ಸದ್ಯದಲ್ಲೇ ದಿವಾಕರ್ 'ಹೀರೋ' ಆದರೆ ಅಚ್ಚರಿ ಪಡಬೇಡಿ.!

ಆಫರ್ ಗಳ ಬಗ್ಗೆ ಬಾಯ್ಬಿಟ್ಟ ದಿವಾಕರ್

'ಬಿಗ್ ಬಾಸ್' ಮನೆಯಿಂದ ಆಚೆ ಬಂದ್ಮೇಲೆ ಪತ್ರಿಕಾ ಹಾಗೂ ಮಾಧ್ಯಮ ಮಿತ್ರರಿಗೆ ಸಂದರ್ಶನ ನೀಡುವಲ್ಲಿ ಬಿಜಿಯಾಗಿರುವ ದಿವಾಕರ್, ತಮಗೆ ಸ್ಯಾಂಡಲ್ ವುಡ್ ನಿಂದ ಕರೆ ಬಂದಿರುವ ಬಗ್ಗೆ ಬಾಯ್ಬಿಟ್ಟಿದ್ದಾರೆ.

ಸಿನಿಮಾ ಹಾಗೂ ಸೀರಿಯಲ್ ನಲ್ಲಿ ನಟಿಸುವ ಚಾನ್ಸ್

''ಆಗಲೇ ಸಿನಿಮಾ ಮತ್ತು ಸೀರಿಯಲ್ ಆಫರ್ ಬರುತ್ತಿದೆ. ಇನ್ನೂ ಯೋಚನೆ ಮಾಡಬೇಕು. ಒಂದೊಳ್ಳೆ ನಿರ್ಧಾರ ತೆಗೆದುಕೊಳ್ಳಬೇಕು'' ಎಂದು ಸಂದರ್ಶನವೊಂದರಲ್ಲಿ ದಿವಾಕರ್ ಹೇಳಿದ್ದಾರೆ. ಹೀಗಾಗಿ, ಸದ್ಯದಲ್ಲೇ 'ದಿವಾಕರ್ ಹೀರೋ' ಆಗಿರುವ ಸಿನಿಮಾ ಅನೌನ್ಸ್ ಆದರೆ ಅಚ್ಚರಿ ಪಡಬೇಡಿ

ಸೇಲ್ಸ್ ಕೆಲಸ ಮಾತ್ರ ಬಿಡಲ್ಲ.!

ಸಿನಿಮಾ ಹಾಗೂ ಸೀರಿಯಲ್ ನಲ್ಲಿ ಆಕ್ಟ್ ಮಾಡಿದರೂ, ಸೇಲ್ಸ್ ಬಿಸಿನೆಸ್ ನ ಮಾತ್ರ ದಿವಾಕರ್ ಬಿಡಲ್ವಂತೆ. ''ನನ್ನ ಬ್ಯಾಗ್ ಮಾತ್ರ ಯಾವಾಗಲೂ ನನ್ನ ಜೊತೆ ಇರಬೇಕು'' ಅಂತಾರೆ ದಿವಾಕರ್.

ಕೋಪ ಕಮ್ಮಿ ಆಗಿದ್ಯಂತೆ

''ಫೈನಲ್ ವರೆಗೂ ಬರುತ್ತೇನೆ ಅಂತ ಕನಸಿನಲ್ಲೂ ಅಂದುಕೊಂಡಿರಲಿಲ್ಲ. ಒಂದೆರಡು ವಾರ ಇದ್ದು ಬರಬಹುದು ಅಂತ ಅಂದುಕೊಂಡಿದ್ದೆ'' ಎನ್ನುವ ದಿವಾಕರ್ ಗೆ 'ಬಿಗ್ ಬಾಸ್' ಮನೆಯೊಳಗೆ ಇದ್ದು ಬಂದ್ಮೇಲೆ ಕೋಪ ಕಮ್ಮಿ ಆಗಿದ್ಯಂತೆ.