ಹತ್ತು-ಹಲವು ಸರ್ಪೈಸ್ ಗಳೊಂದಿಗೆ ಬರಲಿದೆ 'ಬಿಗ್ ಬಾಸ್ ಕನ್ನಡ-5'

ಕನ್ನಡ ಕಿರುತೆರೆಯಲ್ಲಿ 'ಬಿಗ್ ಬಾಸ್' ಅಬ್ಬರ ಮತ್ತೆ ಶುರು ಆಗಲಿದೆ. ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಎಂದಿನಂತೆ 'ಬಿಗ್ ಬಾಸ್ ಕನ್ನಡ-5' ಕಾರ್ಯಕ್ರಮ ಇನ್ನು ಕೆಲವೇ ತಿಂಗಳುಗಳಲ್ಲಿ ಆರಂಭ ಆಗಲಿದೆ.

ಈಗಾಗಲೇ ಪ್ರಸಾರ ಅಗಿರುವ ನಾಲ್ಕು ಆವೃತ್ತಿಗಳಿಗಿಂತಲೂ, ಐದನೇ ಅವೃತ್ತಿಯಲ್ಲಿ (ಸೀಸನ್ 5) ಸರ್ಪ್ರೈಸ್ ಜಾಸ್ತಿ ಇದ್ಯಂತೆ. ಹಾಗಂತ, 'ಬಿಗ್ ಬಾಸ್' ಕಾರ್ಯಕ್ರಮದ ಮಾಸ್ಟರ್ ಮೈಂಡ್ ಗುರುದಾಸ್ ಶೆಣೈ ಟ್ವೀಟ್ ಮಾಡಿದ್ದಾರೆ.

ಗುರುದಾಸ್ ಶೆಣೈ ಮಾಡಿರುವ ಈ ಟ್ವೀಟ್ ಗೆ ''ನಾನು ಕೂಡ ಉತ್ಸುಕನಾಗಿದ್ದೇನೆ'' ಎಂದು ಪ್ರತಿಕ್ರಿಯೆ ಕೊಟ್ಟಿದ್ದಾರೆ ಕಿಚ್ಚ ಸುದೀಪ್.

'ಬಿಗ್ ಬಾಸ್ ಕನ್ನಡ-5' ತೆರೆಮರೆಯ ಕೆಲಸಗಳಿಗೆ ಈಗಾಗಲೇ ಚಾಲನೆ ನೀಡಲಾಗಿದೆ. ''ಹೆಚ್ಚು ಸರ್ಪ್ರೈಸ್ ಗಳಿವೆ'' ಎಂದು ಹೇಳಿರುವುದರಿಂದ ಕುತೂಹಲ ಕೂಡ ಡಬಲ್ ಆಗಿದೆ.