'ಅಂಜನಿಪುತ್ರ' ಆಡಿಯೋ ರಿಲೀಸ್ ಇದೇ ಶನಿವಾರ ನಿಮ್ಮ ಉದಯ ಟಿವಿಯಲ್ಲಿ

ದೀಪ ಬೆಳಗಿಸಿದ ಪತ್ನಿ

ಪುನೀತ್ ರಾಜ್ ಕುಮಾರ್ ಪತ್ನಿ ಅಶ್ವಿನಿ ದೀಪ ಬೆಳಗಿಸುವ ಮೂಲಕ 'ಅಂಜನಿಪುತ್ರ' ಆಡಿಯೋ ಬಿಡುಗಡೆ ಸಮಾರಂಭಕ್ಕೆ ಚಾಲನೆ ನೀಡಿದ್ದರು.

ವಿಡಿಯೋ : ಹನುಮಂತನ ಭಕ್ತನಾದ 'ಅಂಜನೀಪುತ್ರ' ಪುನೀತ್

ಸಹೋದರ ಶಿವಣ್ಣ ಸಾಥ್

'ಅಂಜನಿಪುತ್ರ' ಆಡಿಯೋ ಲಾಂಚ್ ಗೆ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಕೂಡ ಸಾಕ್ಷಿ ಆಗಿದ್ದರು.

ದಿಗ್ಗಜರ ಸಮಾಗಮ

'ಅಂಜನಿಪುತ್ರ' ಆಡಿಯೋ ಬಿಡುಗಡೆ ಸಮಾರಂಭಕ್ಕೆ ಹಿರಿಯ ನಿರ್ದೇಶಕ ಭಗವಾನ್, ರಾಘವೇಂದ್ರ ರಾಜ್ ಕುಮಾರ್, ಸಾರಾ ಗೋವಿಂದು, ಕೆ.ಮಂಜು ಸೇರಿದಂತೆ ಚಿತ್ರರಂಗದ ಗಣ್ಯರು ಹಾಜರಿದ್ದರು.

ಅಪ್ಪು ಗಾಯನ

ಹಿರಿಯ ಸಂಗೀತ ನಿರ್ದೇಶಕ ರಾಜನ್ ನಾಗೇಂದ್ರ ಸಂಯೋಜಿಸಿದ ಡಾ.ರಾಜ್ ಕುಮಾರ್ ಅಭಿನಯದ ಸೂಪರ್ ಹಿಟ್ ಹಾಡುಗಳನ್ನು ಪುನೀತ್ ರಾಜ್ ಕುಮಾರ್ ಹಾಡಿ ಎಲ್ಲರನ್ನೂ ರಂಜಿಸಿದ್ದರು.

ಡ್ಯಾನ್ಸ್ ಪರ್ಫಾಮೆನ್ಸ್

ಸಖತ್ ಸ್ಟುಡಿಯೋ ಹಾಗೂ ಸ್ಟೆಮ್ ಡ್ಯಾನ್ಸ್ ಟ್ರೂಪ್ ಅವರಿಂದ ರಾಜ್ ಕುಮಾರ್ ರವರ ಹಿಟ್ ಹಾಡುಗಳಿಗೆ ಡ್ಯಾನ್ಸ್ ಪರ್ಫಾಮೆನ್ಸ್ ನೀಡಲಾಯ್ತು.

ದಿಗ್ಗಜರಿಗೆ ಸನ್ಮಾನ

ಇದೇ ಸಮಾರಂಭದಲ್ಲಿ ಹಿರಿಯ ನಿರ್ದೇಶಕ ಭಗವಾನ್ ಹಾಗೂ ಹಿರಿಯ ಸಂಗೀತ ನಿರ್ದೇಶಕ ನಾಗೇಂದ್ರ ಅವರನ್ನ ಸನ್ಮಾನಿಸಲಾಯ್ತು.

ಕಾರ್ಯಕ್ರಮ ಪ್ರಸಾರ ಯಾವಾಗ.?

'ಅಂಜನಿಪುತ್ರ' ಚಿತ್ರದ ಅದ್ಧೂರಿ ಆಡಿಯೋ ಬಿಡುಗಡೆ ಸಮಾರಂಭ ನಿಮ್ಮ ಉದಯ ಟಿವಿಯಲ್ಲಿ ಇದೇ ಶನಿವಾರ ಸಂಜೆ 5 ಗಂಟೆಗೆ ಪ್ರಸಾರ ಆಗಲಿದೆ.

ಅಂಜನಿಪುತ್ರ ಕುರಿತು

ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಹಾಗೂ ರಶ್ಮಿಕಾ ಮಂದಣ್ಣ ಅಭಿನಯದ ಹರ್ಷ ನಿರ್ದೇಶನದ ಸಿನಿಮಾ 'ಅಂಜನಿಪುತ್ರ'. ಇದೇ ಚಿತ್ರದ ಪ್ರಮುಖ ಹಾಡೊಂದಕ್ಕೆ ಹರಿಪ್ರಿಯಾ ಹೆಜ್ಜೆ ಹಾಕಿದ್ದಾರೆ. ರಮ್ಯಾ ಕೃಷ್ಣನ್, ರವಿಶಂಕರ್, ಚಿಕ್ಕಣ್ಣ, ಸಾಧು ಕೋಕಿಲ ಸೇರಿದಂತೆ ಹಲವರು ಚಿತ್ರದ ತಾರಾಗಣದಲ್ಲಿ ಇದ್ದಾರೆ. ಚಿತ್ರಕ್ಕೆ ಎಂ.ಎನ್.ಕುಮಾರ್ ಬಂಡವಾಳ ಹಾಕಿದ್ದಾರೆ.