ಯಾರು ಈ 'ವೈಲ್ಡ್ ಕಾರ್ಡ್' ಸ್ಪರ್ಧಿ ಜೀವಿತಾ, ಎಲ್ಲಿದ್ರು ಇಷ್ಟು ದಿನ?

ಮೂಲತಃ ಬೆಂಗಳೂರು

ಜೀವಿತಾ ಮೂಲತಃ ಬೆಂಗಳೂರಿನವರು. ಬೆಂಗಳೂರಿನಲ್ಲಿ ಹುಟ್ಟಿದ್ದು, ತಮ್ಮ ಶಿಕ್ಷಣವನ್ನ ಇಲ್ಲೇ ಮುಗಿಸಿದ್ದಾರೆ. ಬೆಂಗಳೂರಿನ ಮೌಂಟ್ ಕಾರ್ಮೆಲ್ ಕಾಲೇಜಿನಲ್ಲಿ ಪಿಯು ಮತ್ತು ಪದವಿ ವ್ಯಾಸಂಗ ಮಾಡಿದ್ದಾರೆ. ಕಿರುತೆರೆ ನಟಿ ರೇಣುಕ ಸ್ನೇಹ ಅವರ ಸಂಬಂಧಿ.

ಡ್ಯಾನ್ಸರ್ ಕಮ್ ಮಾಡೆಲ್

ಚಿಕ್ಕವಯಸ್ಸಿನಿಂದಲೂ ಜೀವಿತಾ ಅವರಿಗೆ ಡ್ಯಾನ್ಸ್ ಅಂದ್ರೆ ಅಚ್ಚುಮೆಚ್ಚು. ಹಲವು ವೇದಿಕೆಗಳಲ್ಲಿ ಡ್ಯಾನ್ಸ್ ಮಾಡೋದಕ್ಕೆ ಶುರು ಮಾಡಿ, ಅದನ್ನೇ ವೃತ್ತಿಯಾಗಿ ತೆಗೆದುಕೊಳ್ಳುವತ್ತಾ ಸಾಗಿದ್ದರು. ಈ ಮಧ್ಯೆ ಜೀವಿತಾ ಅವರನ್ನ ಮಾಡೆಲಿಂಗ್ ಕ್ಷೇತ್ರ ಕೈಬೀಸಿ ಕರೆಯಿತು. ಅಲ್ಲಿಂದ ಡ್ಯಾನ್ಸರ್ ಹಾಗೂ ಮಾಡೆಲ್ ಆದರು.

ಮಾಡೆಲ್ ಟು ಆಕ್ಟಿಂಗ್

ಮಾಡೆಲಿಂಗ್ ನಲ್ಲಿ ಸಕ್ರೀಯರಾಗಿದ್ದ ಜೀವಿತಾ ಅವರನ್ನ ನೋಡಿದ ಒಬ್ಬರು, ನೀನು ಆಕ್ಟಿಂಗ್ ಮಾಡಬಹುದು ಎಂದು ಹೇಳಿದ್ರು. ಅವರ ಮೂಲಕವೇ ಒಬ್ಬ ನಿರ್ದೇಶಕರು ನನಗೆ ಆಡಿಷನ್ ಮಾಡಿದ್ರು. ಅದಾದ ಬಳಿಕ, ಕೆಲವು ಧಾರಾವಾಹಿಯಲ್ಲಿ ನಟಿಸಿದ್ದಾರೆ.

'ಜಾನಕಿ ರಾಘವ' ಸೀರಿಯಲ್

ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾಗ್ತಿದ್ದ 'ಜಾನಕಿ ರಾಘವ' ಧಾರಾವಾಹಿಯಲ್ಲಿ ಜೀವಿತಾ ಪ್ರಮುಖ ನಟಿಯಾಗಿ ಅಭಿನಯಿಸುತ್ತಿದ್ದರು. ಈ ಸೀರಿಯಲ್ ಮೂಲಕ ಜೀವಿತಾ ಟಿವಿ ಪ್ರೇಕ್ಷಕರ ಮನಸ್ಸು ಗೆದ್ದಿದ್ದರು.

ಈಗ ಬಿಗ್ ಬಾಸ್

ಹೀಗೆ, ಡ್ಯಾನ್ಸ್, ಮಾಡೆಲಿಂಗ್, ನಟನೆಯಲ್ಲಿ ತೊಡಗಿಕೊಂಡಿರುವ ಜೀವಿತಾ ಈಗ ಬಿಗ್ ಬಾಸ್ ಗೆ ಆಯ್ಕೆಯಾಗಿದ್ದಾರೆ. ''ನನ್ನ ಪ್ರತಿಭೆ ತೋರಿಸುವುದಕ್ಕೆ, ನನ್ನನ್ನು ವೈಯಕ್ತಿಕವಾಗಿ ಗುರುತಿಸಿಕೊಳ್ಳುವುದಕ್ಕೆ ಬಿಗ್ ಬಾಸ್ ಒಳ್ಳೆಯ ವೇದಿಕೆ. ನಾನು ತುಂಬಾ ಭಾವಾನಾತ್ಮಕ ಜೀವಿಯಲ್ಲ. ಗೆಲ್ಲಬೇಕೆಂದುಕೊಂಡೇ ಬಂದಿದ್ದೀನಿ. ನನ್ನ ಆಟ ನಾನು ಆಡುತ್ತೇನೆ'' ಎಂದು ಕಾನ್ಫಿಡೆನ್ಸ್ ಆಗಿದ್ದಾರೆ.