ಅಂತೂ ಇಂತೂ ಸುನಾಮಿ ಕಿಟ್ಟಿ ಸೇಫ್ ಆದರು!

ಅಂತೂ ಇಂತೂ ಸುನಾಮಿ ಕಿಟ್ಟಿ ಈ ವಾರ ನೆಮ್ಮದಿಯಿಂದ ನಿದ್ದೆ ಮಾಡಬಹುದು. ಯಾಕಂದ್ರೆ, ಕಳೆದ ಆರು ವಾರಗಳಿಂದ ಸತತವಾಗಿ ನಾಮಿನೇಟ್ ಆಗುತ್ತಿದ್ದ ಸುನಾಮಿ ಕಿಟ್ಟಿಗೆ ಈ ವಾರ 'ಬಿಗ್' ರಿಲೀಫ್ ಸಿಕ್ಕಿದೆ.

ಎಲಿಮಿನೇಷನ್ ಗೆ ಯಾರೂ ಕೂಡ ಕಿಟ್ಟಿಯನ್ನ ನಾಮಿನೇಟ್ ಮಾಡದ ಕಾರಣ ಸುನಾಮಿ ಕಿಟ್ಟಿ ಈ ವಾರ 'ಬಿಗ್ ಬಾಸ್' ಮನೆಯಲ್ಲಿ ಸೇಫ್ ಆಗಿದ್ದಾರೆ.

ಹಾಗ್ನೋಡಿದ್ರೆ, 'ಬಿಗ್ ಬಾಸ್-3' ಕಾರ್ಯಕ್ರಮದಲ್ಲಿ ಅತಿ ಹೆಚ್ಚು ಬಾರಿ ನಾಮಿನೇಟ್ ಆದವರು ಸುನಾಮಿ ಕಿಟ್ಟಿ. ಪ್ರತಿ ಬಾರಿ ವೀಕ್ಷಕರ ಎಸ್.ಎಂ.ಎಸ್ ಕೃಪಾ ಕಟಾಕ್ಷದಿಂದ ಸುನಾಮಿ ಕಿಟ್ಟಿ ಬಚಾವ್ ಆಗುತ್ತಿದ್ದರು. ['ಬಿಗ್ ಬಾಸ್' ಮನೆಯಲ್ಲಿ ಸುನಾಮಿ ಕಿಟ್ಟಿ ಹೊಸ ರೆಕಾರ್ಡ್!]

ಈ ವಾರ ಅಯ್ಯಪ್ಪ, ರೆಹಮಾನ್, ಕೃತಿಕಾ, ಚಂದನ್ ಮತ್ತು ಮಿತ್ರ ನಾಮಿನೇಟ್ ಆಗಿದ್ದಾರೆ. ಹೀಗಾಗಿ, ಯಾವುದೇ ಟೆನ್ಷನ್ ಕಿರಿಕಿರಿ ಇಲ್ಲದೆ ಸುನಾಮಿ ಕಿಟ್ಟಿ ನಿಟ್ಟುಸಿರು ಬಿಟ್ಟಿದ್ದಾರೆ.