ಯಾರೀ ಜವಾರಿ ಹುಡುಗಿ ಸೋನು ಪಾಟೀಲ್.? ಆಕೆಯ ನಿಜ ನಾಮ ನಿಮ್ಗೆ ಗೊತ್ತೇನು.?

ಜವಾರಿ ಹುಡುಗಿ

ಉತ್ತರ ಕರ್ನಾಟಕದ ಜವಾರಿ ಹುಡುಗಿ ಸೋನು ಪಾಟೀಲ್. ಬಾಗಲಕೋಟೆ ಜಿಲ್ಲೆಯ ಜಮಖಂಡಿ ತಾಲೂಕಿನ ಪುಟ್ಟ ಹಳ್ಳಿಯಲ್ಲಿ ಹುಟ್ಟಿ ಬೆಳೆದಾಕೆ ಸೋನು ಪಾಟೀಲ್.

ಗಟ್ಟಿಗಿತ್ತಿ

ಬಡ ರೈತನ ಪುತ್ರಿ ಆಗಿದ್ದರೂ ಸೋನು ಪಾಟೀಲ್ ಗಟ್ಟಿಗಿತ್ತಿ. ಎಂ.ಎ ಜರ್ನಲಿಸಂ ಓದಿರುವ ಸೋನು ಪಾಟೀಲ್ ಅವಕಾಶಗಳನ್ನು ಅರಿಸಿ ಬಣ್ಣದ ಲೋಕಕ್ಕೆ ಕಾಲಿಟ್ಟಿದ್ದಾರೆ.

ನಿಜ ನಾಮ ಏನು.?

ಸೋನು ಪಾಟೀಲ್ ನಿಜ ನಾಮ ಜ್ಯೋತಿ. ಸ್ನೇಹಿತರೆಲ್ಲ ಈಕೆಯನ್ನ ಪ್ರೀತಿಯಿಂದ ಸೋನು ಅಂತ ಕರೆಯುತ್ತಿದ್ದರಂತೆ. ಅದೇ ಹೆಸರಿನಿಂದ ಅದೃಷ್ಟ ಖುಲಾಯಿಸಿದರಿಂದ 'ಸೋನು ಪಾಟೀಲ್' ಎಂದೇ ತಮ್ಮ ಹೆಸರನ್ನ ಬದಲಾಯಿಸಿಕೊಂಡಿದ್ದಾರೆ.

ಬೆಂಗಳೂರಿಗೆ ಬಂದು ಕಷ್ಟ ಅನುಭವಿಸಿದ ಸೋನು ಪಾಟೀಲ್

ಅಪ್ಪ, ಅಮ್ಮ ಹಾಗೂ ಅಜ್ಜಿಯನ್ನ ಸಾಕಲು ಉದ್ಯೋಗ ಅರಿಸಿ ಸೋನು ಪಾಟೀಲ್ ಬೆಂಗಳೂರಿಗೆ ಬಂದಾಗ ಪಟ್ಟ ಕಷ್ಟ ಅಷ್ಟಿಷ್ಟಲ್ಲ. ಬಸ್ಟ್ ಸ್ಟ್ಯಾಂಡ್ ಗಳಲ್ಲಿ ರಾತ್ರಿ ನಿದ್ದೆ ಮಾಡಿ, ಬೀದಿ ಬೀದಿ ಅಲೆದು ಕೆಲ ಮನೆಗಳಲ್ಲಿ ಕೆಲಸ ಮಾಡಿ ತುತ್ತು ಊಟಕ್ಕಾಗಿ ಸೋನು ಪಾಟೀಲ್ ಕಷ್ಟ ಪಟ್ಟಿದ್ದಾರೆ.

ಧಾರಾವಾಹಿಗಳಲ್ಲಿ ನಟಿಸಿದ ಸೋನು ಪಾಟೀಲ್

'ಮೊಗ್ಗಿನ ಮನಸ್ಸು', 'ಗಾಂಧಾರಿ', 'ಅಮೃತ ವರ್ಷಿಣಿ', 'ಪಂಚ ಕಜ್ಜಾಯ', 'ಶ್ರೀಮಾನ್ ಶ್ರೀಮತಿ' ಸೇರಿದಂತೆ ಹಲವು ಧಾರಾವಾಹಿಗಳಲ್ಲಿ ಸೋನು ಪಾಟೀಲ್ ನಟಿಸಿದ್ದಾರೆ.

ಸೋನು ಪಾಟೀಲ್ ಅಭಿನಯಿಸಿದ ಚಿತ್ರಗಳಾವುವು.?

ರಾಷ್ಟ್ರ ಪ್ರಶಸ್ತಿ ಪುರಸ್ಕೃತ ನಟ ಸಂಚಾರಿ ವಿಜಯ್ ಜೊತೆಗೆ 'ಕೊಟ್ಟೂರೇಶ್ವರ ಮಹಾತ್ಮೆ', 'ಗರ' ಸೇರಿದಂತೆ ಅನೇಕ ಚಿತ್ರಗಳಲ್ಲಿ ಸೋನು ಪಾಟೀಲ್ ಅಭಿನಯಿಸಿದ್ದಾರೆ.

ಸುದೀಪ್ ಅಭಿಮಾನಿ

ಸುದೀಪ್ ಕಂಡ್ರೆ ಸೋನು ಪಾಟೀಲ್ ಹಾಗೂ ಆಕೆಯ ಅಜ್ಜಿಗೆ ಅಚ್ಚುಮೆಚ್ಚು. ಜೀವಮಾನದಲ್ಲಿ ಒಮ್ಮೆಯಾದರೂ ಸುದೀಪ್ ಜೊತೆಗೆ ನಟಿಸಬೇಕು ಅನ್ನೋದು ಸೋನು ಪಾಟೀಲ್ ಕನಸು.

'ಬಿಗ್ ಬಾಸ್' ಗೆಲ್ಲುವ ಹುಮ್ಮಸ್ಸಿನಲ್ಲಿ ಸೋನು ಪಾಟೀಲ್

ಮಾಂಸಾಹಾರ ಸೇವಿಸದ ಸೋನು ಪಾಟೀಲ್ ತಮ್ಮ ಕುಟುಂಬದ ಆರ್ಥಿಕ ಪರಿಸ್ಥಿತಿ ನಿಭಾಯಿಸಲು 'ಬಿಗ್ ಬಾಸ್' ಕಾರ್ಯಕ್ರಮಕ್ಕೆ ಬಂದಿದ್ದಾರೆ. 'ಬಿಗ್ ಬಾಸ್' ಗೆಲ್ಲಬೇಕು ಎಂಬ ಛಲ ಸೋನು ಪಾಟೀಲ್ ರಲ್ಲಿ ಇದೆ. ಗೆಲ್ಲಿಸುವುದು ಬಿಡುವುದು ವೀಕ್ಷಕರ ಕೈಯಲ್ಲಿದೆ.