗಳನ್ನು ಮಾಡಿದ್ದಾರೆ. ಸೀರಿಯಲ್ ಗಳ ಜೊತೆಗೆ ಸಿನಿಮಾಗಳಲ್ಲಿ ಕೂಡ ನಟಿಸಿದ್ದಾರೆ. ಅಂದಿನಿಂದ ಇಂದಿನವರೆಗೆ ಅವರು ನಟನೆಯಲ್ಲಿ ತೊಡಗಿದ್ದಾರೆ.

ಚಿಕ್ಕ ವಯಸ್ಸಿನಲ್ಲಿ ಮದುವೆ

ಜಯಶ್ರೀ ಅವರೇ ಹೇಳಿಕೊಂಡಿರುವ ಹಾಗೆ ಅವರು ಚಿಕ್ಕ ವಯಸ್ಸಿನಲ್ಲಿಯೇ ಮದುವೆ ಆದರಂತೆ. ನಟನೆ ಬಿಟ್ಟು ಅಮೇರಿಕಾಕ್ಕೆ ಹೋದರಂತೆ. ಆದರೆ, ಮತ್ತೆ ಭಾರತಕ್ಕೆ ಬಂದು, ಮತ್ತೆ ಹೊಸ ಜೀವನ ಶುರು ಮಾಡಿದ್ದಾರೆ. ಛಲದಿಂದ ಇಂದು ಅವರು ಒಂದು ಸ್ಥಾನಕ್ಕೆ ಬಂದಿದ್ದಾರೆ.

ಶುಭ ಕೋರಿದ ಸೀತಾರಾಮ್

ಜಯಶ್ರೀ ಅವರ ಬಗ್ಗೆ ಮಾತನಾಡಿದ ನಿರ್ದೇಶಕ ಸೀತಾರಾಮ್ ''ಎಲ್ಲರ ಫೇವರೇಟ್ ಜಾಗಕ್ಕೆ ನೀವು ಹೋಗಿದ್ದೀರಿ. ಶುಭವಾಗಲಿ. ನೀನು ಧೈರ್ಯವಂತ ಹುಡುಗಿ. ನೀನು ಎಲ್ಲವನ್ನು ಗೆಲ್ಲುವ ಹುಡುಗಿ. ನೀನು ಒಬ್ಬ ಫೈಟರ್, ಕೊನೆಯವರೆಗೂ ಫೈಟ್ ಮಾಡು.'' ಎಂದು ಶುಭ ಹಾರೈಸಿದರು.

ಯಾಕೆ 'ಬಿಗ್ ಬಾಸ್' ?

ಕಾರ್ಯಕ್ರಮದ ಬಗ್ಗೆ ಮಾತನಾಡಿರುವ ಜಯಶ್ರೀ ''ಜಯಶ್ರೀ ಯಾರು?, ಆಕೆಯ ವ್ಯಕ್ತಿತ್ವ ಏನು?, ಒಬ್ಬ ಕಲಾವಿದ ಎನ್ನುವುದನ್ನು ಬಿಟ್ಟು ಈಗ ನಾನು ಏನು? ಎಲ್ಲವನ್ನು ತಿಳಿದುಕೊಳ್ಳಲು 'ಬಿಗ್ ಬಾಸ್' ಗೆ ಹೋಗುತ್ತಿದ್ದೇನೆ. 6 ನನ್ನ ಲಕ್ಕಿ ನಂಬರ್, ಅದೇ ಸೀಸನ್ ನಲ್ಲಿ ಬಿಗ್ ಬಾಸ್ ಮನೆಯ ಒಳಗೆ ಹೋಗುತ್ತಿದ್ದೇನೆ.'' ಎಂದು ಹೇಳಿದರು.