ಸೂಕ್ಷ್ಮತೆ ಇಲ್ಲದೆ ನಡೆದುಕೊಂಡ ಕೃಷಿ ತಾಪಂಡಗೆ ಭಾರಿ ಮುಖಭಂಗ.!

ಸಂಯುಕ್ತ ರನ್ನ ಹೊರ ಹಾಕಿದ 'ಬಿಗ್ ಬಾಸ್'

'ಬಿಗ್ ಬಾಸ್' ಮನೆಯ ಮೂಲ ನಿಯಮಗಳ ಅನುಸಾರ, ಮನೆಯಲ್ಲಿ ಯಾವುದೇ ಕಾರಣಕ್ಕೂ, ಯಾವುದೇ ಸದಸ್ಯರು ದೈಹಿಕ ಹಲ್ಲೆ ಮಾಡುವಂತಿಲ್ಲ. ಆದ್ರೆ, ಸಂಯುಕ್ತ ಭಾವಾವೇಶಕ್ಕೆ ಒಳಗಾಗಿ ಸಮೀರಾಚಾರ್ಯ ಮೇಲೆ ಕೈ ಮಾಡಿದ್ರಿಂದಾಗಿ, 'ಬಿಗ್ ಬಾಸ್' ಆಕೆಯನ್ನ ಹೊರಹಾಕಿದರು.

ತುಂಬಾ ಕೆಟ್ಟ ನಿರ್ಗಮನ

''ಸೋ ಬ್ಯಾಡ್. ಇದು ನನಗೆ ತುಂಬಾ ಕೆಟ್ಟದ್ದು. ನಾನು ಇಲ್ಲಿ ಎಷ್ಟು ಕಳೆದುಕೊಂಡು ಹೋಗುತ್ತಿದ್ದೇನೆ ಗೊತ್ತಾ.?'' ಎನ್ನುತ್ತಲೇ ನಟಿ ಸಂಯುಕ್ತ ಹೊರ ಹೋಗಲು ಸಿದ್ಧತೆ ನಡೆಸಿದರು. ಆಗಲೇ, ತಮಗೆ ಶೂ ಕೊಟ್ಟು ಹೋಗಲು ಸಂಯುಕ್ತ ಬಳಿ ಕೃಷಿ ಕೇಳಿಕೊಂಡರು.

ಸುದೀಪ್ ಹೇಳಿದ್ದೇನು.?

''ತುಂಬಾ ಕಳೆದುಕೊಂಡು ಹೋಗುತ್ತಿದ್ದೇನೆ' ಅಂತ ಸಂಯುಕ್ತ ಹೇಳುತ್ತಿರುವಾಗ, ಶೂ ಕೊಟ್ಟು ಹೋಗು ಅಂತ ಕೇಳ್ತೀರಾ ಕೃಷಿ... how insensitive it is.? ಐ ಆಮ್ ಸಾರಿ. ಇದು ನಿಮಗೆ ಪ್ರಶ್ನೆಯೇ ಅಲ್ಲ'' ಅಂತ ಸುದೀಪ್ ಬೇಸರದಿಂದ ನುಡಿದಾಗ, ''ನನಗೆ ಗೊತ್ತು ಅದು ತುಂಬಾ insensitive ಅಂತ...'' ಎಂದು ಕೃಷಿ ಹೇಳುವಷ್ಟರಲ್ಲಿ, ''ಒಳ್ಳೆಯದ್ದು. ಮ್ಯಾಟರ್ ಅಲ್ಲಿಗೆ ಮುಗಿಯಿತು. ವಿವರಣೆ ಕೊಡಲು ಹೋಗಿ ಮತ್ತೆ ಚಿಕ್ಕವರು ಆಗಬೇಡಿ'' ಎಂದು ಗರಂ ಆದರು ಸುದೀಪ್.

ತಲೆ ತಗ್ಗಿಸಿದ ಕೃಷಿ

''ಸಮಯ, ಸಂದರ್ಭ, ಸನ್ನಿವೇಶ ನೋಡಬೇಕು ಅಲ್ಲವೇ... ಸೂತಕದ ಮನೆಗೆ ಹೋಗಿ ಐಸ್ ಕ್ರೀಮ್ ಕೇಳಿದ ಹಾಗೆ ಆಗಲಿಲ್ವಾ.?'' ಎಂದು ಕೃಷಿಗೆ ಸುದೀಪ್ ಕೇಳಿದಾಗ, ಕೃಷಿ ತಲೆ ತಗ್ಗಿಸಿದರು.