'ಬಿಗ್ ಬಾಸ್' ಮುಂದೆ ತಲೆ ತಗ್ಗಿಸಿದ ಸಿಹಿಕಹಿ ಚಂದ್ರು.! ಇದು ಅವಮಾನದ ವಿಚಾರ.!

ಸ್ಪರ್ಧಿಗಳಿಗೆ ಬುದ್ಧಿ ಬಂದಿಲ್ಲ

ಗ್ಯಾಸ್ ಆಫ್ ಮಾಡದೆ ಹಾಗೇ ಬಿಟ್ಟು ಹೋದಾಗ, ಎಲ್ಲ ಸ್ಪರ್ಧಿಗಳಿಗೆ ಸರಿಯಾದ ಪಾಠ ಕಲಿಸಲು 'ಬಿಗ್ ಬಾಸ್' ಅಡುಗೆ ಅನಿಲ ಪೂರೈಕೆ ನಿಲ್ಲಿಸಿದ್ದರು. ಮೂರು ಬಾರಿ ಹೀಗೆ ಗ್ಯಾಸ್ ನಿಲ್ಲಿಸಿದ್ದರೂ, ಸ್ಪರ್ಧಿಗಳಿಗೆ ಬುದ್ಧಿ ಬಂದಿಲ್ಲ.

'ಬಿಗ್ ಬಾಸ್' ವೇದಿಕೆ ಮೇಲೆ ಚಮಕ್ ಕೊಟ್ಟ ಚಂದ್ರು ಸಿಹಿಯೋ.? ಕಹಿಯೋ.?

ಮತ್ತೆ ಮತ್ತೆ ಅದೇ ತಪ್ಪು

''ಇನ್ಮುಂದೆ ಹೀಗೆ ಆಗಲ್ಲ. ಗ್ಯಾಸ್ ಬಗ್ಗೆ ನಾನು ಎಚ್ಚರ ವಹಿಸುತ್ತೇನೆ. ದಯವಿಟ್ಟು ಅಡುಗೆ ಅನಿಲ ಪೂರೈಕೆ ಸ್ಥಗಿತಗೊಳಿಸಬೇಡಿ'' ಎಂದು ಸಿಹಿ ಕಹಿ ಚಂದ್ರು ಕೂಡ 'ಬಿಗ್ ಬಾಸ್' ಬಳಿ ಬೇಡಿಕೊಂಡಿದ್ದರು. ಅದಾದ ಬಳಿಕ ಅಡುಗೆ ಅನಿಲ ಪೂರೈಕೆ ಮಾಡಲಾಗಿತ್ತು. ಈಗ ಮತ್ತೆ ಸಮೀರಾಚಾರ್ಯ ಗ್ಯಾಸ್ ಆಫ್ ಮಾಡದ ಕಾರಣ 'ಬಿಗ್ ಬಾಸ್' ಮನೆಯಲ್ಲಿ ಅಡುಗೆ ಅನಿಲ ಪೂರೈಕೆ ಸ್ಥಗಿತಗೊಂಡಿದೆ. ಇದರಿಂದ ಸಿಹಿ ಕಹಿ ಚಂದ್ರು ಬೇಸರಗೊಂಡಿದ್ದಾರೆ.

'ಬಿಗ್ ಬಾಸ್- 5' ಸ್ಫರ್ಧಿ ಸಿಹಿ ಕಹಿ ಚಂದ್ರು ವಿರುದ್ದ ಪ್ರತಿಭಟನೆ

ಅವಮಾನದ ವಿಚಾರ

''ಅಚಾತುರ್ಯ ನಡೆದು ಹೋಗಿದೆ. ತಲೆ ತಗ್ಗಿಸುವ ವಿಚಾರ. ಅವಮಾನದ ವಿಚಾರ ಇದು. ನಾನು ಅಲ್ಲಿ ಇದ್ದವನು ಹೊರಗಡೆ ಹೋಗಿದ್ದು ತಪ್ಪಾಯ್ತು'' ಎಂದು ಬೇಸರದಿಂದ ಕ್ಯಾಮರಾ ಮುಂದೆ ಹೇಳಿದ್ದಾರೆ ಸಿಹಿ ಕಹಿ ಚಂದ್ರು.

ಅಡುಗೆ ಮನೆ ಸಾಕು...

''ಅಡುಗೆ ಮಾಡುವುದು ಯಾಕೋ ಸ್ವಲ್ಪ ಬಿಟ್ಟುಬಿಡುವುದು ಒಳ್ಳೆಯದ್ದು ಎನಿಸುತ್ತದೆ. ಬೇರೆ ಯಾರಾದರೂ ಈ ಜವಾಬ್ದಾರಿ ವಹಿಸಿಕೊಳ್ಳಬೇಕು'' ಎಂದಿದ್ದಾರೆ ಸಿಹಿ ಕಹಿ ಚಂದ್ರು.

ತಲೆ ತಗ್ಗಿಸಿದ ಸಿಹಿ ಕಹಿ ಚಂದ್ರು

''ಕ್ಷಮಿಸಿ ಅಂತ ಕೇಳೋಕೆ ಮುಖ ಇಲ್ಲ. ಗ್ಯಾಸ್ ಕೊಡದೆ ಹೋದರೆ ವಿಧಿ ಇಲ್ಲ. ಅವಮಾನ ಆಗುತ್ತಿದೆ ನನಗೆ. ತಲೆ ತಗ್ಗಿಸುತ್ತೇನೆ ಅಷ್ಟೇ. ಬೇರೇನೂ ಹೇಳಲ್ಲ'' ಎಂದು ತಲೆ ತಗ್ಗಿಸಿ ನುಡಿದರು ಸಿಹಿ ಕಹಿ ಚಂದ್ರು.