ಟೀಚರ್ ಮೇಲೆ ಕ್ರಷ್: ಕಪಾಳಕ್ಕೆ ಹೊಡೆಸಿಕೊಂಡಿದ್ದ ಜಗನ್.!

ಮೊದಲನೇ ಕ್ರಷ್ ಬಗ್ಗೆ ಜಗನ್ ಮಾತು

''ನಾನು ಏಳನೇ ಕ್ಲಾಸ್ ನಲ್ಲಿ ಇದ್ದಾಗ, ಕಂಪ್ಯೂಟರ್ ಲ್ಯಾಬ್ ಟೀಚರ್ ಇದ್ದರು. ಅವರು ಇಡೀ ಸ್ಕೂಲ್ ನಲ್ಲಿ ತುಂಬಾ ಸುಂದರವಾಗಿ ಇದ್ದರು. ಅವರು ಮೊದಲನೇ ದಿನ ಸ್ಕೂಲ್ ಗೆ ಬಂದಾಗ, ಅವರನ್ನ ನೋಡಿದಾಗ ನನಗೆ ಮೊದಲ ಬಾರಿಗೆ ಕ್ರಷ್ ಫೀಲ್ ಆಯ್ತು'' ಎಂದರು ಜಗನ್ನಾಥ್ ಚಂದ್ರಶೇಖರ್.

ಕಪಾಳಕ್ಕೆ ಹೊಡೆದಿದ್ದ ಟೀಚರ್

''ನಮಗೆ ಕಂಪ್ಯೂಟರ್ ಲ್ಯಾಬ್ ಕ್ಲಾಸ್ ಇರಲಿಲ್ಲ. ಆದರೂ, ಅವರನ್ನ ನೋಡಲು ನಾನು ಕಂಪ್ಯೂಟರ್ ಲ್ಯಾಬ್ ಗೆ ಹೋಗುತ್ತಿದ್ದೆ. ಆರು ತಿಂಗಳು ಕಳೆದ ನಂತರ ನಾನು ಅವರ ಬಳಿ ಹೋಗಿ, ''ನನಗೆ ನಿಮ್ಮ ಮೇಲೆ ಕ್ರಷ್ ಇದೆ'' ಅಂತ ಹೇಳಿದೆ. ಅವರು ನನ್ನ ಬಳಿ ಎರಡು ದಿನ ಮಾತನಾಡಿರಲಿಲ್ಲ. ಮೂರನೇ ದಿನ ನನ್ನನ್ನ ಕರೆದು ಕಪಾಳಕ್ಕೆ ಹೊಡೆದರು'' ಎಂದು ತಮ್ಮ ಮೊದಲ ಕ್ರಷ್ ಬಗ್ಗೆ ಜಗನ್ ಮಾತನಾಡಿದರು.

ಅನುಪಮಾ ತಲೆ ಎತ್ತಲಿಲ್ಲ.!

ಜಗನ್ ಇಷ್ಟೆಲ್ಲ ಹೇಳುವಾಗ, ಮಾಜಿ ಪ್ರಿಯತಮೆ ಅನುಪಮಾ ಗೌಡ ತಲೆ ಎತ್ತಲಿಲ್ಲ. ಜಗನ್ ಮುಖ ನೋಡಲೇ ಇಲ್ಲ. ಜಗನ್ ಮಾತು ಮುಗಿಸಿದ ಮೇಲೆ ಚಪ್ಪಾಳೆ ತಟ್ಟಿದರು ಅಷ್ಟೆ.

ಡಲ್ ಆಗಿದ್ದ ಆಶಿತಾ

ತಮ್ಮ ಮೊದಲ ಕ್ರಷ್ ಬಗ್ಗೆ ಜಗನ್ ಹೇಳುವಾಗ, ಆಶಿತಾ ಡಲ್ ಆಗಿ ಕುಳಿತಿದ್ದರು. ಕಳೆದ ವಾರ ತುಂಬಾ ಕ್ಲೋಸ್ ಆಗಿದ್ದ ಆಶಿತಾ ಹಾಗೂ ಜಗನ್ ಮಧ್ಯೆ ಈ ವಾರ ಶೀತಲ ಸಮರ ನಡೆಯುತ್ತಿರುವ ಹಾಗಿದೆ.