ಪತಿಯ ಏಳನೆ ವರ್ಷದ ತಿಥಿ ಕಾರ್ಯದಲ್ಲಿ ಸಂಜನಾ

ಸಂಜನಾ ಬಳಿ ಹಣ ಕೇಳಿದ ನಿರಂಜನ್

ನಿರಂಜನ್ ಹಣವಿಲ್ಲ ಎಂದು ಸಂಜನಾ ಬಳಿ ಕೇಳಿದಾಗ ಸಂಜನಾ ನಿರಂಜನ್ ಮೇಲೆ ರೇಗಾಡಿದ್ದಾರೆ. ಹಣವೆಲ್ಲ ಏನು ಮಾಡುತ್ತೀಯಾ ಎಂದು ನಿರಂಜನ್ ಕೇಳಿದ್ದಕ್ಕೆ ಸಂಜನಾ ನಿರಂಜನ್ ಮೇಲೆ ಮುನಿಸಿಕೊಂಡಿದ್ದಾರೆ. ಅಲ್ಲದೆ ಬರುವ ಸಂಬಳದಲ್ಲಿ ಮಗಳ ಶಾಲೆ ಫೀಸ್ ಕಟ್ಟಬೇಕು ಎಂದು ಹೇಳಿ ತನ್ನ ಕಷ್ಟವನ್ನು ತೋಡಿಕೊಂಡಿದ್ದಾರೆ.

ರಶ್ಮಿ ಗೆ ಫೋನ್ ಮಾಡಿದ ರಾಜು ಚೌಧರಿ

ರಾಜು ಚೌಧರಿ ಅವರು ರಶ್ಮಿ ಅವರಿಗೆ ಫೋನ್ ಮಾಡಿದ್ದಾರೆ. ಮಗ ಚಿರಂತನ್ ಅವರ ನಿಶ್ಚಿತಾರ್ಥ ಆಗಿ ಒಂದು ವಾರ ಆಗಿದೆ. ಹೇಗೆ ಆಯ್ತು ನಿಶ್ಚಿತಾರ್ಥ ಎಂದು ವ್ಯಂಗ್ಯವಾಗಿ ಮಾತನಾಡಿದ್ದಾರೆ. ಅಲ್ಲದೆ ಮಗನನ್ನು ಮನೆಯಿಂದ ಎಳೆದುಕೊಂಡು ಹೋಗಿದ್ದೀರಿ ಅಲ್ವಾ ಎಂದು ರಶ್ಮಿ ಬಳಿ ಆತಂಕ ಹೇಳಿಕೊಂಡಿದ್ದಾರೆ. ಮನೆಯವರನ್ನ ಕರೆಯದೆ ನಿಶ್ಚಿತಾರ್ಥವನ್ನು ಮುಗಿಸಿದ್ದೀರಿ ಅಲ್ವಾ. ತಂದೆ ಮಗನನ್ನು ಶಾಶ್ವತವಾಗಿ ದೂರ ಮಾಡಿದ್ದೀರಾ ಎಂದು ರಶ್ಮಿ ಬಳಿ ಹೇಳಿಕೊಂಡಿದ್ದಾರೆ.

ರಾಕೆಟ್ ಬೇಕೆಂದು ಹಠ ಹಿಡಿದ ಇಂಚರಾ

ಹಣ ಇಲ್ಲ ಎಂದು ಹೇಳುತ್ತ ಎರಡು ಸಾವಿರ ಕೊಟ್ಟು ಪುಸ್ತಕಗಳನ್ನು ಕೊಂಡುಕೊಳ್ಳುತ್ತೀಯಾ. ಆದ್ರೆ ನಾನು ಕೇಳಿದ್ರೆ ಏನು ಕೊಡಿಸುವುದಿಲ್ಲ ಎಂದು ಇಂಚರಾ ಅಮ್ಮನ ಬಳಿ ಹಠ ಹಿಡಿದಿದ್ದಾಳೆ. ಕೊಡಿಸಿಲ್ಲ ಎಂದರೆ ಶಾಲೆಗೆ ಹೋಗುವುದಿಲ್ಲ ಎಂದು ಹಠ ಹಿಡಿದಿದ್ದಾಳೆ. ಅಲ್ಲದೆ ಯಾರ್ಯಾರಿಗೊ ಏನೇನೋ ಕೊಡುತ್ತೀಯಾ ಆದ್ರೆ ನನಗೆ ಮಾತ್ರ ಏನು ಕೊಡಿಸುವುದಿಲ್ಲ ಎಂದು ರಗಳೆ ಶಿರುಮಾಡಿಕೊಂಡಿದ್ದಾಳೆ ಇಂಚರ. ಮಾತಿನಿಂದ ಸಿಟ್ಟಿಗೆದ್ದ ಸಂಜನಾ ನಾಲ್ಕು ಬಾರಿಸಿದ್ದಾಳೆ.

