ಈ ವಾರ ನಾಮಿನೇಷನ್ ನಲ್ಲಿ 'ಜೋಡಿ' ಶಾಕ್ ಕೊಟ್ಟ ಬಿಗ್ ಬಾಸ್

'ಜೋಡಿ' ನಾಮಿನೇಷನ್

ನಾಮಿನೇಷನ್ ಗೆ ಮೊದಲು ಜೋಡಿ ಟಾಸ್ಕ್ ನೀಡಿದರು. ಇಬ್ಬರನ್ನ ಒಂದು ಜೋಡಿಯಾಗಿಸಿ ಅವರ ಕೈಗೆ ಬೇಡಿ ಹಾಕಿದರು. ಈ ವಾರ ಪೂರ್ತಿ ಇಬ್ಬರು ಜೋಡಿಯಾಗಿ ಟಾಸ್ಕ್ ಮಾಡಬೇಕು ಎಂಬ ಸೂಚನೆ ಸಿಕ್ಕುವಷ್ಟರಲ್ಲಿ, ನಾಮಿನೇಷನ್ ಕೂಡ ಇಬ್ಬರು ಸೇರಿ ನಿರ್ಧಾರ ತೆಗೆದುಕೊಳ್ಳಬೇಕು ಎಂದು ಬಿಗ್ ಬಾಸ್ ಸೂಚಿಸಿದರು. ಆದ್ರೆ, ಬೇರೆಯವರನ್ನ ನಾಮಿನೇಟ್ ಮಾಡುವಂತಿಲ್ಲ. ಅವರಿಬ್ಬರಲ್ಲಿ ಒಬ್ಬರನ್ನ ತಾವೇ ನಾಮಿನೇಟ್ ಮಾಡಿಕೊಳ್ಳಬೇಕು ಎಂದು ಸೂಚಿಸಿದರು.

ಜಯಶ್ರೀನಿವಾಸನ್ ನಾಮಿನೇಟ್

ಜಯ ಶ್ರೀನಿವಾಸನ್ ಮತ್ತು ರಿಯಾಜ್ ಜೋಡಿಯಲ್ಲಿ ಜಯಶ್ರೀನಿವಾಸನ್ ಹೊರಹೋಗಲು ನಾಮಿನೇಟ್ ಮಾಡಿಕೊಂಡರು. ರಿಯಾಜ್ ಸೇಫ್ ಆದರು.

ದಿವಾಕರ್ ಮಿಸ್ ಆಗಲಿಲ್ಲ

ಸಮೀರಾಚಾರ್ಯ ಮತ್ತು ದಿವಾಕರ್ ಜೋಡಿಯಲ್ಲಿ, ದಿವಾಕರ್ ಅವರು ನಾಮಿನೇಟ್ ಮಾಡಿಕೊಂಡರು. ಸಮೀರ್ ಅವರು ಇಲ್ಲಿ ಸೇಫ್ ಆದರು.

ಚಂದನ್ ಶೆಟ್ಟಿ ನಾಮಿನೇಟ್

ನಿವೇದಿತಾ ಗೌಡ ಮತ್ತು ಚಂದನ್ ಶೆಟ್ಟಿ ಜೋಡಿಯಲ್ಲಿ Rap ಸಿಂಗರ್ ತಮ್ಮನ್ನ ತಾವು ನಾಮಿನೇಟ್ ಮಾಡಿದರು. ನಿವೇದಿತಾ ಗೌಡ ಸೇಫ್ ಆದರು.

ಶ್ರುತಿ ಪ್ರಕಾಶ್ ಟಾರ್ಗೆಟ್

ಅನುಪಮಾ ಗೌಡ ಮತ್ತು ಶ್ರುತಿ ಪ್ರಕಾಶ್ ಅವರು ಜೋಡಿಯಲ್ಲಿ, ಶ್ರುತಿ ಪ್ರಕಾಶ್ ಅವರನ್ನ ನಾಮಿನೇಟ್ ಮಾಡಿಕೊಂಡರು. ಅನುಪಮಾ ಗೌಡ ಬಚಾವ್ ಆದರು.

ಜಗನ್ ಗೂ ಕಂಟಕ

ಕಾರ್ತಿಕ್ ಜಯರಾಂ ಮತ್ತು ಜಗನ್ನಾಥ್ ಅವರ ಜೋಡಿಯಲ್ಲಿ ಜಗನ್ ನಾಮಿನೇಟ್ ಮಾಡಿಕೊಂಡರು. ಜೆಕೆ ಸೇಫ್ ಆದರು.

ಜಸ್ಟ್ ಮಿಸ್ ಆದ ಸಮೀರ್, ಕ್ಯಾಪ್ಟನ್ ಕಣ್ಣಿಗೆ ಬಿದ್ದರು

ಈ ವಾರದ ಮನೆಯ ಕ್ಯಾಪ್ಟನ್ ಕೃಷಿ ತಾಪಂಡ ಅವರಿಂದ ಸಮೀರಾಚಾರ್ಯ ಅವರು ನೇರವಾಗಿ ನಾಮಿನೇಟ್ ಆದರು.

ಈ ವಾರ ಯಾರಿಗೆ ಗೇಟ್ ಪಾಸ್?

ದಿವಾಕರ್, ಜಯಶ್ರೀನಿವಾಸನ್, ಚಂದನ್ ಶೆಟ್ಟಿ, ಶ್ರುತಿ ಪ್ರಕಾಶ್, ಜಗನ್ ಹಾಗೂ ಸಮೀರಾಚಾರ್ಯ ಈ ವಾರ ಮನೆಯಿಂದ ಹೊರಹೋಗಲು ನಾಮಿನೇಟ್ ಆಗಿದ್ದಾರೆ. ಈ ಆರು ಜನರಲ್ಲಿ ಯಾರಿಗೆ ಗೇಟ್ ಪಾಸ್ ಸಿಗಲಿದೆ ಎಂದು ವೀಕೆಂಡ್ ನಲ್ಲಿ ಗೊತ್ತಾಗಲಿದೆ.