ಸುಳ್ಳು ಹೇಳಿ 'ಬಿಗ್ ಬಾಸ್' ಮನೆಗೆ ಬಂದಿದ್ದಾರಾ ಈ ಸ್ಪರ್ಧಿ.?

ಸೌರಭ್ ಪಟೇಲ್ ರೈತ ಅಲ್ಲ.!

ತಾವು ರೈತ ಅಂತ ಹೇಳಿಕೊಂಡು ಸೌರಭ್ ಪಟೇಲ್ 'ಬಿಗ್ ಬಾಸ್'ಗೆ ಬಂದರು. ಆದ್ರೀಗ, ಸೌರಭ್ ಪಟೇಲ್ ರೈತ ಅಲ್ಲ. ರಶ್ಮಿ ಶರ್ಮಾ ಹಾಗೂ BAG ಫಿಲ್ಮ್ಸ್ ಎಂಬ ಪ್ರೊಡಕ್ಷನ್ ಹೌಸ್ ನಲ್ಲಿ ಸೌರಭ್ ಅಸಿಸ್ಟೆಂಟ್ ಕಾಸ್ಟಿಂಗ್ ಡೈರೆಕ್ಟರ್ ಆಗಿದ್ದರು ಎಂದು ಬಾಲಿವುಡ್ ಲೈಫ್ ವರದಿ ಮಾಡಿದೆ.

ನಿಜ ನಾಮ ಬೇರೆ ಇದೆ.!

ಈತನ ನಿಜ ನಾಮ ಸಾಹಿಲ್ ರಾಮೇಶ್ವರ್ ಪಟೇಲ್ ಎಂದೂ ವರದಿಯಾಗಿದೆ. ತಮ್ಮ ನಿಜ ನಾಮವನ್ನ ಮುಚ್ಚಿಟ್ಟು, ವೃತ್ತಿಯ ಬಗ್ಗೆ ಸುಳ್ಳು ಹೇಳಿ ಸೌರಭ್ ಪಟೇಲ್ 'ಬಿಗ್ ಬಾಸ್' ಗೃಹಪ್ರವೇಶ ಮಾಡಿದ್ದಾರೆ ಎನ್ನಲಾಗಿದೆ.

ಹಳೇ ಫೋಟೋಗಳು ಲೀಕ್

ಸೌರಭ್ ಪಟೇಲ್ ನಿಜನಾಮ ಹಾಗೂ ವೃತ್ತಿ ಬಗ್ಗೆ ವರದಿ ಆಗುತ್ತಿದ್ದಂತೆಯೇ, ಆತನ ಹಳೇ ಚಿತ್ರಗಳು ಸೋಷಿಯಲ್ ಮೀಡಿಯಾದಲ್ಲಿ ಗಿರಕಿ ಹೊಡೆಯುತ್ತಿವೆ. ಸೌರಭ್ ಹಳೇ ಚಿತ್ರಗಳನ್ನು ನೋಡಿದ್ರೆ, ಯಾರೇ ಆಗಲಿ ಒಂದು ಕ್ಷಣ ಕಕ್ಕಾಬಿಕ್ಕಿ ಆಗುವುದು ಗ್ಯಾರೆಂಟಿ. ಯಾಕಂದ್ರೆ, ಅಷ್ಟೊಂದು ವಿಭಿನ್ನವಾಗಿ ಸೌರಭ್ ಈಗ ಕಾಣ್ತಿದ್ದಾರೆ.

ಹೆಚ್ಚು ಕಾಮೆಂಟ್ ಮಾಡಲ್ಲ

''ನಿಜವಾಗಲೂ, ನನಗೆ ಇದರ ಬಗ್ಗೆ ಕಾಮೆಂಟ್ ಮಾಡಲು ಇಷ್ಟ ಇಲ್ಲ. ಆತ ನನ್ನ ಜೊತೆಗೆ ಅಸಿಸ್ಟೆಂಟ್ ಆಗಿ ಕೆಲಸ ಮಾಡಿದ್ದು ನಿಜ. ಆತನ ಹೆಸರು ಆಗ ಸೌರಭ್ ಆಗಿರಲಿಲ್ಲ. ಶೋನಲ್ಲಿ ಆತನಿಗೆ ಒಳ್ಳೆಯದು ಆಗಲಿ'' ಎಂದು ಪ್ರೊಡಕ್ಷನ್ ಹೌಸ್ ವೊಂದರ ಕಾಸ್ಟಿಂಗ್ ಡೈರೆಕ್ಟರ್ ಹೇಳಿಕೆ ನೀಡಿದ್ದಾರೆ.

ಎಷ್ಟು ದಿನ ಮುಚ್ಚಿಡಲು ಸಾಧ್ಯ.?

ಸೌರಭ್ ಪಟೇಲ್ ಸುಳ್ಳು ಹೇಳಿ 'ಬಿಗ್ ಬಾಸ್' ಮನೆಗೆ ಬಂದಿದ್ದಾರಾ.? ಒಂದು ವೇಳೆ ಸುಳ್ಳು ಹೇಳಿದ್ದರೆ, ಎಷ್ಟು ದಿನ ಆ ಸುಳ್ಳನ್ನು ಬಚ್ಚಿಡಲು ಸಾಧ್ಯ.? ಶಿವಾಶೀಶ್ ಹಾಗೂ ಸೌರಭ್ ಈ ವಾರ ಎಲಿಮಿನೇಷನ್ ಗೆ ನಾಮಿನೇಟ್ ಆಗಿದ್ದಾರೆ. ಈ ವಾರ ಈ ಜೋಡಿ ಬಚಾವ್ ಆಗುತ್ತಾ, ನೋಡಬೇಕು.