'ಬಿಗ್ ಬಾಸ್' ಗೆದ್ದರೆ, ಬರುವ ದುಡ್ಡಲ್ಲಿ ಅನುಪಮಾ ಏನ್ ಮಾಡ್ತಾರೆ ಗೊತ್ತಾ.?

ಮೊನ್ನೆಯಷ್ಟೇ ವಾಪಸ್ ಕಳುಹಿಸಿ ಎಂದಿದ್ದರು.

''ಪ್ಲೀಸ್ ನನ್ನನ್ನ ವಾಪಸ್ ಕಳುಹಿಸಿ'' ಎಂದು ಮೊನ್ನೆ ಮೊನ್ನೆಯಷ್ಟೇ ಕ್ಯಾಮರಾ ಮುಂದೆ ಕಣ್ಣೀರು ಹಾಕುತ್ತಿದ್ದ ಅನುಪಮಾ ಗೌಡ ಮನಸ್ಸಿನಲ್ಲಿ ಈಗ 'ಬಿಗ್ ಬಾಸ್' ಶೋ ಗೆಲ್ಲುವ ಛಲ ಬಂದಿದೆ.

'ಬಿಗ್ ಬಾಸ್' ಅವಕಾಶ ಕಲ್ಪಿಸಿದಾಗ..

ತಮ್ಮಲ್ಲಿರುವ ವೈಶಿಷ್ಟತೆ ಏನು ಹಾಗೂ ತಾವು ಈ ಸ್ಪರ್ಧೆಯನ್ನು ಏಕೆ ಗೆಲ್ಲಬೇಕು ಎಂದು ಎಲ್ಲರ ಮುಂದೆ ವಿವರಿಸುವ ಅವಕಾಶವನ್ನ ಎಲ್ಲ ಸ್ಪರ್ಧಿಗಳಿಗೂ 'ಬಿಗ್ ಬಾಸ್' ಕಲ್ಪಿಸಿದರು. ಇದರ ಅನುಸಾರ ತಮ್ಮ ಮನಸ್ಸಿನಲ್ಲಿ ಇರುವ ಆಸೆಯನ್ನ ಅನುಪಮಾ ಗೌಡ ಹೊರ ಹಾಕಿದರು.

'ಬಿಗ್ ಬಾಸ್' ಮನೆಗೆ ಬಂದಿದ್ಯಾಕೆ.?

''ನನಗೆ ಕೆಲವು ಬದಲಾವಣೆಗಳು ಬೇಕೇ ಬೇಕಿತ್ತು. ಒಳಗೆ ಬಂದ ಮೇಲೆ ಕೆಲವು ಬದಲಾವಣೆಗಳು ಆಗಿವೆ. ಸ್ವಾರ್ಥಿಯಾಗಿ ಉತ್ತರ ಕೊಡುತ್ತೇನೆ. ನನ್ನ ಫ್ಯಾಮಿಲಿಗೆ ಸಹಾಯ ಮಾಡಬೇಕು'' ಎನ್ನುತ್ತ 'ಬಿಗ್ ಬಾಸ್' ಕಾರ್ಯಕ್ರಮದ ವಿನ್ನರ್ ಯಾಕಾಗಬೇಕು ಎಂದು ಅನುಪಮಾ ವಿವರಿಸಿದರು.

''ತಂದೆ-ತಾಯಿಗೆ ಮನೆ ಕೊಡಿಸಬೇಕು''

''ನನ್ನ ತಂದೆ-ತಾಯಿಗೆ ಮನೆ ಕೊಡಿಸಬೇಕು ಅಂತಿದ್ದೀನಿ. ಐವತ್ತು ಲಕ್ಷ ಬಂದರೆ, ನನ್ನ ತಂದೆ-ತಾಯಿ ಸೆಟೆಲ್ ಆಗ್ತಾರೆ. ಅದೊಂದೇ ಕಾರಣಕ್ಕೆ ನಾನು ಗೆಲ್ಲಬೇಕು ಅಂತ ಹೇಳ್ತೀನಿ. ಅದು ಬಿಟ್ಟರೆ ಗೆಲ್ಲುವುದಕ್ಕೆ ಯಾವುದೇ ಕಾರಣಗಳು ಈ ಮನೆಯಲ್ಲಿ ಇಲ್ಲ. ನಾನು ನಾನಾಗಿ ಇದ್ದೇನೆ. ಇದು ಕೂಡ ನನಗೆ ಕೆಲಸ. ಸುಮ್ಮನೆ ಬಂದಿಲ್ಲ. ಜವಾಬ್ದಾರಿ ತೆಗೆದುಕೊಂಡು ಒಳಗೆ ಬಂದೆ. ಹೊರಗಡೆ ಕೂಡ ಜವಾಬ್ದಾರಿ ಕೊಟ್ಟು ಬಂದಿದ್ದೇನೆ ಅಂದ್ರೆ ಅದರ ಬಗ್ಗೆ ಕೂಡ ಯೋಚನೆ ಇರುತ್ತದೆ'' ಎಂದರು ಅನುಪಮಾ ಗೌಡ.

ಅನುಪಮಾ ರನ್ನ ಗೆಲ್ಲಿಸುವ ಇಚ್ಛೆ ಇದ್ಯಾ.?

'ಬಿಗ್ ಬಾಸ್' ಯಾಕೆ ಗೆಲ್ಲಬೇಕು ಎಂಬುದರ ಬಗ್ಗೆ ಅನುಪಮಾ ಅಂತೂ ವಿವರಣೆ ಕೊಟ್ಟಾಯ್ತು. ಅನುಪಮಾ ಅವರನ್ನ ಗೆಲ್ಲಿಸುವ ಇಚ್ಛೆ ನಿಮಗಿದ್ದರೆ, ಅವರ ಪರ ಮತ ಹಾಕಿ...