ಕೋಮಲ್ ಗೆ ಸಿಕ್ಕಾಪಟ್ಟೆ ಬೇಜಾರ್ ಆಗ್ಬಿಟಿದ್ಯಂತೆ.! ಯಾಕ್ ಗೊತ್ತಾ?

ಕೋಮಲ್ ಅಪ್ ಸೆಟ್ ಆಗಿದ್ದಾರೆ

ತೆರೆಮೇಲೆ ಸದಾ ನಗುನಗುತ್ತಾ ಇರುವ ಕೋಮಲ್ ಈಗ ಅಪ್ ಸೆಟ್ ಆಗಿದ್ದಾರಂತೆ. ಅದಕ್ಕೆ ಕಾರಣ 'ಬಿಗ್ ಬಾಸ್' ಅಂದ್ರೆ ನೀವು ನಂಬಲೇಬೇಕು. [ಓಹೋ....'ಬಿಗ್ ಬಾಸ್ ಕನ್ನಡ-4' ನಲ್ಲಿ 'ಇವರೆಲ್ಲಾ' ಇರ್ತಾರಂತೆ ಸ್ವಾಮಿ.!]

ಬೇಜಾರು ಮಾಡಿಕೊಂಡಿದ್ದಾರೆ ಕೋಮಲ್

'ಬಿಗ್ ಬಾಸ್ ಕನ್ನಡ-4' ಕಾರ್ಯಕ್ರಮದಲ್ಲಿ ನಟ ಕೋಮಲ್ ಭಾಗವಹಿಸುವ ಸಾಧ್ಯತೆ ಇದೆ ಎಂಬ ಸುದ್ದಿ ಗಾಂಧಿನಗರದಲ್ಲಿ ಹರಿದಾಡಿತ್ತು. ಇದರಿಂದ ಕೋಮಲ್ ತುಂಬಾ ಬೇಜಾರು ಮಾಡಿಕೊಂಡಿದ್ದಾರೆ.

ಬೇಜಾರು ಮಾಡಿಕೊಳ್ಳುವಂಥದ್ದು ಏನಿದೆ?

ಕಳೆದ ಬಾರಿ ಆಗಲಿ, ಈ ಬಾರಿ ಆಗಲಿ....'ಬಿಗ್ ಬಾಸ್' ರಿಯಾಲಿಟಿ ಶೋಗಾಗಿ ಕಲರ್ಸ್ ವಾಹಿನಿಯವರು ಕೋಮಲ್ ಜೊತೆ ಮಾತುಕತೆ ಮಾಡಿಲ್ಲ. ಹೀಗಿದ್ದರೂ, ಪದೇ ಪದೇ ಅವರ ಹೆಸರು ಕೇಳಿಬರುತ್ತಿರುವುದರಿಂದ ಕೋಮಲ್ ಬೇಸರ ಮಾಡಿಕೊಂಡಿದ್ದಾರೆ.

ಎಷ್ಟೇ ದುಡ್ಡು ಕೊಟ್ಟರೂ ಬರಲ್ಲ!

ಒಂದ್ವೇಳೆ ಕಲರ್ಸ್ ವಾಹಿನಿಯವರು ಮಾತುಕತೆ ನಡೆಸಿದರೂ, 'ದೊಡ್ಡ ಮೊತ್ತ' ಕೊಡುವುದಾಗಿ ಹೇಳಿದರೂ 'ಬಿಗ್ ಬಾಸ್' ಮನೆಯೊಳಗೆ ಬರಲು ಕೋಮಲ್ ಒಪ್ಪಿಕೊಳ್ಳುವುದಿಲ್ಲವಂತೆ.

ಕಾರಣ ಏನು?

ನಟ ಕೋಮಲ್ ತುಂಬಾ ಅಂತರ್ಮುಖಿ. ಹೀಗಾಗಿ, 'ಬಿಗ್ ಬಾಸ್' ಮಾತ್ರ ಅಲ್ಲ, ಯಾವುದೇ ಗೇಮ್ ಶೋ ಆಗಲಿ ಅಥವಾ ಸ್ಟೇಜ್ ಶೋ ಆಗಲಿ, ಅದರಲ್ಲಿ ಭಾಗವಹಿಸಲು ಅವರು ಹಿಂಜರಿಯುತ್ತಾರೆ.

ಕೋಮಲ್ ಮುಂದಿನ ಸಿನಿಮಾ ಯಾವುದು?

'ಕತೆ-ಚಿತ್ರಕತೆ-ನಿರ್ದೇಶನ ಪುಟ್ಟಣ್ಣ' ಮತ್ತು 'ಡೀಲ್ ರಾಜಾ' ಚಿತ್ರಗಳ ಬಳಿಕ ಕೋಮಲ್ ಯಾವ ಸಿನಿಮಾ ಮಾಡ್ತಿದ್ದಾರೆ ಎಂಬ ಪ್ರಶ್ನೆಗೆ ಉತ್ತರ ಇನ್ನೂ ಸಿಕ್ಕಿಲ್ಲ.