ಏನ್ ಗೊತ್ತಾ? ರಾಪಿಡ್ ರಶ್ಮಿಗೆ ಮದುವೆಯಾಗಿದೆಯಂತೆ! ಗುಟ್ಟು ರಟ್ಟಾಯ್ತಾ?

ಹೆಚ್ಚು ಜನರಿಗೆ ತಿಳಿದಿಲ್ಲ

ಇದೀಗ ತಮ್ಮ ಪತಿಯ ಬಗ್ಗೆ ರಾಪಿಡ್ ರಶ್ಮಿ ಮಾತನಾಡಿದ್ದಾರೆ. ''ನನಗೆ ಮದುವೆ ಆಗಿರುವ ವಿಷಯ ಅನೇಕರಿಗೆ ತಿಳಿದಿಲ್ಲ. ನಾನೂ ಆಚೆ ಹೇಳಿಕೊಂಡಿರಲಿಲ್ಲ. ಆದರೆ, ಬಿಗ್ ಬಾಸ್ ಮೂಲಕ ಈ ವಿಷಯ ಎಲ್ಲರಿಗೆ ತಿಳಿದಿದೆ.'' ಎಂದಿರುವ ಅವರು ತಮ್ಮ ಪತಿ ಡೇವಿಸ್ ಅವರನ್ನು ಕಾರ್ಯಕ್ರಮದಲ್ಲಿ ಪರಿಚಯ ಮಾಡಿ ಕೊಟ್ಟರು.

12 ವರ್ಷಗಳಿಂದ ಆರ್ ಜೆ

ರಾಪಿಡ್ ರಶ್ಮಿ ಅವರೇ ಹೇಳುವ ಹಾಗೆ ಅವರ ದೊಡ್ಡ ಶಕ್ತಿ ಮಾತು. ಅದೇ ಕಾರಣಕ್ಕೆ ಅವರು ಕಳೆದ 12 ವರ್ಷಗಳಿಂದ ರೇಡಿಯೋ ಜಾಕಿಯಾಗಿ ಬಿಗ್ ಎಫ್ ಎಂ ನಲ್ಲಿ ಕೆಲಸ ಮಾಡುತ್ತಿದ್ದಾರೆ. ರೆಟ್ರೋ ಸವಾರಿ ಎಂಬ ಅವರ ಕಾರ್ಯಕ್ರಮ ದೊಡ್ಡ ವೀಕ್ಷಕ ಬಳಗ ಹೊಂದಿದೆ.

ಅನೇಕ ಕಾರ್ಯಕ್ರಮಗಳು

ಈ ಹಿಂದೆ ಈ ಟಿವಿ ಕನ್ನಡ ವಾಹಿನಿಯಲ್ಲಿ ಪ್ರಸಾರ ಆಗುತ್ತಿದ್ದ 'ಡ್ಯಾನ್ಸಿಂಗ್ ಸ್ಟಾರ್ 2' ಕಾರ್ಯಕ್ರಮದಲ್ಲಿ ರಶ್ಮಿ ಸ್ಪರ್ಧಿ ಆಗಿದ್ದರು. ಇತ್ತೀಚಿಗೆ ತಮ್ಮ ಯೂ ಟ್ಯೂಬ್ ಚಾನೆಲ್ ಹಾಗೂ ಫೇಸ್ ಬುಕ್ ಪೇಜ್ ಮೂಲಕ ಸಾಕಷ್ಟು ಕಾರ್ಯಕ್ರಮಗಳನ್ನು ಮಾಡಿದ್ದಾರೆ.

'ನಮಕ್ ಹರಾಮ್' ಚಿತ್ರದಲ್ಲಿ ನಟನೆ

ರಶ್ಮಿ ಸಿನಿಮಾದಲ್ಲಿ ಕೂಡ ಅದೃಷ್ಟ ಪರೀಕ್ಷೆ ಮಾಡಿದ್ದಾರೆ. ಆದರೆ, ಅದು ವರ್ಕ್ ಔಟ್ ಆಗಲಿಲ್ಲ. 'ನಮಕ್ ಹರಾಮ್' ಎಂಬ ಸಿನಿಮಾದ ಮೂಲಕ ರಶ್ಮಿ ನಟಿಯಾಗಿ ಸ್ಯಾಂಡಲ್ ವುಡ್ ಖಾತೆ ತೆರೆದರು. ನಟ ಗಣೇಶ್ ಸಹೋದರ ಮಹೇಶ್ ಈ ಸಿನಿಮಾದ ನಾಯಕ ಆಗಿದ್ದರು.

ಬಿಗ್ ಬಾಸ್ ಯಾಕೆ ?

ಬಿಗ್ ಬಾಸ್ ಗೆ ಬಂದಿದ್ದು ಏಕೆ ಎಂದು ಹೇಳಿರುವ ರಶ್ಮಿ ''ನಾನು ಇಷ್ಟು ವರ್ಷ ಟೆಸ್ಟ್ ಮ್ಯಾಚ್ ಆಡುತ್ತಿದೆ. ಈಗ ಟಿ 20 ಮ್ಯಾಚ್ ಆಡುವ ಸಮಯ ಬಂದಿದೆ. ನಾನು ಬೆಂಗಳೂರಿನಲ್ಲಿ ಇರುವವರಿಗೆ, ಇಂಟರ್ ನೆಟ್ ಬಳಸುವವರಿಗೆ ಮಾತ್ರ ಸೀಮಿತ ಆಗಬಾರದು. ಕರ್ನಾಟಕದ ತುಂಬ ಈ ರೀತಿ ಹುಡುಗಿ ಇದ್ದಾಳೆ ಎಂದು ತಿಳಿಯಲಿ ಅಂತ ಈ ವೇದಿಕೆ ಆಯ್ಕೆ ಮಾಡಿಕೊಂಡೆ.'' ಎಂದಿದ್ದಾರೆ.