'ಬಿಗ್ ಬಾಸ್' ಮುಂದೆ ಭಿನ್ನ ವಿಭಿನ್ನ ಬೇಡಿಕೆಯಿಟ್ಟ ಪ್ರೇಕ್ಷಕರು.!

ಐಟಿ ಉದ್ಯೋಗಿಗಳಿಗೆ ಅವಕಾಶ

ಬಿಗ್ ಬಾಸ್ ಮೊದಲಿನಿಂದಲೂ ಗಮನಿಸದಾಗೆ ಐಟಿ ಉದ್ಯೋಗಿಗಳು ಈ ಕಾರ್ಯಕ್ರಮದಲ್ಲಿ ಸ್ಪರ್ಧಿಗಳಾಗಿ ಕಾಣಿಸಿಕೊಂಡಿಲ್ಲ. ಆ ವೃತ್ತಿಯಲ್ಲಾದರೂ ಯಾರಾದಾರೂ ಐಟಿ ಉದ್ಯೋಗಿಗೆ ಅವಕಾಶ ಕೊಡಿ ಎಂದು ಬಿಗ್ ಬಾಸ್ ಬಳಿ ಐಟಿ ಕಾರ್ಮಿಕರು ಮನವಿ ಮಾಡಿಕೊಂಡಿದ್ದಾರೆ. ಅದ್ರಲ್ಲೂ ಕನ್ನಡಿಗರಿಗೆ ಅವಕಾಶ ಕೊಡಿ ಎನ್ನುತ್ತಿದ್ದಾರೆ. ಬಹುಶಃ ಈ ಬಾರಿ ಇದ್ದರೂ ಇರಬಹುದು.

ಈ ಸಲ ಫ್ಯಾಮಿಲಿ ಶೋ ಆಗಿರಲಿ

ಕಳೆದ ಬಾರಿ ಬಿಗ್ ಬಾಸ್ ಒಂದು ರೀತಿ ವಯಸ್ಕರು ಮಾತ್ರ ನೋಡುವಂತಿತ್ತು. ಈ ಸಲನಾದರೂ ಫ್ಯಾಮಿಲಿ ಎಲ್ಲರೂ ಕೂತು ನೋಡಬಹುದಾ ಎಂದು ಕೆಲ ಪ್ರೇಕ್ಷಕರು ಕೇಳುತ್ತಿದ್ದಾರೆ. ಬಿಗ್ ಬಾಸ್ ಶೋ ಮೇಲೆ ಈ ಆರೋಪ ಮೊದಲನೇ ಆವೃತ್ತಿಯಿಂದಲೂ ಕೇಳಿ ಬರತ್ತಿದೆ.

ತುಳಸಿ ಪ್ರಸಾದ್ ಬೇಡವೇ ಬೇಡ

ಇನ್ನು ಸೋಶಿಯಿಲ್ ಮೀಡಿಯಾದಲ್ಲಿ ಕರ್ಕಶ ಧ್ವನಿಯಿಂದಲೇ ಗುರುತಿಸಿಕೊಂಡಿರುವ ತುಳಸಿ ಪ್ರಸಾದ್ ಎಂಬ ವ್ಯಕ್ತಿ, ಈ ಸಲ ಬಿಗ್ ಮನೆಗೆ ಹೋಗ್ತಾನೆ ಎಂದು ಹೇಳಲಾಗ್ತಿದೆ. ಆದ್ರೆ, ಯಾವುದೇ ಕಾರಣಕ್ಕೂ ಈ ವ್ಯಕ್ತಿಯನ್ನ ಬಿಗ್ ಬಾಸ್ ಮನೆಗೆ ಕಳುಹಿಸಬಾರದು ಎಂದು ಬೇಡಿಕೆ ಇಟ್ಟಿದ್ದಾರೆ.

