For Quick Alerts
ALLOW NOTIFICATIONS  
For Daily Alerts

ಪ್ರೇಮಲೋಕ ಶೀರ್ಷಿಕೆ ಗೀತೆಗೆ ಅರ್ಜುನ್ ಜನ್ಯ ಮ್ಯೂಸಿಕ್

|

ಅವನೊಬ್ಬ ಶ್ರೀಮಂತ ಮನೆತನದ ಗುಳಿ ಕೆನ್ನೆ ಚೆಲುವ, ಅವಳು ಮಧ್ಯಮ ವರ್ಗದ ಮುಗ್ಧ ಮನಸಿನ ಹುಡುಗಿ. ಇವರಿಬ್ಬರ ಸುತ್ತ ಇವರ ಅರಿವಿಗೆ ಬಾರದಂತಿರುವ ಒಂದು ಪ್ರೇಮವ್ಯೂಹ. ಹೌದು ಇದು ಸೂರ್ಯ ಮತ್ತು ಪ್ರೇರಣಾ ಪ್ರೇಮಕಥೆಯಾಗಿದ್ದರೂ ನಿಮ್ಮ ಬದುಕಿನ ಪ್ರತಿಬಿಂಬವೂ ಆಗಲಿದೆ. ಒಂದು ಮುದ್ದಾದ ಪ್ರೇಮಕಥೆ, ಒಂದು ದೊಡ್ಡ ತ್ಯಾಗದ ನಡುವೆ ನಡೆಯುವ ಬದುಕಿನ ಪಯಣ...ಇದಿಷ್ಟು ಸೇರಿದರೆ ಅಲ್ಲಿ ಸೃಷ್ಟಿಯಾಗಲಿದೆ ಪ್ರೇಮಲೋಕ.

ಸೂರ್ಯ ಮತ್ತು ಪ್ರೇರಣಾ ನಡುವಿನ ಪ್ರೇಮಲೋಕ ಈ ಹಿಂದೆ ಕನ್ನಡ ಕಿರುತೆರೆಯಲ್ಲಿ ಕಂಡು ಕೇಳಿರದ ಕಥೆ ಹೊಂದಿದೆ. ಸಾಮಾನ್ಯ ಪ್ರೇಮ ಕಾವ್ಯಗಳಲ್ಲಿರುವಂತೆ ಸಿಹಿ ಅಥವಾ ಕಹಿ ಅಂತ್ಯ ಕಾಣುವ ಕಥೆಯಲ್ಲ ಪ್ರೇಮಲೋಕ. ಪ್ರತಿ ಕ್ಷಣದಲ್ಲೂ, ಪ್ರತಿ ಸನ್ನಿವೇಶದಲ್ಲೂ, ಸವಾಲುಗಳ ಸರಪಳಿಯೇ ಎದುರಾದರೂ ಅದನ್ನು ಎದಿರಿಸಿ, ಪ್ರೇಮಕ್ಕೆ ಜಯ ಸಿಗುವ ವಿಭಿನ್ನ ಕಥೆ ಹೊಂದಿದೆ ಈ ಧಾರಾವಾಹಿ. ಪ್ರೇಮಲೋಕದ ಶೀರ್ಷಿಕೆ ಗೀತೆಗೆ ಅರ್ಜುನ್ ಜನ್ಯ ಸಂಗೀತ ನೀಡಿದ್ದಾರೆ ವಿಜಯ್ ಪ್ರಕಾಶ್ ಅವರು ದನಿಯಾಗಿದ್ದಾರೆ, ಕವಿರಾಜ್ ಪದ ಪೋಣಿಸಿದ್ದಾರೆ.

ವಿಜಯ್ ಸೂರ್ಯ ಪ್ರೇಮಲೋಕಕ್ಕೆ ಬಂದಳು ಜಿಂಕೆ ಕಂಗಳ ಚೆಲುವೆ

ಕಿರುತೆರೆಯ ಚಾಕ್ಲೇಟ್ ಹೀರೋ ವಿಜಯ್ ಸೂರ್ಯ ಪ್ರೇಮಲೋಕದ ಮೂಲಕ ತಮ್ಮ ಸೆಕೆಂಡ್ ಇನ್ನಿಂಗ್ಸ್ ಆರಂಭಿಸಿದ್ದಾರೆ. ಆಡಿಶನ್ ನಲ್ಲಿ ಎರಡು ಸಾವಿರಕ್ಕೂ ಹೆಚ್ಚು ಹುಡುಗಿಯರನ್ನು ಹಿಂದಿಕ್ಕಿ ವಿಜಯ್ ಸೂರ್ಯ ಜೋಡಿಯಾಗಿ ಪ್ರೇಮಲೋಕದ ಮೂಲಕ ಕಿರುತೆರೆಗೆ ಪದಾರ್ಪಣೆ ಮಾಡಿದ್ದಾರೆ ಬೆಂಗಳೂರಿನ ಅಂಕಿತಾ ನವ್ಯ ಗೌಡ.

