'ಸರಿಯಾಗಿ ವಾಂಚುತ್ತೇನೆ' ಎಂದು ಮೊದಲೇ ವಾರ್ನಿಂಗ್ ಕೊಟ್ಟಿದ್ದ ಸಂಯುಕ್ತ.!

ತಮಾಷೆ ಮಾಡುತ್ತಿದ್ದರು

ಬೆಡ್ ರೂಮ್ ಏರಿಯಾದಲ್ಲಿ ಜೆಕೆ ಮತ್ತು ಶ್ರುತಿ ಪ್ರಕಾಶ್ ಹೊಡೆದಾಡುತ್ತಾ ತಮಾಷೆ ಮಾಡುತ್ತಿದ್ದರು. ಆಗ, ಸಮೀರಾಚಾರ್ಯ ಕೂಡ ತಮಾಷೆಯಿಂದ ಶ್ರುತಿ ಪ್ರಕಾಶ್ ಬೆನ್ನಿಗೆ ಏಟು ಕೊಟ್ಟರು.

ಸಂಯುಕ್ತಗೆ ಸ್ವಲ್ಪ ಸಿಟ್ಟು

''ಯಾಕೆ ಹೊಡೆದ್ರಿ'' ಎನ್ನುತ್ತಾ ಸಂಯುಕ್ತ ಕೂಡ ತಮಾಷೆಯಿಂದ ಸಮೀರಾಚಾರ್ಯ ರನ್ನ ಹೊಡೆಯಲು ಆರಂಭಿಸಿದರು.

ಕ್ಷಮೆ ಕೇಳಿ ಎಂದ ಸಂಯುಕ್ತ

''ಸಾರಿ ಕೇಳಿ ಇಲ್ಲ ಅಂದ್ರೆ ಏಟು ಬೀಳುತ್ತೆ'' ಅಂತ ಸಮೀರಾಚಾರ್ಯ ಗೆ ಸಂಯುಕ್ತ ಹೊಡೆಯುತ್ತಲೇ ಇದ್ದರು.

ಮುಖಕ್ಕೆ ಹೊಡೆಯುತ್ತೇನೆ

''ಕಾಲಿಗೆ ಬಿದ್ದರೆ ಮುಖಕ್ಕೆ ಹೊಡೆಯುತ್ತೇನೆ. ಚಾಲೆಂಜ್ ಮಾಡಬೇಡಿ ನನಗೆ. ಈಗ ಅಲ್ಲದೇ ಹೋದರೂ, ಬರುವ ಟಾಸ್ಕ್ ನಲ್ಲಿ ಮುಖಕ್ಕೆ ಸರಿಯಾಗಿ ವಾಂಚುತ್ತೇನೆ'' ಎಂದು ಸಮೀರಾಚಾರ್ಯಗೆ ಸಂಯುಕ್ತ ಹೇಳಿದ್ದರು.

ಈಗಲೇ ಹೇಳುತ್ತಿದ್ದೇನೆ...

''ನಾಲ್ಕು ಜನ ಹುಡುಗಿಯರು ನಿಮ್ಮ ತಲೆ ಮೇಲೆ ಕೂತರೇ ನೀವೇನೂ ಮಾಡಲು ಸಾಧ್ಯ ಇಲ್ಲ. ಇವತ್ತು ಟಾಸ್ಕ್ ಬರಬೇಕು... ಹೇಳ್ತಿದ್ದೀನಿ ಈಗಲೇ, ನಾನು ಗ್ಯಾರೆಂಟಿ ಮೊಣಕೈಯಿಂದಲೇ ಹೊಡೆಯುತ್ತೇನೆ'' - ಸಂಯುಕ್ತ ಹೆಗ್ಡೆ

ವಾರ್ನಿಂಗ್ ಕೊಟ್ಟ ಸಂಯುಕ್ತ

''ನೀವು ಬನ್ನಿ ಇವತ್ತು ಹೊಡೆಯಬಾರದ ಜಾಗದಲ್ಲಿ ಹೊಡೆಯುತ್ತೇನೆ. ಸುರಕ್ಷತೆ ಕೂಡ ಇರಲ್ಲ ನಿಮಗೆ ಇವತ್ತು. ಇವತ್ತಿನ ಟಾಸ್ಕ್ ನಲ್ಲಿ ಏನಾದರೂ ಓಡುವುದು, ಹಿಡಿಯುವುದು ಇದ್ದರೆ, ಏನಾದರೂ ನೀವು ನನ್ನನ್ನ ಹಿಡಿದುಕೊಳ್ಳಬೇಕು. ಆಗ ಹೇಗೇಗೆಲ್ಲ ಹಿಡಿದುಕೊಂಡು ತಿರುಚಿ ಹಾಕುತ್ತೇನೆ ಅಂದ್ರೆ ನೋಡಿ.. ಇದು ವಾರ್ನಿಂಗ್ ನಿಮಗೆ...'' ಎಂದಿದ್ದರು ಸಂಯುಕ್ತ ಹೆಗ್ಡೆ. ಆಗ, ''ದಿ ಗೇಮ್ ಈಸ್ ಆನ್'' ಎಂದುಕೊಂಡು ಸಮೀರಾಚಾರ್ಯ ಎದ್ದು ಹೋದರು.

ಬೇಕು ಅಂತ ಹೊಡೆದ್ರಾ ಸಂಯುಕ್ತ.?

''ಟಾಸ್ಕ್ ಬಂದಾಗ ಹೊಡೆಯುತ್ತೇನೆ'' ಅಂತ ಸಂಯುಕ್ತ ತಮಾಷೆಗೆ ಹೇಳಿರಬಹುದು. ಆದ್ರೆ, ಸಂಯುಕ್ತ ಹೇಳಿದ ಹಾಗೆ, ಟಾಸ್ಕ್ ಸಂದರ್ಭದಲ್ಲಿ ಸಮೀರಾಚಾರ್ಯ ಹಾಗೂ ಸಂಯುಕ್ತ ನಡುವೆ ರಾದ್ಧಾಂತ ನಡೆದು ಹೋಯ್ತು. ಸಮೀರಾಚಾರ್ಯ ಮೇಲೆ ಸಂಯುಕ್ತ ಕೈ ಮಾಡಿದರು. ಭಾವಾವೇಶಕ್ಕೆ ಒಳಗಾಗಿ ಸಂಯುಕ್ತ ಏಟು ಕೊಟ್ಟಿರಬಹುದು. ಆದ್ರೆ, ವಾರ್ನಿಂಗ್ ಮಾತುಗಳನ್ನ ಕೇಳಿದ್ಮೇಲೆ, ಬೇಕು ಅಂತಲೇ ಹೊಡೆದ್ರಾ ಎಂಬ ಅನುಮಾನ ಮೂಡದೇ ಇರುವುದಿಲ್ಲ.