ಅರ್ಧಾಂಗಿ: ದಿಗಂತ್ ವಿಚಾರದಲ್ಲಿ ಸೌಭಾಗ್ಯ ಗೇಮ್ ಆಡಿದ್ದೇಕೆ? ಮೈತ್ರಿಗಿಂತ ಲಾಭ ಜಾಸ್ತಿನಾ?

ದಿಗಂತ್ ಆಸ್ಪತ್ರೆ ಸೇರುವಂತೆ ಮಾಡಿದ ಮೈತ್ರಿ

ದಿಗಂತ್ ಒಬ್ಬ ದೊಡ್ಡ ಬಿಸಿನೆಸ್ ಮ್ಯಾನ್. ಆದರೆ ನಡೆದ ಅಪಘಾತದಿಂದ ತನ್ನೆಲ್ಲಾ ಮನಸ್ಸಿನ ತಾಳ್ಮೆ ಕಳೆದುಕೊಂಡು ಐದು ವರ್ಷದ ಮಗುವಿನಂತೆ ಆಗಿದ್ದಾರೆ. ಮಗುವನ್ನು ನೋಡಿಕೊಂಡಂತೆ ಅಧಿತಿ, ದಿಗಂತ್‌ನನ್ನು ನೋಡಿಕೊಳ್ಳುತ್ತಿದ್ದಾಳೆ. ಆದರೆ ಮೈತ್ರಿಗೆ ತಾನೇ ಎಲ್ಲಾ ಅಧಿಕಾರವನ್ನು ಅನುಭವಿಸಬೇಕು ಎಂಬ ಬಯಕೆ. ಇದರಿಂದಾಗಿನೇ ದಿಗಂತ್‌ನನ್ನು ಟಾರ್ಗೆಟ್ ಮಾಡಿ, ಆತ ಮತ್ತೆ ಮತ್ತೆ ಮನಸ್ಥೈರ್ಯ ಕಳೆದುಕೊಳ್ಳುವಂತೆ ಮಾಡುತ್ತಿದ್ದಾಳೆ. ಈಗ ಆತ ಆಸ್ಪತ್ರೆ ಸೇರುವುದಕ್ಕೂ ಆಕೆಯೇ ಕಾರಣವಾಗಿದ್ದಾಳೆ.

ವಾಕಿಂಗ್ ಮಾಡುವಾಗ ಎಡವಟ್ಟು

ತಾನು ಕೂಡ ತಮ್ಮನ ರೀತಿ ಫಿಟ್ ಆಗಬೇಕೆಂದುಕೊಂಡು ದಿಗಂತ್, ವಾಕಿಂಗ್ ಮಾಡುತ್ತಾ ಇದ್ದ. ಅಧಿತಿ ಎಷ್ಟೇ ಹೇಳಿದರು ಕೇಳದ ದಿಗಂತ್, ಏಂಜಲ್ ನನಗೆ ಸುಸ್ತಾಗುತ್ತಿದೆ. ಮೊದಲು ಜ್ಯೂಸ್ ತಗೊಂಡು ಬಾ ಅಂತ ಹೇಳಿ ಕಳುಹಿಸಿದ. ಅಲ್ಲಿಗೆ ಬಂದ ಮೈತ್ರಿಯನ್ನು ನೀನು ಬ್ಯಾಡ್ ಗರ್ಲ್ ಎಂದ. ಮಾತಾಡಿದಂತೆ ನೀನು ನಡೆದುಕೊಳ್ಳುವುದಿಲ್ಲ. ನೀನು ಇಲ್ಲಿಂದ ಹೋಗು ಎಂದಾಗ, ಮೈತ್ರಿ ವಾಕಿಂಗ್ ಮಶಿನ್ ನ ಸ್ಪೀಡ್ ಜಾಸ್ತಿ ಮಾಡಿ ಅಲ್ಲಿಂದ ಹೋಗಿದ್ದಾಳೆ. ನಡೆದು ನಡೆದು ತಲೆ ತಿರುಗಿ ದಿಗಂತ್ ನೆಲಕ್ಕೆ ಬಿದ್ದಿದ್ದಾನೆ.