ಗಂಡನ ತಿಥಿಯ ಪ್ರಯುಕ್ತ ಪುಸ್ತಕ ವಿತರಣೆ

ಗಂಡನ ತಿಥಿಯ ಪ್ರಯುಕ್ತ ಸಂಜನಾ ಪುಸ್ತಗಳನ್ನು ಆನಾಥಾಶ್ರಮಕ್ಕೆ ಕೊಡಲು ತಂದಿದ್ದಾರೆ. ಆದ್ರೆ ಇಂಚರಾ ಎಲ್ಲಾ ಪುಸ್ತಕಗಳನ್ನು ಕೆಳಗೆ ಬಿಸಾಡಿದ್ದಾಳೆ. ಇದರಿಂದ ಸಂಜನಾ ಇಂಚರಾ ಮೇಲೆ ರೇಗಾಡಿದ್ದಾರೆ. ಸಂಜನಾ ವರ್ತನೆ ನೋಡಿ ದೇವಕಿ ಕೂಡ ಬುದ್ಧಿವಾದ ಹೇಳಿದ್ದಾರೆ. ಗಂಡನ ತಿಥಿಗಾಗಿ ಪುಸ್ತಕ ತರಿಸಿದ್ದು, ಶೋಕಿಗೆ ಅಲ್ಲ ಎಂದು ಹೇಳಿ ತಾಯಿ ಬಳಿ ನೋವನ್ನು ತೋಡಿಕೊಂಡಿದ್ದಾರೆ ಸಂಜನಾ.

ಜಾನಕಿ ಮೇಲೆ ರೇಗಿದ ಸಂಜನಾ

ದೇವಕಿ ಮತ್ತು ಸಂಜನಾ ಇಬ್ಬರ ನಡುವೆ ಮಾತುಕತೆ ನಡೆಯುತ್ತಿರುವಾಗ ಜಾನಕಿ ಎಂಟ್ರಿ ಕೊಟ್ಟಿದ್ದಾರೆ ಎಂದು ಜಾನಕಿ ಮೇಲೆ ರೇಗಿದ್ದಾರೆ. ಒಳಗೆ ಬರುವಾಗ ಬಾಗಿಲು ಬಡಿದು ಒಳಗೆ ಬರಬೇಕೆಂದು ಗೊತ್ತಾಗುವುದಿಲ್ಲವ ಎಂದು ಜಾಕಿ ಮೇಲೆ ರೇಗಿದ್ದಾರೆ. ಈ ವಿಚಾರವನ್ನು ದೇವಕಿ ನಿರಂಜನ್ ಬಳಿ ಹೇಳಿಕೊಂಡು ಕಣ್ಣೀರಾಕಿದ್ದಾರೆ. ಈ ವಿಚಾರವಾಗಿ ನಿರಂಜನ್ ಜಾನಕಿ ಬಳಿ ಕ್ಷಮೆ ಕೇಳಿದ್ದಾರೆ.

ಜಾನಕಿ ಬಳಿ ಕ್ಷಮೆ ಕೇಳಿದ ಸಂಜನಾ

ಜಾನಕಿಗೆ ಕಾಫಿ ತಂದು ಕೊಡುವ ನೆಪದಲ್ಲಿ ಜಾನಕಿ ಬಳಿ ಕ್ಷಮೆ ಕೇಳಿದ್ದಾರೆ. ಅಲ್ಲದೆ ತುಂಬ ರೇಗಿಬಿಟ್ಟೆ ಎಂದು ಜಾನಕಿ ಬಳಿ ಹೇಳಿಕೊಂಡು ನೊಂದುಕೊಳ್ಳುತ್ತಿದ್ದಾರೆ ಸಂಜನಾ. ಮನಸ್ಸಿನಲ್ಲಿ ಭಯ ಆತಂಕ ಎಲ್ಲಾ ಇದೆ ಎಂದು ಜಾನಕಿ ಬಳಿ ನೋವು ತೋಡಿಕೊಳ್ಳುತ್ತಿದ್ದಾರೆ ಸಂಜನಾ. ಸಂಜನಾ ಗಂಡನ ನಿಧನದ ಬಗ್ಗೆ ಜಾನಕಿ ವಿಚಾರಿಸುತ್ತಿದ್ದಾರೆ. ಹೇಗೆ ಸತ್ತೋದ್ರು ಎಂದು ಸಂಜನಾ ಬಳಿ ಕೇಳಿ ತಿಳಿದುಕೊಳ್ಳುತ್ತಿದ್ದಾರೆ ಜಾನಕಿ. ಹಿಮಪಾತದಿಂದ ಗಂಡ ತೀರಿಹೋದರು ಎನ್ನುವ ವಿಚಾರವನ್ನು ಜಾನಕಿ ಹೇಳಿಕೊಂಡಿದ್ದಾರೆ ಸಂಜನಾ.