ನಕಲಿ ಲವ್ ಸ್ಟೋರಿ ಬೇಡ

ಪ್ರತಿಬಾರಿಯೂ ಬಿಗ್ ಬಾಸ್ ಮನೆಯಲ್ಲಿ ಒಂದಲ್ಲ ಒಂದು ಲವ್ ಸ್ಟೋರಿ ಹುಟ್ಟಿಕೊಳ್ಳುತ್ತೆ. ಈ ಬಾರಿ ನಮಗೆ ಫೇಕ್ ಲವ್ ಸ್ಟೋರಿ ಬೇಡ. ನಮಗೆ ಅದು ನೋಡೋಕೆ ಇಷ್ಟ ಪಡಲ್ಲ ಎಂದು ಕೆಲವರು ಅಭಿಪ್ರಾಯ ವ್ಯಕ್ತಪಡಿಸುತ್ತಿದ್ದಾರೆ.

ಯಾಕೆ ನಮ್ಮನ್ನ ಆಯ್ಕೆ ಮಾಡುತ್ತಿಲ್ಲ

ಇನ್ನು ಬಿಗ್ ಬಾಸ್ ಕಾರ್ಯಕ್ರಮಕ್ಕೆ ಹೋಗಲು ಅನೇಕ ಜನರು ಇಷ್ಟಪಡುತ್ತಿದ್ದಾರೆ. ಆದ್ರೆ, ಆಯ್ಕೆಯಾಗಿಲ್ಲ ಎಂಬ ಬೇಸರ ಅವರನ್ನ ಕಾಡುತ್ತಿದೆ. ಕಾಮೆಂಟ್ ಗಳಲ್ಲಿ ಹೆಚ್ಚು ಜನರು ನಮ್ಮನ್ನ ಆಯ್ಕೆ ಮಾಡಿ ಎಂದೇ ಕೇಳಿಕೊಳ್ಳುತ್ತಿದ್ದಾರೆ. ನಿಮಗೆ ಬೇಕಾದವರನ್ನ ಮಾತ್ರ ಸೆಲೆಕ್ಟ್ ಮಾಡ್ತೀರಾ, ನಮ್ಮಂಥವ್ರನ್ನಾ ಯಾಕೆ ನಿರಾಕರಿಸ್ತೀರಾ ಎಂದು ಕಿಡಿ ಕಾಡುತ್ತಿದ್ದಾರೆ.

ಬಿಗ್ ಬಾಸ್ ಗೆ ಧನ್ಯವಾದಗಳು

ಬಿಗ್ ಬಾಸ್ ಎಂಬ ಶೀರ್ಷಿಕೆಯನ್ನ ಕನ್ನಡದಲ್ಲಿ ಬಳಸಿದ್ದಕ್ಕೆ ಕಲರ್ಸ್ ಕನ್ನಡ ವಾಹಿನಿಗೆ ಧನ್ಯವಾದಗಳನ್ನ ತಿಳಿಸುತ್ತಿದ್ದಾರೆ. ಅದೇ ಸಮಯದಲ್ಲಿ ಕಲರ್ಸ್ ಕನ್ನಡ ಎಂಬ ಶೀರ್ಷಿಕೆಯನ್ನ ಕೂಡ ಕನ್ನಡದಲ್ಲೇ ಬಳಸಿ ಎಂದು ಮನವಿ ಮಾಡುತ್ತಿದ್ದಾರೆ.

ಅಕ್ಟೋಬರ್ 21 ಕ್ಕೆ ಬಿಗ್ ಬಾಸ್

ಅಕ್ಟೋಬರ್ 21 ರಂದು ಬಿಗ್ ಬಾಸ್ ಕನ್ನಡ ಆರನೇ ಆವೃತ್ತಿ ಆರಂಭವಾಗುತ್ತಿದೆ. ಬಿಗ್ ಮನೆಗೆ ಯಾರೆಲ್ಲಾ ಹೋಗ್ತಿದ್ದಾರೆ ಎಂದು ಕುತೂಹಲ ಹೆಚ್ಚಾಗಿದ್ದರೂ, ಆ ವ್ಯಕ್ತಿಗಳು ಯಾರೂ ಎಂಬುದು ಸದ್ಯಕ್ಕೆ ಬಹಿರಂಗವಾಗಿಲ್ಲ. ಕಿಚ್ಚ ಸುದೀಪ್ ಈ ಶೋವನ್ನ ನಿರೂಪಣೆ ಮಾಡಲಿದ್ದಾರೆ.