ಆತ್ಮಹತ್ಯೆಗೆ ಯತ್ನಿಸಿದ್ದ ಅನುಪಮಾ: ದೊಡ್ಡ ರಹಸ್ಯ ಬಯಲು ಮಾಡಿದ 'ಅಕ್ಕ'.!

ಆತ್ಮಹತ್ಯೆ ಘಟನೆಯನ್ನ ಅನುಪಮಾ ಬಾಯ್ಬಿಟ್ಟಿದ್ದು ಯಾಕೆ.?

ಒಂದುವರೆ ವರ್ಷದ ಹಿಂದೆ ಆತ್ಮಹತ್ಯೆಗೆ ಯತ್ನಿಸಿದ್ದ ಕಹಿ ಘಟನೆಯನ್ನ ಅನುಪಮಾ ಹೇಳಿಕೊಳ್ಳುವುದಕ್ಕೆ ಕಾರಣ 'ಬಿಗ್ ಬಾಸ್'. ಹೊಸ ವರ್ಷದ ಹೊಸ್ತಿಲಲ್ಲಿ ಇದ್ದ ಸ್ಪರ್ಧಿಗಳಿಗೆ 'ಬಿಗ್ ಬಾಸ್' ಒಂದು ವಿಶೇಷ ಚಟುವಟಿಕೆ ನೀಡಿದರು. ಆಗ 'ದೊಡ್ಡ ರಹಸ್ಯ'ವನ್ನ ಅನುಪಮಾ ಬಿಚ್ಚಿಡಲೇಬೇಕಾಯಿತು.

ಜಗನ್ ಜೊತೆ ಪ್ರೀತಿ ಮುರಿದು ಬಿದ್ದಿದ್ದೇಕೆ.? ಅನುಪಮಾ ಗೌಡ ಕಣ್ಣೀರಧಾರೆ.!

'ಬಿಗ್ ಬಾಸ್' ನೀಡಿದ್ದ ಚಟುವಟಿಕೆ ಏನು.?

ಹೊಸ ವರ್ಷಕ್ಕೆ ಕಾಲಿರಿಸುವ ಶುಭ ಸಂದರ್ಭದಲ್ಲಿ ಸ್ಪರ್ಧಿಗಳು ತಮ್ಮ ಮನಸ್ಸಿನಲ್ಲಿ ಇರುವ ಯಾವುದಾದರೂ ಒಂದು ಗುಟ್ಟು, ಯಾರೊಂದಿಗೂ ಇಲ್ಲಿಯವರೆಗೂ ಹಂಚಿಕೊಂಡಿರದ ರಹಸ್ಯವೊಂದನ್ನು ಹಂಚಿಕೊಳ್ಳಲು 'ಬಿಗ್ ಬಾಸ್' ಅವಕಾಶ ಕಲ್ಪಿಸಿದರು.

ಅನುಪಮಾ ಏನೇನ್ ಹೇಳಿದ್ರೋ, ಎಲ್ಲವೂ ಜಗನ್ ಮುಂದೆ ಜಗಜ್ಜಾಹೀರಾಯ್ತು.!

ಕ್ಯಾಮರಾ ಮುಂದೆ ಅನುಪಮಾ ಗೌಡ ಹೇಳಿದ್ದೇನು.?

''ಒಂದುವರೆ ವರ್ಷದ ಹಿಂದೆ ಕೆಲವು ಕಾರಣಗಳಿಂದಾಗಿ ತುಂಬಾ ಬೇಸರ ಆಗಿ ಬದುಕಿರಬಾರದು ಅಂತ ನಿರ್ಧಾರ ಮಾಡಿ ಟ್ಯಾಬ್ಲೆಟ್ಸ್ ತೆಗೆದುಕೊಂಡಿದ್ದೆ. ತುಂಬಾ ಹತಾಶೆಗೊಂಡಿದ್ದೆ'' ಎಂದು ತಮ್ಮ ಜೀವನದ ಕಹಿ ಘಟನೆಯನ್ನ ಅನುಪಮಾ ಬಹಿರಂಗ ಪಡಿಸಿದರು.

ಬ್ರೇಕಪ್ ವಿಚಾರವನ್ನ ಕ್ಯಾಮರಾ ಮುಂದೆ ಹೇಳಿದ ಅನುಪಮಾಗೆ ಜಗನ್ ಕ್ಲಾಸ್.!

ಆತ್ಮಹತ್ಯೆ ಯತ್ನಕ್ಕೆ ಕಾರಣ ಏನು.?

''ಯಾರೂ ಇಲ್ಲ, ಯಾವುದೂ ಇಲ್ಲ ಅಂತ ಅನಿಸಲು ಶುರು ಆಗಿತ್ತು. ನಾನು ತುಂಬಾ ಅಸಹಾಯಕಳಾಗಿದ್ದೆ. ಹೀಗಾಗಿ ಅಂತಹ ಒಂದು ನಿರ್ಧಾರವನ್ನ ತೆಗೆದುಕೊಂಡಿದ್ದೆ'' - ಅನುಪಮಾ ಗೌಡ

ಗುಟ್ಟಾಗಿ ಮದುವೆ ಆಗಿದ್ದಾರಂತೆ ನಟಿ ಅನುಪಮಾ ಗೌಡ.! ಹೌದಾ.?

ನೇಹ ಕಂಡ್ರೆ ತುಂಬಾ ಗೌರವ ಯಾಕೆ.?

''ಪ್ರತಿ ಬಾರಿ ಎಲ್ಲೇ ಹೋದರೂ ನೇಹಳನ್ನ ನೆನಪು ಮಾಡಿಕೊಳ್ಳುತ್ತೇನೆ. ಯಾಕಂದ್ರೆ, ಅವತ್ತು ನಾನು ಆ ತರಹ ಪ್ರಯತ್ನ ಪಟ್ಟಾಗ ನನ್ನ ಜೊತೆಗೆ ಇಡೀ ದಿನ ಇದ್ದು, ಆಕೆ ನನ್ನನ್ನ ನೋಡಿಕೊಂಡರು. ನನಗೆ ಎರಡನೇ ಲೈಫ್ ಸಿಗಲು ನೇಹ ಪ್ರಮುಖ ಕಾರಣ. ಹೀಗಾಗಿ ನೇಹ ಕಂಡ್ರೆ ನನಗೆ ತುಂಬಾ ಗೌರವ ಇದೆ'' - ಅನುಪಮಾ ಗೌಡ

'ಬಿಗ್ ಬಾಸ್' ಮನೆಗೆ ತೆರಳಿದ ನಟಿ ಅನುಪಮಾ ಗೌಡ ಕಣ್ಣೀರಿನ ಕಥೆ ಇದು!

ನನ್ನನ್ನ ನಾನೇ ಪ್ರೀತಿಸುತ್ತೇನೆ.!

''ನಾನು ಈಗ ಆ ತರಹ ಇಲ್ಲ. ನಿಮಗೆ ಆ ತರಹ ಯೋಚನೆ ಬಂದಾಗ, ದಯವಿಟ್ಟು ತೆಗೆದು ಹಾಕಿ. ನನ್ನನ್ನ ನಾನೇ ಪ್ರೀತಿಸಲು ಶುರು ಮಾಡಿದ್ದೇನೆ. ಮೊದಲು ನೀವು ನಿಮ್ಮನ್ನ ಪ್ರೀತಿಸಿ. ಇದೇ ನನ್ನ ಸೀಕ್ರೆಟ್'' ಎಂದರು ಅನುಪಮಾ ಗೌಡ