'ಪ್ರೇಮಲೋಕ'ದಲ್ಲಿ ವಿಜಯ್ ಸೂರ್ಯಗೆ ನಾಯಕಿ ಯಾರು?

ಉಳಿದಂತೆ ಹಿರಿಯ ನಟ ಬಾಲ್ ರಾಜ್, ವಾಣಿಶ್ರೀ, ನೇತ್ರಾ ಸಿಂಧ್ಯಾ, ಅಶೋಕ್ ಹೆಗೆಡೆ, ಸಿದ್ದು, ಶಾಲಿನಿ, ರವಿ ಭಟ್, ಮಾಲತಿ ಸರದೇಶಪಾಂಡೆ , ಮಾಸ್ಟರ್ ರಾಮಪ್ರಸಾದ್ , ಶಶಿರಾಜ್ , ಶೀಲಾ ಮತ್ತು ಪ್ರಜ್ಞಾ ಭಟ್ ಮುಖ್ಯಭೂಮಿಕೆಯಲ್ಲಿದ್ದಾರೆ. ಪರಿಣಿತ ನಿರ್ಮಾಣ ಸಂಸ್ಥೆ ಮೂಲಕ ನಿರ್ಮಿಸಲಾಗಿರುವ 'ಪ್ರೇಮಲೋಕ'ಕ್ಕೆ, ಮೈಸೂರ್ ಮಂಜು ಮತ್ತು ಸಂಜೀವ್ ತಗಡೂರು ಅವರ ನಿರ್ದೇಶನವಿದೆ.

ಸ್ಟಾಚ್ಯೂ ಆಫ್ ಲವ್: ಕಿರುತೆರೆ ಇತಿಹಾಸದಲ್ಲೇ ಧಾರಾವಾಹಿಯ ಕಟೌಟ್!

ಕನ್ನಡ ಕಿರುತೆರೆ ಇತಿಹಾಸದಲ್ಲೇ ಹಿಂದೆಂದೂ ಮಾಡದಂತ ವಿಭಿನ್ನ ಪ್ರಚಾರವೈಖರಿಯನ್ನು ಸ್ಟಾರ್ ಸುವರ್ಣ ವಾಹಿನಿ 'ಪ್ರೇಮಲೋಕ' ಧಾರಾವಾಹಿಯ ಪ್ರಚಾರಕ್ಕೆ ಬಳಸಿದೆ. ರಾಜ್ಯದ ಮೂರು ಜಿಲ್ಲೆಗಳಲ್ಲಿ ಸ್ಟಾಚ್ಯೂ ಆಫ್ ಲವ್ ಅನಾವರಣಗೊಳಿಸಿದೆ. ದಾವಣಗೆರೆ, ಹುಬ್ಬಳ್ಳಿ ಮತ್ತು ಹಾಸನ ಜಿಲ್ಲೆಗಳಲ್ಲಿ ನಾಯಕ ಮತ್ತು ನಾಯಕಿಯ 35 ಅಡಿ ಎತ್ತರದ ಕಟೌಟ್ ಹಾಕಲಾಗಿದೆ. ಮಹಿಳೆಯರ ಜೊತೆಗೆ ಇಂದಿನ ಯುವ ಪೀಳಿಗೆಯನ್ನೂ ಆಕರ್ಷಿಸುತ್ತಿದೆ ಪ್ರೇಮಲೋಕ.

ಇದಕ್ಕೆ ಸಾಕ್ಷಿಯಾಗಿದೆ ಸಾಮಾಜಿಕ ಜಾಲತಾಣಗಳಲ್ಲಿ ದಾಖಲಾಗುತ್ತಿರುವ ಸವಿರಾರು ಲೈಕ್, ಕಾಮೆಂಟ್ಸ್ ಮತ್ತು ಶೇರ್ ಗಳು. ಪ್ರೀತಿಯ ಪಯಣಕ್ಕೆ ಸಜ್ಜಾಗಿರುವ ಕಿರುತೆರೆ ವೀಕ್ಷಕರನ್ನು ಜುಲೈ 22 ರಿಂದ ಸೋಮವಾರದಿಂದ ಶನಿವಾರದವರೆಗೆ ರಾತ್ರಿ 8ಗಂಟೆಗೆ 'ಪ್ರೇಮಲೋಕ'ಕ್ಕೆ ಸ್ವಾಗತಿಸುತ್ತಿದೆ ಸ್ಟಾರ್ ಸುವರ್ಣ ವಾಹಿನಿ.

English summary
Agnisakshi fame actor Vijay surya's new serial 'Premaloka' telecasting in star suvarna. Arjun janya composed Premaloka title song.

Kannada Photos

Go to : More Photos
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more