'ಬಿಗ್ ಬಾಸ್' ಮನೆಯೊಳಗೆ ಸ್ನೇಹ ಆಚಾರ್ಯ ಹೆಚ್ಚು ದಿನ ಇರೋದು ಡೌಟು.?

ಕನ್ನಡ ನಟಿ ಸ್ನೇಹ ಆಚಾರ್ಯ

'ಜೋಶ್' ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಪರಿಚಯವಾದ ನಟಿ ಸ್ನೇಹ ಆಚಾರ್ಯ. 'ಕೃಷ್ಣ ಲೀಲಾ', 'ಆಕೆ' ಸೇರಿದಂತೆ ಹಲವು ಕನ್ನಡ ಸಿನಿಮಾಗಳಲ್ಲಿ ಸ್ನೇಹ ಆಚಾರ್ಯ ಅಭಿನಯಿಸಿದ್ದಾರೆ.

ಬಾಲಿವುಡ್ ನಲ್ಲಿ ನೃತ್ಯ ಸಂಯೋಜಕಿ

ಡ್ಯಾನ್ಸ್ ಕಲಿತಿರುವ ಸ್ನೇಹ ಆಚಾರ್ಯ ಮುಂಬೈನಲ್ಲಿ ನೃತ್ಯ ಸಂಯೋಜಕಿ ಆಗಿದ್ದಾರೆ. ಬಾಲಿವುಡ್ ನಟ ಗೋವಿಂದಾ, ಶಾಹಿದ್ ಕಪೂರ್, ಪ್ರಭುದೇವ, ಪ್ರಿಯಾಂಕಾ ಛೋಪ್ರಾ ಗೆ ಕೋರಿಯೋಗ್ರಫಿ ಮಾಡುವ ತಂಡದಲ್ಲಿ ಸ್ನೇಹ ಆಚಾರ್ಯ ಕೂಡ ಇದ್ದಾರೆ.

ಪಕ್ಕಾ ಬೆಂಗಳೂರು ಹುಡುಗಿ

ನಟಿಯಾಗಿ, ನೃತ್ಯ ಸಂಯೋಜಕಿ ಆಗಿ, ನಿರೂಪಕಿಯಾಗಿ ಗುರುತಿಸಿಕೊಂಡಿರುವ ಸ್ನೇಹ ಆಚಾರ್ಯ ಪಕ್ಕಾ ಬೆಂಗಳೂರು ಹುಡುಗಿ. ಡ್ಯಾನ್ಸಿಂಗ್ ಸ್ಟಾರ್ ಕಾರ್ಯಕ್ರಮದಲ್ಲಿ ಸ್ಪರ್ಧಿಯಾಗಿದ್ದ ಸ್ನೇಹ ಆಚಾರ್ಯ ಸದ್ಯ 'ಬಿಗ್ ಬಾಸ್' ಶೋನಲ್ಲಿ ಸ್ಪರ್ಧಿಸಿದ್ದಾರೆ.

ಮುಂದಿನ ತಿಂಗಳು ಮದುವೆ

ನ್ಯೂಯಾರ್ಕ್ ಮೂಲದ ರಾಯನ್ ಜೊತೆಗೆ ಈಗಾಗಲೇ ಸ್ನೇಹ ಆಚಾರ್ಯಗೆ ನಿಶ್ಚಿತಾರ್ಥ ಆಗಿದೆ. ಮುಂದಿನ ತಿಂಗಳು ಅಂದ್ರೆ ನವೆಂಬರ್ 24-25 ರಂದು ಸ್ನೇಹ ಆಚಾರ್ಯ-ರಾಯನ್ ಮದುವೆ ಫಿಕ್ಸ್ ಆಗಿದೆ. ಹೀಗಿರುವಾಗಲೇ, ಸ್ನೇಹ ಆಚಾರ್ಯ 'ಬಿಗ್ ಬಾಸ್' ಮನೆಗೆ ಬಂದಿದ್ದಾರೆ. ಮದುವೆ ಇರುವ ಕಾರಣ, ಸ್ನೇಹ ಆಚಾರ್ಯ 'ಬಿಗ್ ಬಾಸ್' ಮನೆಯಲ್ಲಿ ಹೆಚ್ಚು ದಿನ ಇರೋದು ಡೌಟು ಅನ್ನೋದು ಹಲವರ ಅಭಿಪ್ರಾಯ.