65'ರ ಹಿರಿ ಜೀವಕ್ಕೆ 28 ವರ್ಷದ ಪ್ರೇಯಸಿ, 'ವಿಚಿತ್ರ ಜೋಡಿ' ಕಂಡು ವೀಕ್ಷಕರು ಕಕ್ಕಾಬಿಕ್ಕಿ.!

Published: Monday, September 17, 2018, 14:02 [IST]

ಭಾರತದ ಅತ್ಯಂತ ಜನಪ್ರಿಯ ಹಾಗೂ ವಿವಾದಾತ್ಮಕ ರಿಯಾಲಿಟಿ ಶೋ 'ಬಿಗ್ ಬಾಸ್' ಹೊಸ ಆವೃತ್ತಿ ಆರಂಭ ಆಗಿ ಇನ್ನೂ ಸರಿಯಾಗಿ 24 ಗಂಟೆಗಳು ಕಳೆದಿಲ್ಲ. 'ಬಿಗ್ ಬಾಸ್' ಮನೆಯೊಳಗೆ ಸ್ಪರ್ಧಿಗಳು ಕಾಲಿಟ್ಟು ಇನ್ನೂ ಒಂದು ದಿನ ಕೂಡ ಆಗಿಲ್ಲ. ಅಷ್ಟು ಬೇಗ ಕೆಲ ಸ್ಪರ್ಧಿಗಳು ಸೋಷಿಯಲ್ ಮೀಡಿಯಾದಲ್ಲಿ ಟ್ರೋಲ್ ಆಗಿದ್ದಾರೆ.

'ಬಿಗ್ ಬಾಸ್' ಮನೆಯೊಳಗೆ ಎಂಟ್ರಿಕೊಟ್ಟ ವಿಚಿತ್ರ ಜೋಡಿ ಅನೂಪ್ ಜಲೋಟ ಹಾಗೂ ಜಸ್ಲೀನ್ ಮಥಾರು ಪ್ರೇಮ ಕಥೆಯನ್ನ ಕೇಳಿ ವೀಕ್ಷಕರು ಕಕ್ಕಾಬಿಕ್ಕಿಯಾಗಿದ್ದಾರೆ.

'ಭಜನೆಗಳ ಸಾಮ್ರಾಟ' ಎಂದೇ ಕರೆಯಿಸಿಕೊಳ್ಳುವ ಅನೂಪ್ ಜಲೋಟ ಅವರಿಗೆ ಸದ್ಯ 65 ವರ್ಷ ವಯಸ್ಸು. ಇವರು 'ಬಿಗ್ ಬಾಸ್' ಮನೆಯೊಳಗೆ ತಮ್ಮ ಶಿಷ್ಯೆ ಜಸ್ಲೀನ್ ಮಥಾರು ಜೊತೆಗೆ ಕಾಲಿಟ್ಟಿದ್ದಾರೆ. ಇಬ್ಬರ ನಡುವೆ ಕೇವಲ ಗುರು-ಶಿಷ್ಯೆ ಸಂಬಂಧ ಇದ್ದಿದ್ದರೆ, ಈ ಜೋಡಿಯನ್ನ ಕಂಡು ವೀಕ್ಷಕರು ಆಡಿಕೊಂಡು ನಗುತ್ತಿರಲಿಲ್ಲ.

ನಿಜ ಹೇಳ್ಬೇಕಂದ್ರೆ, ಇವರಿಬ್ಬರ ನಡುವೆ ಮೂರು ವರ್ಷಗಳಿಂದ ಪ್ರೀತಿ-ಪ್ರೇಮ ಇದೆ. ಜಸ್ಲೀನ್ ಪ್ರೇಮ ಪಾಶದಲ್ಲಿ ಅನೂಪ್ ಸಿಲುಕಿದ್ದಾರೆ. ಇಬ್ಬರ ನಡುವೆ 37 ವರ್ಷಗಳ ಅಂತರ ಇರುವ ಕಾರಣ ಈ ವಿಚಿತ್ರ ಜೋಡಿಯನ್ನ ಕಂಡು ವೀಕ್ಷಕರು ಅಕ್ಷರಶಃ ಶಾಕ್ ಆಗಿದ್ದಾರೆ. ಬೇಕಾದ್ರೆ, ಕೆಲ ಟ್ವೀಟ್ ಗಳನ್ನ ನೀವೇ ನೋಡಿರಿ...