'ಬಿಗ್ ಬಾಸ್' ಮನೆಯಿಂದ ಔಟ್ ಆದ ನಟ ಮಿತ್ರ

'ಬಿಗ್ ಬಾಸ್' ಮನೆಗೆ 'ಅತಿಥಿ'ಯಾಗಿ ಎಂಟ್ರಿಕೊಟ್ಟ ಕಾಮಿಡಿ ನಟ ಮಿತ್ರ ಈ ವಾರ ಎಲಿಮಿನೇಟ್ ಆಗಿದ್ದಾರೆ.

ಎರಡು ವಾರಗಳ ಹಿಂದೆಯಷ್ಟೆ ನಟ ಮಿತ್ರ 'ಬಿಗ್ ಬಾಸ್' ಮನೆಗೆ ಎಂಟ್ರಿಕೊಟ್ಟಿದ್ದರು. 'ಅತಿಥಿ ದೇವೋ ಭವ' ಟಾಸ್ಕ್ ನಲ್ಲಿ ಎಲ್ಲಾ ಸದಸ್ಯರಿಗೆ ಬಿಸಿ ಮುಟ್ಟಿಸಿದ್ದರು.

'ಬಿಗ್ ಬಾಸ್' ನೀಡಿದ್ದ 'ತರ್ಲೆ ಟಾಕೀಸ್' ಟಾಸ್ಕ್ ನಲ್ಲಿ 'ಭೋಗಯ್ಯ' ಚಿತ್ರ ನಿರ್ದೇಶನ ಮಾಡಿ 'ಕಿಲ್ಲರ್ ಸೀರಿಯಲ್' ನಲ್ಲಿ ಉತ್ತಮ ಪ್ರದರ್ಶನ ನೀಡಿದ್ದರು. ಮನೆಯಲ್ಲಿ ಸಣ್ಣ ಪುಟ್ಟ ಕಿರಿಕ್ ಬಿಟ್ಟರೆ, ಮಿತ್ರ ಎಲ್ಲರ ಅಚ್ಚುಮೆಚ್ಚಿನ ಸ್ಪರ್ಧಿಯಾಗಿದ್ದರು. [ಒಂದೇ ಒಂದು ವೋಟ್ ನಿಂದ ಬಚಾವ್ ಆದ ನಟಿ ಶ್ರುತಿ!]

ಹೀಗಿದ್ದರೂ, ಮನೆಯ ಕ್ಯಾಪ್ಟನ್ ಭಾವನಾ ಬೆಳಗೆರೆ ಮಿತ್ರರವರನ್ನ ನೇರವಾಗಿ ನಾಮಿನೇಟ್ ಮಾಡಿದರು. ನಟಿ ಕೃತಿಕಾ, ಚಂದನ್, ರೆಹಮಾನ್, ಅಯ್ಯಪ್ಪ ಗಿಂತ ಕಡಿಮೆ ಎಸ್.ಎಂ.ಎಸ್ ಗಳು ಪಡೆದ ಕಾರಣ ಮಿತ್ರ ಈ ವಾರ 'ಬಿಗ್ ಬಾಸ್-3' ಕಾರ್ಯಕ್ರಮದಿಂದ ಔಟ್ ಆಗಿದ್ದಾರೆ.