ಬೆಟ್ಟಿಂಗ್ ನಲ್ಲಿ ಗೆದ್ದ ಸಮೀರಾಚಾರ್ಯ: ಜಯರಾಂ ಕಾರ್ತಿಕ್ ಗೆ ಐದು ಲಕ್ಷ ಲಾಸ್.!

ಬೆಟ್ಟಿಂಗ್ ನಲ್ಲಿ ಜಯರಾಂ ಕಾರ್ತಿಕ್ ಸೋತಿದ್ದಾರೆ. ಸಮೀರಾಚಾರ್ಯ ಗೆಲುವಿನ ನಗೆ ಬೀರಿದ್ದಾರೆ.!

ಯಾವುದಪ್ಪಾ ಈ ಬೆಟ್ಟಿಂಗ್ ಅಂತ ಯೋಚನೆ ಮಾಡ್ತಿದ್ರಾ.? ಒಂದು ವಾರದ ಹಿಂದಿನ ಫ್ಲ್ಯಾಶ್ ಬ್ಯಾಕ್ ಗೆ ಹೋಗಿ..

ಕಳೆದ ವಾರ 'ಬಿಗ್ ಬಾಸ್' ಮನೆಯಿಂದ ಹೊರ ಹೋಗಲು ಜೆಕೆ ಅಲಿಯಾಸ್ ಜಯರಾಂ ಕಾರ್ತಿಕ್ ನಾಮಿನೇಟ್ ಆಗಿದ್ದರು. ''ವಾರಾಂತ್ಯದಲ್ಲಿ ಬೇರೆ ಯಾರೂ ಔಟ್ ಆಗಲ್ಲ. ನಾನೇ ಔಟ್ ಆಗುವುದು'' ಎಂದು ಜೆಕೆ ವಾದ ಮಾಡಿದರು. ಸಾಲದಕ್ಕೆ ಸಮೀರಾಚಾರ್ಯ ಜೊತೆಗೆ ಬೆಟ್ಟಿಂಗ್ ಕಟ್ಟಿದರು.

''ಈ ವಾರ ನಾನು ಔಟ್ ಆಗುತ್ತೇನೆ'' ಎಂದು ಭವಿಷ್ಯ ನುಡಿದ ಜೆಕೆ, ಸಮೀರಾಚಾರ್ಯ ಜೊತೆಗೆ ಐದು ಲಕ್ಷ ಬೆಟ್ ಕಟ್ಟಿದರು.

ಈ ವಾರ ಜಯರಾಂ ಕಾರ್ತಿಕ್ ಔಟ್: ಐದು ಲಕ್ಷ ರೂಪಾಯಿ ಬೆಟ್ಟಿಂಗ್.!

ಯಾವುದೇ ಕಾರಣಕ್ಕೂ ಜೆಕೆ ಔಟ್ ಆಗಲ್ಲ ಎಂದು ನಂಬಿದ್ದ ಸಮೀರಾಚಾರ್ಯ ಕೂಡ 'ಐದು ಲಕ್ಷ ರೂಪಾಯಿ' ಬೆಟ್ಟಿಂಗ್ ಗೆ ಜೈ ಎಂದರು.

ಹನ್ನೆರಡನೇ ವಾರದ ಎಲಿಮಿನೇಷನ್ ಪ್ರಕ್ರಿಯೆ ಮುಗಿಯಿತು. ಕೃಷಿ ತಾಪಂಡ ಔಟ್ ಆದರು. ಜೆಕೆ ಸೋತರು, ಸಮೀರಾಚಾರ್ಯ ಗೆದ್ದರು. ಆಡಿದ ಮಾತಿನಂತೆ ಸಮೀರಾಚಾರ್ಯ ಅವರಿಗೆ ಜೆಕೆ ಐದು ಲಕ್ಷ ರೂಪಾಯಿ ಕೊಡ್ತಾರಾ.? ಕಾದು ನೋಡ್ಬೇಕು.