ಮೈತ್ರಿ-ಸೌಭಾಗ್ಯ ಒಂದಾಗುತ್ತಾರಾ?

ದಿಗಂತ್ ಆಸ್ಪತ್ರೆಯಲ್ಲಿ ಮಲಗಿದ್ದಾನೆ. ಆಗಾಗ ಹಳೆಯ ನೆನಪುಗಳು ದಿಗಂತ್ ನನ್ನು ಕಾಡುತ್ತಿವೆ. ಇದರ ನಡುವೆ ಮನೆಯವರೆಲ್ಲಾ ಟೆನ್ಶನ್ ಆಗಿದ್ದಾರೆ. ಆದರೆ ಸೌಭಾಗ್ಯ ಸ್ವಲ್ಪ ಹೆಚ್ಚೆ ಕಾಳಜಿ ತೋರಿಸುತ್ತಿದ್ದರು. ಅಪ್ಪಾಜಿಗೆ ಏನ್ ಆಯ್ತೋ ಏನೋ ಅಂತ ಹೆಚ್ಚು ಟೆನ್ಶನ್ ಮಾಡಿಕೊಂಡವರಂತೆ ಕಂಡಿದ್ದನ್ನು ಗಮನಿಸಿರುವ ಮೈತ್ರಿ, ದಿಗಂತ್‌ನ ಅಪ್ಪ ಅಮ್ಮನೇ ಸುಮ್ಮನೆ ನಿಂತಿರುವಾಗ ಸೌಭಾಗ್ಯ ಯಾಕೆ ಈ ರೀತಿ ಆಡುತ್ತಿದ್ದಾರೆ. ದಿಗಂತ್‌ನಿಂದ ಏನಾದರೂ ಲಾಭ ಇದೆಯಾ ಅಂತ ಯೋಚಿಸುತ್ತಿದ್ದಾಳೆ.

ದಿಗಂತ್‌ಗೆ ನೆನಪು ಬಂತಾ ಏಂಜೆಲ್ ಕಥೆ

ಅದಿತಿಗೆ ದಿಗಂತ್ ಸ್ಥಿತಿ ಗೊತ್ತಿದ್ದರು ಮದುವೆಯಾಗಿದ್ದಾಳೆ. ಈಗ ಎಲ್ಲಿಯೂ ಬಿಡದಂತೆ ಸುಧಾರಿಸುತ್ತಿದ್ದಾಳೆ. ಅಷ್ಟೇ ಅಲ್ಲ ಈಗ ದಿಗಂತ್‌ಗೆ ಹಳೆಯ ನೆನಪುಗಳನ್ನು ತರಿಸುವುದಕ್ಕೂ ಪ್ರಯತ್ನ ಪಡುತ್ತಿದ್ದಾಳೆ. ಈಗ ತಾಯಿ ದೇವಸ್ಥಾನಕ್ಕೆ ಕರೆದುಕೊಂಡು ಹೋದರೆ ಎಲ್ಲಾ ರೀತಿಯ ಆರೋಗ್ಯ ಸುಧಾರಿಸುತ್ತದೆ ಎಂದು ಅರ್ಚಕರೊಬ್ಬರು ತಿಳಿಸಿದ್ದಾರೆ. ಈಗ ಅಲ್ಲಿಗೆ ಕರೆದುಕೊಂಡು ಹೋಗಲು ಮನೆಯವರನ್ನೇ ಎದುರು ಹಾಕಿಕೊಂಡಿದ್ದಾಳೆ. ಈ ಮಧ್ಯೆ ದಿಗಂತ್‌ಗೆ ಮೊದಲಿನಂತೆ ಪ್ರಜ್ಞೆ ಬಂದರೆ ಏಂಜೆಲ್ ಎನ್ನುತ್ತಿರುವ ಅದಿತಿಯ ಯಾವ ನೆನೆಪು ಉಳಿದಿರುವುದಿಲ್ಲ.